Læknablaðið - 01.12.1976, Qupperneq 83

LÆKNABLAÐIÐ
217
hugmynd um tíðnina 1976, var fjöldi já-
kvæðra ræktana á Rannsóknastofu Há-
skólans, sýkladeild, fyrstu ellefu mánuði
ársins borinn saman við sömu mánuði ár-
anna á undan (sbr. mynd 1). Niðurstöð-
urnar benda til töluverðrar aukningar
1976.
Af mynd 2 sést að aðeins um þriðjungur
skráðra tilfella hefur verið greindur bae-
teriologiskt, enda hagar víða á landinu svo
til, að óhægt er að senda sýni til ræktunar,
en vandalaust er þó að taka frá sjúklingi
strok á glerplötu og senda til smásjárskoð-
unar á sýkladeild R.H. áður en meðferð er
hafin.
Hér á landi hafa enn ekki verið greindir
stofnar N.gonorrhoae, sem framleiða B-
lactamasa, en tilvist þeirra í nágrannalönd-
um (Bretland, USA)14 eykur á nauðsyn
þess að sýni frá sjúklingum sem grunaðir
eru um lekanda séu send til ræktunar, svo
að næmispróf verði gerð. Læknum úti á
landi er því bent á að hafa samband við
sýkladeild R.H., ef þá grunar sýkingu af
völdum N.gonorrhoae, svo að hægt sé að
gefa ráðleggingar um sendingu sýna til
smásjárskoðunar og ræktunar.
Starfandi læknum í Reykjavík og ná-
grenni, sem ekki hafa aðstæður á stofum
sínum til að taka sýni frá sjúklingum, sem
grunaðir eru um sýkingu af völdum N.gon-
orrhoae, er bent á að húð- og kynsjúk-
dómadeild Heilsuverndarstöðvar Reykja-
víkur er opin fyrir hádegi virka daga og 3
sérfræðingar í kynsjúkdómum hafa opnai
stofur á eftirmiðdögum.
Vert er að minna á það, að sumir telja.
að 90% kvenna og 10—12% karla með
lekanda séu einkennalaus.a Smásjárskoðun
ein er ófullnægjandi rannsókn, nema hjá
sjúklingum með bráða sýkingu Blóðvatns-
próf til gonokokkagreiningar t.d. comple-
mentbindipróf hafa ekki reynzt eins örugg
og áður var talið.3 Því nauðsynlegt er að
fá sem flest sýni til ræktunar, tekin áður
en sjúklingur er settur á meðferð.
Frá sýkladeild Rannsóknarst. Háskólans
Ólafur Steingrímsson, læknir
Kristín E. Jónsdóttir, læknir
Arinbjörn Kolbeinsson, yfirlæknir
HEIMILDIR
1. Neisseria gonorrhoea producing penicillin-
ase. W.H.O. Wkly Epidem. Rec.-Relevé
épidem. 1976, 51:293—294.
2. Center for Disease Control, Public Health
Service, Atlanta Georgia, U.S.A. Gonorrhea:
Recommended Treatment Scheduies. Ann.
Int. Med. 82:230—233, 1975.
3. Handsfield, H.H., Lipman, T.O., Harnisch,
J.P. Tronca, E„ Holmes, K.K. Asymptoma-
tic Gonorrhea in Men. N. Engl.J.Med. 290:
117—123, 1974.
4. Phillips I.B. Lactamase-Producing, Peni-
cillin-Resistant Gonococcus, LANCET, II:
656—657. 1976.
5. Manual of Clinical Microbiology (ed. E.H.
Lannette, E.H. Spaulding, J.P. Truant.),
128—129 (American Society for Microbio-
logy). Washington D.C. 1974.