Fréttatíminn - 09.09.2011, Side 44

40 matur Helgin 9.-11. september 2011
 Matargatið PylsuPartí
Pylsupartí
ekki lengur
bara fyrir börn
V öruúrvalið á Íslandi er alltaf smátt og smátt að aukast þrátt fyrir að það gerist yfirleitt of hægt og oftar en
ekki keppa flestallir samkeppnisaðil-
arnir um markaðinn með nánast sömu
vörunni í stað þess að hugsa aðeins út
fyrir kassann og bjóða upp á eitthvað
nýtt. Það er sem betur fer ekki svo með
alla. Ég er búinn að ætla í Pylsumeist-
arann mjög lengi og lét það eftir mér
núna nýverið þegar ég svo gott sem var
að keyra þar yfir planið hvort eð var.
Hvílík himnasæla, gamaldags kjötborð
troðfullt af pylsum af öllum stærðum og
gerðum auk sælkerakjötbita. Ég fylltist
valkvíða og keypti tvær af næstum
öllum gerðum. Fékk þær svo yfir búðar-
borðið vafðar í brúnan pappír, mjög
retró-svalt.
En hvað á svo að gera við slöngurnar
þegar heim er komið? Það síðasta sem
á að fljóta um hugann er að bjóða upp
á eina með öllu í brauði. Heimalagað
kartöflusalat er klassískt en samt ekki
beinlínis geimvísindi. Hrásalat er aðeins
betra en það er óþarfi að flækjast með of
mikið aukalega ef pyslan er góð.
Að grilla pylsu er ekki alveg eins
einfalt og margur heldur. Pylsur eru
fullar af safa og það er þessi safi sem
veldur því að þær springa. Þegar pylsan
hitnar of mikið of fljótt breytist safinn í
gufu og sprengir sér leið út. Þess vegna
er nauðsynlegt að hafa ekki of mikinn
hita þegar pylsan er sett á teinana. Ef
notað er gasgrill er best að hita grillið
vel og lækka svo hitann niður í miðlung
strax og pylsan er komin á. Á kolagrilli
er málið að nota óbeinan hita. Þó er vert
að muna að sprungin pylsa af grilli er
töluvert betri en sprungin pylsa úr potti.
Ekki þarf heldur að taka fram að það
tekur lengri tíma að elda feitan drjóla úr
Pylsumeistaranum en þessar klassísku.
Það sem þarf er ídýfa
Nú þegar fer að síga í seinni hlutann á
grillsumrinu er það að sjálfsögðu eina
leiðin til að elda. Grillaðar pylsur eru
bestar með góðri heimalagaðri ídýfu og
brauðið á að vera í hinni hendinni, ekki
utan um. Þannig er bæði hægt að stjórna
magni brauðs á móti pylsu auk þess sem
það frelsar gestgjafann í vali á brauði.
Það er nefnilega ekki skráð í lög að borða
skuli pylsur í pylsubrauði.
Ídýfurnar
Ídýfurnar þurfa ekki að vera flóknar –
bara nota það sem til er í kæliskápnum
– og geta verið úr hverju því sem fjöl-
skyldunni þykir gott. Auðvelt er að búa
til ídýfur sem minna á þessar klassísku
sósur, tómat, sinnep og remúlaði, en eru
samt eitthvað nýtt.
Ein sem minnir á remúlaði gæti verið
að nota uppáhalds mæjónes fjölskyld-
unnar og blanda út í smá sýrðum rjóma
og dijon-sinnepi með mjög smátt skornum
súrum gúrkum og lauk út í, auk smá safa
af súru gúrkunum.
Tómatsósuminnið gæti samanstaðið af
tómatsósu, slettu af sterkri piparsósu og
gulu sinnepi með pínu mæjónesi.
Sinnepssósur eru svo einfaldar í gerð
að það er næstum ekki hægt að klikka.
Blanda bara sinnepi í nokkurn veginn
hvað sem er, t.d. gerir hunang blandað
með sterku sinnepi og smá mæjó hörku
hunangssinnepssósu. Svo mætti búa til
eina ofursósu með því að blanda öllum
þessum sóusum saman í eina. Þá eru
menn loksins farnir að kokka upp storm.
Gott er svo að smakka allar þessar sósur
til með salti og pipar eftir smekk.
Ein góð pylsa
er alltaf ein góð
pylsa, sagði
vonda forstöðu-
konan á fátækra-
heimilinu í sög-
unum um Emil í
Kattholti. Það var
líka alveg rétt hjá
henni. Pylsur eru
verulega vanmet-
inn gæðamatur
og ekki bara fyrir
börnin þegar
mamma og pabbi
kaupa rándýra
steik og tíma
ekki að splæsa
á krakkana. Það
eru líka til mjög
margar tegundir
af pylsum, ekki
bara þessar sem
kenndar eru við
Vínarborg.
Langar, stuttar, feitar og mjóar. Það skiptir ekki öllu máli bara ef bragðið
er rétt og ekki skemmir fyrir að hafa heimalagaða sósu til þess að dýfa í.
iPod Touch
Lófatölva fyrir dagsins önn
Epli.is, Laugavegi 182, sími 512 1300 | Opið 10-18 mánudaga til föstudaga og 12-16 laugardaga | www.epli.is
Verð frá 55.990.-
Tónlist, vídeó, leikir, forrit,
rafbækur, hljóðbækur,
podvörp, ljósmyndir, Safari
netvafri, póstforrit, kort,
FaceTime, HD vídeóupptaka,
Nike+iPod stuðningur
Aðeins 101 gramm
Allt að 40 klst rafhlöðuending
www.noatun.is
Nóatúni
Nýttu þér nóttina í
Verslanir Nóatúns eru
opnar allan sólarhringinn
Getur þú
verið
heimilisvinur
Dieter?
www.soleyogfelagar.is