Læknablaðið - 15.05.1985, Page 66

158
LÆKNABLAÐIÐ
Skýrsla samninganefndar sjúkrahúslœkna.
Samninganefndir undirbjuggu kröfugerö fyr-
ir væntanlega samninga sjúkrahúslækna ven-
jubundið í desembermánuði. Var hún kynnt
og samþykkt á fundi L.R. og L.Í., sem
haldinn var á Borgarspítala milli jóla og
nýjárs.
Segja má, að hún hafi verið í hefðbundnu
formi, þar sem ekkert hefur áunnist á und-
anförnum árum og því að mestu um endur-
tekningar á kröfum að ræða. Ekki hafa
heldur sést nein teikn á lofti um, að breyttrar
afstöðu sé að vænta hjá viðsemjendum
okkar, nema síður sé.
Haldnirhafaveriðtveirfundirmeðviðsemj-
endum, en sem vænta mátti gerðist fremur
fátt markvert þar, og var ákveðið að fresta
frekari viðræðum, unz línur skýrðust í sér-
kjarasamningum aðildarfélaga B.H.M.
Að óbreyttri samningstækni sjúkrahús-
lækna má vænta svipaðrar niðurstöðu úr
þessum samningum og áður, þ.e. launahækk-
ana svarandi til þeirra, sem verða almennt í
þjóðfélaginu, en varla leiðréttingar, hvað
varðar sérkröfur.
Óski sjúkrahúslæknar að bæta hag sinn svo
einhverju nemi, þurfa þeir að grípa til þeirra
ráða, sem knýja viðsemjendur okkar til
raunverulegra samninga. Hver þau eru, vita
allir. (J.N.)
Útgáfustarfsemi
Útgáfustarfsemi á vegum læknafélaganna var
hefðbundin á síðasta starfsári. Út koma
reglulega Læknablaðið, Fréttabréf lækna og
árleg Handbók lækna. í smíðum er læknis-
fræðileg orðabók. Annast það verkefni
sérstök nefnd, orðanefnd L.í. og L.R. undir
forsæti Arnar Bjarnasonar. Framundan er að
ræða fjármögnunarleiðir tilraunaútgáfu
fyrsta hluta orðabókarinnar, sem senn er
tilbúinn.
Sú breyting hefur orðið á ritstjórn Frétta-
bréfs lækna, að Birna Þórðardóttir tók eftir
áramótin við starfi Jóhannesar Tómassonar
sem ritstjóri þess. (J.T.)