Læknablaðið - 15.04.1992, Blaðsíða 31
LÆKNABLAÐIÐ 1992; 78: 145
145
NABLAÐIÐ
THE ICELANDIC MEDICAL JOURNAL
li
Læknafélag íslands og
Læknafélag Reykjavíkur
78. ARG. - APRÍL 1992
Offramboð á
íslenskum læknum
í þessu hefti Læknablaðsins rita Kristján
Oddsson og Davíð O. Amar um atvinnuhorfur
lækna í Evrópu.
Nokkurt atvinnuleysi er meðal lækna í Vestúr-
Evrópu, en misjafnt eftir löndum. Þótt ekki
sé opinbert atvinnuleysi meðal lækna á
Islandi, benda Kristján og Davíð á það, að
tæplega fjögur hundruð íslenskir læknar
eru við framhaldsnám eða störf erlendis og
augljóslega fer því fjarri að allir íslenskir
læknar geti fundið störf á íslandi.
Læknum hefur fjölgað í fiestum ríkjum
Vestur- Evrópu um langt árabil, en víðast
hvar hafa læknaskólar og stjómvöld dregið úr
þessari fjölgun og líklega mun nást jafnvægi
á vinnumarkaði lækna í Evrópu um eða upp
úr næstu aldamótum. Þetta á þó ekki við
um Island. íslenskum læknum fjölgar enn
og spá Kristján og Davíð því að offramboð
á íslenskum læknum verði til staðar fram á
fyrstu áratugi næstu aldar.
Líklega mun vaxandi fjöldi íslenskra lækna
ekki finna störf við sitt hæfi á íslandi og þurfa
þá að velja á milli þess að vera atvinnulausir
á íslandi eða setjast að í útlöndum. Þetta
er tjón bæði fyrir einstaklingana og íslenskt
þjóðfélag. Við verðum að spyrja hvort ísland
hafi efni á því að velja úr nokkra af hæfustu
einstaklingum hvers árgangs og mennta þá til
útlegðar.
A síðustu árum hefur nokkuð borið á skorti
á aðstoðarlæknum á sjúkrahúsum á íslandi
og hafa af þessu tilefni jafnvel heyrst þær
raddir að fjölga þurfi útskrifuðum læknum úr
Háskóla íslands. Þetta er auðvitað skammsýni.
Sjúkrahúsin á íslandi reyna að manna
stöður aðstoðarlækna og yngri lækna með
einum til tveimur árgöngum af læknum. í
nágrannalöndum okkar eru ungir læknar í
aðstoðarlækna- og námsstöðum í mörg ár og
eru þessar stöður mannaðar af fjórum til tíu
árgöngum lækna. Þetta er miklu raunhæfara
kerfi og þarf að vinna að því að íslenskir
unglæknar geti verið lengur í námsstöðum á
Islandi.
Grein Kristjáns og Davíðs er þörf áminning
til íslenskra lækna og læknadeildar
Háskóla fslands um að taka til athugunar
læknamenntun á íslandi og atvinnuhorfur
íslenskra lækna.
Einar Stefánsson