Fréttatíminn - 02.09.2011, Blaðsíða 58

38 matur Helgin 2.-4. september 2011
50%
afsláttur
af nammibarnu
m
á föstudögu
m
og laugardög
um
fyrst og fremst ódýr
Mint Julep
Mint Julep er einn þessara gömlu frægu
amerísku kokteila og er eiginlega hálfgerður
fyrirrennari hins vinsæla mojito. Drykkurinn
á rætur sínar að rekja til suðurríkja Banda-
ríkjanna þar sem eigendur plantekranna sátu
á veröndinni og sötruðu hann bróðurpart
dagsins.
Á hverju ári eru 120 þúsund slíkir drykkir
teygaðir á Kentucky Derby-veðreiðunum og
allir framreiddir í silfur- eða tinbollum sem er
einkenni þessa drykks.
1-2 msk. af sykursírópi
15 myntulauf
Mulinn ís eða ískurl
6 cl Bourbon viskí (Jack Daniel’s)
Setjið myntulaufin í glasið og bætið sykur-
sírópinu við. Merjið varlega, það er líka ágætt
að nudda myntuna létt í höndunum áður
en hún fer í glasið til að losa um olíurnar.
Mikilvægt er að fara varlega með myntuna
og alls ekki að merja hana mikið. Myntan er
viðkvæm og verður bitur ef hún er of mikið
marin. Kúffyllið glasið af ískurli og hellið vel af
bourbon yfir ísinn. Gott er að hræra létt upp
í drykknum, annað hvort með röri eða skeið.
Þannig blandast sýrópið og myntan saman við
bourbonið svo úr verður frábær blanda.
På kanelen
Engifer er frábært að nota til að fá bragð
í vodka. Það frískar upp drykkinn og gefur
honum sérstakan og áhugaverðan blæ. Kanill
passar líka einstaklega vel saman við engifer
og úr verður ljúffeng blanda. På kanelen er ætt-
aður frá Svíþjóð og er einmitt þannig drykkur.
Það tekur samt smá tíma að undirbúa þennan.
Undirbúningur:
1. Engifervodka
Það er svo sem ekkert að því að blanda engi-
ferinu út í vodkað og blanda drykkinn strax,
en bragðið verður mun betra sé engiferið látið
liggja í minnst viku í vodkanu.
35 cl gott vodka, t.d. Reyka
5 cm ferskt engifer
1 msk. sykur
Skræla engiferið og skera það í bita. Merja
saman engiferið og sykurinn í skál eða mortéli.
Blanda svo áfenginu saman við og hella öllum
herlegheitunum í glerkrukku eða glerflösku og
láta standa í minnst viku. Þegar nota á vodkað
eru engiferbitarnir síaðir frá. Vodkað verður
smá gruggugt en það gefur bara betra bragð.
2. Kanilsíróp
1 dl púðursykur
1 dl vatn
1 kanilstöng
Blanda öllu saman í pott og láta sjóða í nokkrar
mínútur við vægan hita þangað til sykurinn er
allur bráðnaður og kanilstöngin hefur fengið
tíma til að gefa bragð sem tekur um 10 mín-
útur. Takið kanilstöngina frá og hellið sírópinu
í gott ílát. Úr þessu verður um 1 dl af sírópi.
Athugið að sírópið harðnar þegar það kólnar
og það þarf því að hræra það vel upp í köldum
drykknum.
Uppskrift:
4 cl pressuð sítróna
4 cl engifervodka
2 cl kanilsíróp
ísmolar
Fyllið hátt glas til hálfs með ísmolum. Hellið
sítrónuvökva, engifervodka og kanilsírópi yfir
og hrærið þangað til sírópið hefur leyst upp og
sest á botninn.
 KoKteilar alltaf klassískir
Mojito
Mojitoinn er með frægari útflutnings-
vörum Kúbu en dregur þó nafn sitt af
afríska orðinu mojo sem þýðir eitthvað
á þá leið að vera tekinn töfrataki.
4 mintulauf
1 teskeið sykursíróp
Safi úr heilli ferskri límónu
6 cl ljóst romm
ísmolar
sódavatn
límónubátur til skreytingar
Blandið saman myntulaufunum,
sykursírópinu og límónusafanum í
hátt glas. Merjið myntulaufin þannig
að olían í þeim losnar úr læðingi og
blandast við sírópið og límónusafann.
Passið að merja ekki of mikið því
þá verður myntan bitur á bragðið.
Fyllið glasið af klaka og hellið síðan
romminu yfir og hrærið vel. Fyllið svo
upp með sódavatninu og skreytið með
límónubáti og myntugrein.
Cosmopolitan
Þessi kokteill var gerður ódauð-
legur í sjónvarpsþáttunum Beðmál í
borginni en á rætur sínar að rekja til
San Francisco. Þar var hann vinsæll
á börum samkynhneigðra á áttunda
áratugnum en það var fyrst á þeim
tíunda sem drykkurinn sló rækilega
í gegn á börum New York-borgar
og í kjölfarið í sjónvarpsþáttunum
vinsælu.
