Dagblaðið Vísir - DV - 27.04.2007, Page 31

Auk þess að þjálfa meist-araflokk karla er Bene-dikt Guðmundsson að þjálfa 8 ára stráka, er aðstoðarþjálfari í 5–7 ára flokki karla, einnig sér hann um séræfingar
leikmanna í KR og þá er hann með
16 ára landslið karla.
Benedikt snéri aftur „heim“ fyrir
þetta tímabil, eftir útlegð hjá Fjölni,
Grindavík og fleiri liðum, en hann er
eins og það heitir fæddur KR-ingur.
„Þegar ég kem aftur, þá setti ég
mér það markmið að ná í einhverja
titla með KR. Mér fannst liðið í fyrra,
áður en ég kom, þannig uppbyggt að
það væri hægt að byggja ofan á þann
grunn. Mér fannst búið að bæta ým-
islegt og leist vel á liðið. Lagði áherslu
á að það yrði nánast sami mannskap-
ur sem nánast tókst.
Mér fannst vanta afgerandi skor-
ara, einhvern sem væri að skora 25
stig í leik og gæti búið eitthvað til fyr-
ir sig og liðið. Þetta var jafnt lið og
menn skiptust á að eiga góða leiki
sóknarlega. En ég var á því að við
gætum spilað um titilinn strax um
haustið.“
Þegar úrslitakeppnin hófst var KR
ekki spáð mikilli velgengni þrátt fyrir
að lenda í öðru sæti í deildinni. Sum-
ir spáðu jafnvel að liðið myndi falla
úr keppni strax í fyrstu umferð þar
sem það mætti ÍR.
„Það hefur verið með KR ansi
lengi að menn hafa ekki mikla trú á
KR í þessu. Þetta hefur verið Suður-
nesjaíþrótt og talað um að KR klikki
alltaf þegar þetta fer að telja eitt-
hvað. Það er einhvern veginn þannig
í körfunni að menn trúa ekki að KR
fari alla leið, þeir muni klikka á ein-
hverjum tímapunkti. Menn spáðu
okkur tapi strax í átta liða úrslitum,
maður skildi svo sem rökin því ÍR
var að koma gríðarlega sterkt upp
á þeim tíma. En við töldum okkur
samt alveg með ekkert síðra lið. Svo
spáðu flestir að við myndum tapa í
undanúrslitunum gegn Snæfelli og
það átti enginn von á að við ættum
von á móti Njarðvík.
Þar burstuðu þeir fyrsta leikinn og
menn innan hreyfingarinnar spáðu
að þetta færi 3-0 og voru að lauma að
manni að reyna að hafa þetta spenn-
andi, þetta mætti ekki vera sóp. Svo
þegar við unnum annan leikinn þá
töluðu menn um að þetta hefði ver-
ið gott fyrir einvígið. Þannig að menn
höfðu litla sem enga trú á okkur allan
tímann.“
Fór bara úr böndunum í
úrslitakeppninni
Umgjörðin hjá KR í vetur hefur
sett nýja staðla í vetraríþróttum hér
á landi. Böðvar Guðjónsson formað-
ur körfuknattleiksdeildar KR hef-
ur staðið sig með miklum sóma í að
skapa umgjörð og stemmingu sem
eftir er tekið.
„Böðvar er kóngurinn í þessari
deild og stýrir henni ásamt topp-
mönnum. Það leynir sér ekkert að
það eru háleit markmið hérna. Deild-
in er gríðarlega vel rekin og er braut-
ryðjandi í umgjörð og fleiru sem lof-
ar virkilega góðu. Oft eru félög með
háleit markmið og drauma sem er
síðan ekkert gert til að framkvæma
en hérna er alveg fullt af vinnu sem
verður sýnileg innan tíðar. Við vor-
um að fá rúmlega 400 áhorfendur á
venjulegan deildarleik í vetur sem
er með því mesta sem gerist í vetrar-
íþrótt í öllum greinum. Það er búið
að gera fullt af góðum hlutum, mark-
aðssetja þetta vel og það hefur skilað
sér í öflugum hópi áhorfenda yfir allt
tímabilið.
Svo fór þetta bara úr böndunum
í úrslitakeppninni og ég var nánast
kominn með áhorfendur á bekkinn
hjá mér í fjórða leiknum. Það voru
allir að reyna að finna sæti.
