Fréttatíminn - 08.04.2011, Page 26

1
Frosti Logason og Þorkell Máni Pét-
ursson – Harmageddon
„Frosti og Máni eru allrabesta
tvíteymi sem fyrirfinnst í ljós-
vakaheimum. Tilgerðarlausir
og hafa ekkert fyrir þessu.
Manni finnst maður vera
staddur á kaffistofu á smurstöð
að hlusta á alvöru samtöl.“
„Þeir eru líklega vanmetnasta
útvarpsparið í bransanum og
geta verið fjári góðir. Hlut-
fall tónlistar og tals er þó ekki
að mínu skapi – of lítið tal,
of mikil tónlist. Þeir mættu
laga þetta því þeir hafa heil-
mikið til málanna að leggja og
þurfa ekki að fela sig á bak við
tónlistina.“
„Þeir njóta þess að hafa starfað
saman lengi í útvarpi og vita
nákvæmlega hvar þeir hafa
hvor annan. Sem er frumfor-
senda þess að útvarpsdúett
virki. Því miður hefur pc-ið
teygt sína ljótu krumlu í út-
varpsmálin, sem og annað hér
á landi á, sem þýðir að nú telja
menn að það þurfi alltaf að
stilla upp konu og karli. Þetta
er til dæmis að eyðileggja eitt-
hvert mesta talent sem fram
hefur komið í útvarpi, sem er
Andri Freyr. Það eina sem setja
má út á Mána og Frosta er að
þeir fara stundum fram úr sér:
rugla kjaftbrúki og dónaskap
saman við vitræna umræðu.“
„Skemmtilegir og harðir naglar
sem taka ekki á málum með
neinum silkihönskum og þeir
virðast hafa eitthvað á milli
eyrnanna.“
2
Arnþrúður Karlsdóttir og Pétur Gunn-
laugsson – Síðdegisþátturinn á Út-
varpi Sögu
„Arnþrúður Karlsdóttir og Pétur
Gunnlaugsson eru með allrabesta
skemmtiþátt Íslands án þess að
ætla sér það. Það er einhver sér-
stakur hæfileiki að spá heimsendi
á morgun dag eftir dag án þess að
viðurkenna nokkru sinni að hafa
haft rangt fyrir sér.“
„Þau eru best, Arnþrúður og
Pétur, því þau eru rödd hins ís-
lenska ofstopamanns sem hefur
lítið lært í lífsleikni og skammast
sín ekkert fyrir það.“
„Fólk á það til að setja sig í svo
hátíðlegar stellingar þegar það
sest við hljóðnemann en Arn-
þrúður og Pétur eru laus við allt
slíkt þannig að oft skapast hjá
þeim frjálsleg stemning og við-
mælendur leyfa sér að láta miklu
meira flakka en þeir myndu til
dæmis gera í Vikulokunum á Rás
1. Þau eru samt voðalega æst oft
og skoðanavillt en það er hluti af
því sem gerir þau svo skemmti-
leg.“
Pétur Gunnlaugsson er annar helmingur
næst besta útvarpsdúetsins en hinn
helmingurinn, Arnþrúður Karlsdóttir,
baðst undan myndatöku.
3
Andri Freyr og Guðrún Dís
„Þau geta þetta alveg – ekkert
meira en það – en það er bara
þannig að það eru engir góðir
útvarpsdúettar lengur og auð-
velt að skara fram úr, svipað og
að verða viðskiptamaður árs-
ins á Íslandi, nóg að hafa ekki
drullað alla leið upp á bak.“
„Gamalt fólk myndi segja
ferskur andvari yfir öldum ljós-
vakans. Ég segi loksins!“
4
Torfi rakari og Valdi bóksali
„Torfi og Ljóða-Valdi. Þeir eru
á Sögu og milli þeirra hefur
myndast einhver alveg einstök
kemestría sem er nauðsynleg
þegar gott radíópar er annars
vegar. Nánast eins og óvart.
Þeir eru að skensa hvor annan
góðlátlega, þannig að þetta
getur orðið vírað, en gagnkvæm
væntumþykjan fer þó ekki fram
hjá útvarpshlustendum.“
„Valdi er fornbókasali og hefur
einhverja bestu útvarpsrödd
sem heyrst hefur lengi. Athuga-
semdir hans eru oft á heims-
mælikvarða. Saman renna þeir
Torfi í efnablöndu sem sjaldgæf
er í útvarpi og unun er á að
hlýða. Allt gerist þetta alveg
óvart – held ég.“
5
Margrét Marteins og Freyr Eyjólfs
– Morgunútvarp Rásar 2
„Mér finnst góð blanda að hafa
einn fréttamann og svo dag-
skrárgerðarmann í parinu,
þetta virkar vel. Margrét er
alvörugefnari og fréttatengdari
hlutinn, Freyr er léttlyndari
aðilinn en er þó fullfær um að
taka á alvörumálum. Þessi
blanda virkaði líka vel þegar
Sólveig Bergmann var með
Heimi í Bítinu um tíma þótt
þau Kolla og Heimir séu líka
fín saman.“
„Margrét hefur fína útvarps-
rödd og þótt ólíkindatólið og
eftirherman Freyr geti beitt fyr-
ir sig ýmsum raddbrigðum er
hans eigin rödd ljómandi góð.
Einn af aðalkostum þáttarins
er fasta, utanaðkomandi fólkið
sem kemur inn með sínar skoð-
anir vikulega.“
Tilgerðarleysi og óheflað orðbragð heilla
Margrét Blöndal og
Felix Bergsson
– Bergsson&Blöndal
„Fjölbreyttur og
skemmtilegur helgar-
þáttur sem ég hlusta
á þegar ég vakna fyrir
hádegi á laugardögum.