4,5 cl vodka
3 cl appelsínulíkjör
3 cl trönuberjasafi
3 cl ferskur límónusafi
ísmolar
límónusneið til skreytingar
Hálffyllið kokteilhristara með ísmolum
og hellið vodkanu, líkjörnum, trönu-
berjasafanum og límónusafanum út
í. Hristið og síið svo í kælt martiniglas
og skreytið með límónusneið á glas-
brúninni.
Daiquiri
Þessi er algjör klassík og á uppruna
sinn á Kúbu líkt og mojito. Hann
dregur nafn sitt af strönd einni á
sunnanverðri eyjunni. Þótt enginn
skortur sé á rommi, sykri og límónum
á eyjunni voru það bandarískir námu-
verkfræðingar sem fundu drykkinn
upp og fluttu með sér yfir sundið til
heimalandsins þar sem hann hefur
notið mikilla vinsælda síðan og sagan
segir að drykkurinn hafi verið í miklu
uppáhaldi hjá JFK sjálfum.
6 cl ljóst romm
2 msk. ferskur límónusafi
1 tsk. einfalt sykursíróp
ísmolar
límónusneið til skreytingar
Setjið rommið, límónusafann og nóg
af klaka í hristara og hristið vel og
duglega. Síið svo í kælt glas (helst
á fæti) og skreytið með límónu-
sneiðinni.
Gin og tónik er kannski ekki beinlínis kokteill en
það er samt gott að kunna að blanda þennan
einfalda en samt furðulega flókna drykk svo að
vel sé. Það er nefnilega mjög auðvelt að klúðra
blöndunni. Lykilatriði er að nota gott hráefni. Ginið
verður að vera fyrsta flokks og tónikið helst að
koma úr litlum flöskum svo að það sé sem fersk-
ast. Tónik inniheldur kínin sem er eilítið beiskt
og passar fullkomlega við kryddaða og blómlega
tóna ginsins. Hjónaband þetta verður síðan fullkomnað með aðstoð límónunnar,
en sýran og frískir tónarnir lyfta drykknum upp í nýjar hæðir.
n Takið límónu og skerið í 6 báta (alls ekki sneiðar) og notið 2-3 báta í hvern drykk.
n Byrjið á að kreista safann úr límónubátunum í hátt glas. Hellið svo gini yfir og hrærið
vel saman.
n Fyllið glasið að ¾ með ísmolum, eins köldum og hægt er. Hrærið svo þangað til ginið
er orðið vel kalt. Fyllið upp með tónik. Ágætis regla er að nota hlutfallið 2 á móti 1,
tóniki í vil, en lengra komnir geta jafnað hlutföllin eitthvað.
Gin og tónik
Hið fullkomna hjónaband
einfalt
sykursíróp
Sykur eða sæta er lykilinni-
hald í mörgum köldum kok-
teilum en eins og þeir vita sem
prófað hafa þá leysist sykur
ekki svo vel upp í alkóhóli né
í köldum drykkjum svo að úr
verði góð blanda og þá kemur
sér vel að hafa búið til einfalt
sykursýróp og eiga við hönd-
ina. Hitið smávegis af vatni á
vægum hita í potti og bætið
við sykri í hlutföllunum 2 af
sykri á móti 1 af vatni. Hitið
rólega og hrærið þangað
til allur sykurinn hefur leyst
upp. Sírópið á að vera frekar
þunnfljótandi. Flóknara er
það ekki. Þetta sýróp er hægt
að geyma í nokkrar vikur í
ísskáp og leysist fullkomlega
upp í hvaða kokteil sem er.
Athugið að geyma sírópið í
lokuðu gleríláti.
k okteillinn er upprunalega amerísk uppfinning og margir þeirra klass-ísku voru komnir fram á sjónarsviðið á 19. öld og jafnvel fyrr. Drykki eins og Martini, Mint Julep og Daiquiri mátti panta á börum og búllum þess tíma en úrvalið var engan
veginn í námunda við það sem við þekkjum í dag. Það var
fyrst á bannárunum í Bandaríkjunum í kringum 1920-30 sem
kokteillinn fór virkilega á flug. Þá neyddust barþjónar til að
finna upp leiðir til að gera nánast ódrekkanlegt bruggið
drekkanlegt og helst ljúffengt til að halda viðskiptavin-
um ánægðum. Blöndur þessar reyndust svo vinsælar
að þær lifa góðu lífi enn í dag og hafa borist um heim
allan. Hér eru nokkrir klassískir og góðir sem vel
þess virði er að prófa.
Kúnstin við
kokteilinn
Nú þegar sumarið er að syngja sitt síðasta þetta árið er ágætt að
lengja aðeins í því með því að hrista saman nokkra klassíska kokteila.
Teitur Jónasson og Kristinn Grétarsson
matur@frettatiminn.is