En toppurinn í þessu er að Guð-
jón Kristinsson framkvæmdastjóri
KR Sport kom til okkar og nefndi
hvort við ættum ekki að fá Miðjuna,
stráka sem eru harður kjarni í fót-
boltanum í nokkur ár. Við tókum
vel í það og strákarnir skemmtu sér
svona líka vel. Síðan vatt þetta upp á
sig og þessi hópur stækkaði bara og
alls konar fólk var farið að syngja og
tralla með þeim. Það var ómetanleg-
ur stuðningur frá þessum hóp, því
hann studdi okkur gífurlega þegar við
vorum vel undir. Hann á stóran þátt
í því að við komum alltaf til baka. Að
finna þessa hvatningu þegar hitt lið-
ið er með yfirhöndina því það er oft
þannig á Íslandi og í mannlegu eðli
eflaust að mesta hvatningin kem-
ur þegar liðið er að spila vel. Þannig
að Guðjón á heiðurinn af þessu öllu
saman.“
Fagnaði titlinum voðalega lítið
Benedikt segir að þegar hann
vaknaði daginn eftir að Íslandsmeist-
aratitillinn var kominn í hús hafi ein-
faldlega hið venjulega líf tekið við.
„Ég er nú þannig týpa að maður
er mikið á jörðinni og fagnaði titl-
inum voðalega lítið. Eins þegar ég
ræði um þennan titil, þá er hann
bara í fortíðinni hjá mér og maður er
bara að spá í framtíðina en auðvitað
vill maður gera þetta aftur. Stefnan
er að endurtaka leikinn en núna er
maður bara að hugsa hvað maður
ætlar að gera næsta vetur. Taktík,
leikmannahópur og fleira. Maður
staldraði ekkert voðalega lengi við
þennan titil.
Þegar ég var ráðinn á sínum tíma
var sagt við mig að við myndum fara
í Evrópukeppni kæmumst við það
langt. Það er búið að ganga frá því,
fengum Iceland Express með okk-
ur í lið þannig að þetta er frágengið.
Við förum væntalega í Evrópukeppni
félagsliða þar sem dregið er í ágúst.
Það er mikil spenna í leikmönnum
að taka þátt í því. KR hefur ekki tekið
þátt í Evrópukeppni í langan tíma.“
Benedikt hefur verið boðið að
þjálfa utan landsteinanna en segir að
það sé erfitt að taka við þjálfun ytra
þar sem hann sé kominn með stóra
fjölskyldu.
„Fyrir mér breytir það engu hvort
ég þjálfa minni bolta eða meistara-
flokk. Ég vil bara getað þjálfað. Ef
það er óskað eftir mér einhvers stað-
ar þá skoða ég það. Í fyrra fékk ég fyr-
irspurn frá Sviss og í ágúst var mér
boðið yngri flokka staða í Grikklandi
en ég er kominn með stóra fjölskyldu
og maður rífur hana ekki svo glatt af
stað. Maður hefði bara átt að fara út
þegar maður var yngri og barnlaus.
Þó ég hafi verið með meistaraflokk
síðustu ár hef ég alltaf verið með
guttana líka.
Að þjálfa yngri flokka er gríð-
arlega gefandi og það þarf ekki að
mótivera guttana að taka á því í öll-
um leikjum. Þeir bara mæta og eru í
botni, það þarf frekar að róa þá niður
ef eitthvað er. Í meistaraflokki þarftu
að standa í alls konar hlutum og taka
á vandamálum.
Ég lít á meistaraflokkinn sem út-
rás fyrir ákveðna spennufíkn sem
maður sækir í og ég fæ hörkuútrás út
úr því en skemmtanagildið í minni
bolta er mun meira. Þar er maður að
kenna leikinn og búa til leikmenn og
gera það er það allra skemmtilegasta
sem ég geri,“ sagði hinn geðþekki
Benedikt að lokum. benni@dv.is
DV Sport Föstudagur 27. apríl 2007 31
Vil bArA þjálfA
Benedikt Guðmundsson
þjálfari Íslandsmeistara KR í
körfubolta segist fá ómælda
ánægju af að þjálfa körfubolta.
Hrópað og kallað Benedikt messar
hér yfir liði sínu í leik gegn Njarðvík.
Umgjörð sem tekið er eftir Kr fékk rúmlega 400 áhorfendur að meðaltali á leiki
hjá sér í vetur sem er með því mesta sem gerist í vetraríþróttum hér á landi.