Læknablaðið - 01.08.1970, Side 48

128
LÆKNABLAF/IÐ
bakteríum. Fibrinogen í plasma 175 mg%. Blæðingartími 19 mín.
Storkutími IVz mín.
Sjúkdómsgangur og meðferð var þessi: Sjúklingur fékk strax á
komudegi 500 ml blóðgjöf. Hún var mjög lasin og óróleg og fékk því
10 mg Phenergan og 60 mg Actocortin fyrstu nóttina, og Penbritin-
meðferð var hafin vegna hitahækkunar. Næsta dag, hinn 12.7., þurfti
að skera inn á æð til að gefa henni glucosu-inngjöf, og síðan fékk hún
500 ml blóðgjöf. Blæðing hélt áfram, og þriðja daginn, 13.7., fékk hún
þriðju blóðgjöfina 500 ml og þann dag blæddi í fjögur bindi. Á fjórða
degi, 14.7., fór líðan batnandi; hún fékk blóðgjöf 1 poka „packed cells“
300 ml. Þá var henni og gefin Primociston sprauta 1 ml í samráði við
kvensjúkdómalækna. 15.7. fékk hún tvo poka „packed cells“ og 1
ml Primociston, og blæðing fór minnkandi. Eftir þrjár síðustu blóð-
gjafirnar hækkaði blóðrauði hennar úr 6,9 g% í 11,0 g%, og var þá
blóðgjöfum hætt. 16.7. stöðvaðist blæðingin um leggöng. Hinn 19.7.
fékk hún nefblæðingu, sem var stöðvuð með tróði. Úr því fór líðan
hennar hratt batnandi, og hinn 20.7. fór hún á fætur. Hún fékk þó
blóðnasir 25.7., sem stöðvuðust fljótt af sjálfu sér. Hb % mældist 12,2
g% 21.7. Sýni var tekið til storkuefnamælinga hinn 22.7. og sent til
Kaupmannahafnar og reyndist innihalda 60% af faktor VIII.
Sjúklingur útskrifaðist 26.7. við góða heilsu og fékk járntöflur í
nesti. Blæðingartími 13 mín. Storkutími 5y2 mínúta.
Hinn 30. s. m. kom hún aftur í skyndi inn á deildina vegna blæð-
inga um leggöng. Hafði byrjað að blæða kvöldið áður, og blæddi stöð-
ugt mikið. Hún var þó mun betur á sig komin en í fyrra skiptið, púls
80, blóðþrýstingur 130/70, Hb 11,7 g%. Hct. 34,5 vol.%. MCHC 33,9%,
hvít blóðkorn 7950, blæðingartími 13,5 mín., storkutími 6,5 mín.
Strax við kcmu hinn 30.7. var tekið blóðsýni til nánari ákvörðun-
ar á storkuefnum. Það innihélt 38% faktor VIII. Síðan var henni gefið
blóð, 500 ml, kl. 19—21 samdægurs. Morguninn eftir, 15—16 klst. síðar,
hinn 31.7., var tekið annað blóðsýni til ákvörðunar á faktor VIII og
reyndist innihalda 56% faktor VIII.
Blæddi nokkuð fyrstu dagana, og hún hafði verki yfir lífbeini,
þar sem fannst spennt leg, sem tæmdi sig við þrýsting. Hb. lækkaði
i 9,6 g% hinn 2.8.
Kvensjúkdómalæknir ráðlagði að gefa ekki hormón, nema nauðsyn
krefði, þar eð hér væri líklega um brottfallsblæðingu að ræða eftir
fyrri Primociston-gjöf. Þar eð sjúklingi hélt áfram að blæða og Hb.
hækkaði ekki við jámgjöf, var hinn 8.8. gefin Primociston-innspýting
1 ml, og eftir það hætti blæðingin, og sjúklingur útskrifaðist við góða
heilsu hinn 11. s.m. með Hb. 12,2 g%. Hún fékk járn og C-vítamín í
nesti.
Hinn 25.8. byrjuðu tíðablæðingar, og kom því sjúklingur gangandi
á lyflækningadeildina næstu daga í eftirlit. Þessi blæðing var lítÍL, um
eitt bindi á nóttu, og hélzt Hb. milli 13,1—14,4 g% og stöðvaðist blæð-
ing af sjálfu sér hinn 7.9. Telpunni leið þá vel og var byrjuð í skólan-
um.