Þau Margrét Blöndal og
Felix Bergsson eru fínt
par; Margrét er reyndar
góð með öllum, frábær
útvarpskona.“
Jón Ormur Halldórsson og
Ævar Kjartansson
– Landið sem rís
„Langbesta útvarpsparið um þessar mundir eru Jón
Ormur Halldórsson og Ævar Kjartansson í þættinum
„Landið sem rís“ á sunnudagsmorgnum á Rás 1. Þeir
fá til sín gest í hverjum þætti og þeim tekst á snilldar-
legan hátt að gera spjallið áhugavert og skemmtilegt,
spyrja réttu spurninganna og fá sem mest út úr
viðmælendum sínum auk þess að leggja sjálfir til mál-
anna viskukorn. Jón Ormur og Ævar hafa einstaklega
áheyrilegar útvarpsraddir og skýra framsögn. Fáir
útvarpsþættir eru alltaf góðir – en þessi er það.“
Heimir Karlsson og
Kolbrún Björnsdóttir
– Ísland í bítið
„Þau eru búin að vera svo lengi saman með þátt-
inn að þau ganga alveg í takt. Þau þekkja skoðanir
hvort annars, eru ekki endilega alltaf sammála en
virða það. Verst finnst mér þegar einkahúmorinn
kemur upp – sem að minnsta kosti ég skil ekki.
Þetta gerist öðru hvoru. Heimir og Kolla mættu
nota miklu meira það sem ég nefni sem kost hjá
Rás 2 – að fá utanaðkomandi fólk með fasta pistla
eða heimsóknir vikulega – ekki pólitíkusa til að
þrasa. Það myndi fríska verulega upp á þáttinn.“
Sigmar Vilhjálmsson og
Jóhannes Ásbjörnsson
– Simmi og Jói
„Styrkur þeirra liggur í því
að þeir ofmeta sig ekki sem
grínista, eins og er svo algengt,
og hafa vit á því að leggja vinnu
í sína þætti. Landlægur mis-
skilningur er að menn geti bara
verið með einhvern óundirbúinn
spuna sem oftar en ekki mis-
tekst – þeir bestu undirbúa sig
og vita hvert þeir eru að fara.“
Einnig nefnd:
Pörin í tveimur
efstu sætunum
eru ekki síst
þekkt fyrir óhefl-
að orðbragð og
að liggja ekki
á skoðunum
sínum
Besta
útvarp
s-
parið
Þegar tveir einstaklingar ná vel saman við hljóðnemann í útvarpsstúdíói getur myndast stemning sem dáleiðir hlustendur þannig að
þeir geta ekki slitið sig frá viðtækjunum og verða háðir þáttum þar sem góð útvarpspör berast áreynslulaust með öldum ljósvakans
ýmist í góðu gríni, grjóthörðum skoðanaskiptum, samfélagsrýni, notalegu spjalli um heima og geima, allt eða ekkert. Fréttatíminn
lagðist í leit að besta útvarpspari landsins með aðstoð hlustenda úr ýmsum áttum.
F
jölmörg út-
varpspör hafa
slegið í gegn
og orðið ómiss-
andi þáttur í
lífi ákveðinna
hlustenda sem stundum gátu
ekki á sér heilum tekið þegar
þættir átrúnaðargoðanna
hættu.
Tvíhöfði þeirra Sigurjóns
Kjartanssonar og Jóns
Gnarr er nærtækt dæmi um
þetta en sumir tala enn um
„Tvíhöfðann sinn“ þegar þeir
minnast góðra stunda við út-
varpstækin. Áður en Tvíhöfði
kom til sögunnar ruddu kátu
piltarnir úr Hafnarfirði, þeir
Steinn Ármann Magnús-
son, Davíð Þór Jónsson
og Jakob Bjarnar Grétars-
son, brautina fyrir gáfulegt
útvarpsgrín og voru um leið
ákveðið andsvar við innan-
tómum þáttum Jóns Axels
Ólafssonar og Gunnlaugs
Helgasonar, Tveir með öllu,
sem nutu lengi vel fádæma
vinsælda á Bylgjunni.
Davíð og Steinn tóku flugið
í Radíus, Jakob og Davíð tóku
svo góðan sprett með Górill-
unni og síðar héldu Steinn og
Jakob uppteknum hætti með
King Kong. Pétur Jóhann
Sigfússon og Doddi litli
voru hressir í þættinum
Ding Dong nokkru síðar en
það útvarpspar sem mestur
sjónarsviptir hefur orðið að
nýlega eru þeir Guðmundur
Ólafsson hagfræðingur og
Sigurður G. Tómasson
en föstudagsþættir þeirra á
Útvarpi Sögu urðu mörgum
harmdauði þegar útvarps-
stýran Arnþrúður Karls-
dóttir leysti samstarfið upp.
Fréttatíminn fékk nokkra
útvarpshlustendur til að
renna yfir sviðið og tilnefna
bestu pörin sem tala í útvarp
um þessar mundir. Pörin í
tveimur efstu sætunum eru
ekki síst þekkt fyrir óheflað
orðbragð og að liggja ekki á
skoðunum sínum þannig að
á þessum tímum upplausnar
og óöryggis í samfélaginu
virðist dómharka og sóða-
legur munnsöfnuður eiga
greiða leið að eyrum fólks.
Síðan er alltað spurning á
hvaða forsendum fólk hlustar
og hvort það hlær með eða að
þeim sem láta móðan mása í
míkrófóninn.
26 útvarp Helgin 8.-10. apríl 2011