Dagblaðið Vísir - DV - 02.07.2007, Blaðsíða 8

mánudagur 2. júlí 20078 Fréttir DV
Það mun kosta rúma fjögur hundr-
uð og sextíu milljarða íslenskra
króna að reisa brú milli Rødby á
Lálandi í Danmörku til Puttgarden
í Þýskalandi um eyjuna Femern.
Hún verður nítján kílómetrar að
lengd og verður tilbúin árið 2018.
Danski ríkissjóðurinn ábyrgist
greiðslu á næstum fjögur hundruð
milljörðum og við það eru ekki all-
ir Danir sáttir. Samgöngumálaráð-
herra landsins er samt sem áður
viss í sinni sök og segir brúna vera
hagkvæma fjárfestingu. Hann er
viss um að umferð um hana verði
nægjanlega mikil til að standa und-
ir sér. Umferðin veldur hins vegar
umhverfisverndunarsamtökum í
báðum löndum áhyggjum.
Góður samningur
fyrir Þjóðverja
Danir hafa góða reynslu af brú-
arsmíð milli landa. Eyrarsundsbrú-
in frá Kaupmannahöfn til Málm-
eyjar í Svíþjóð þykir hafa heppnast
vel og aukið velsæld í báðum lönd-
um. Sú brú var vígð árið 2000 en þá
voru tæp tíu ár frá því að samning-
ur um brúarsmíðina var undirrit-
aður. Dönsk stjórnvöld binda von-
ir við að brú yfir til Þýskalands verði
einnig lyftistöng fyrir samfélagið.
Þessar fyrirhuguðu framkvæmd-
ir hafa verið aðalmálið í dönskum
fjölmiðlum um helgina. Rætt hefur
verið við fjölda hagsmunaaðila og
sérfræðinga og virðast hagfræðing-
ar almennt vera á þeirri skoðun að
brúarsmíðin sé galin hugmynd að
hálfu danskra stjórnvalda á meðan
samningurinn sé Þjóðverjum mjög
hagkvæmur. Þýsk stjórnvöld þurfa
aðeins að ganga frá svæðinu sem
liggur að brúnni í Puttgarden. Haft
er eftir hagfræðingi í grein Jótlands-
póstsins að danski ríkissjóðurinn
taki alltof mikla áhættu á meðan
Þjóðverjar þurfi aðeins að greiða
brot af kostnaðinum. Hann seg-
ir næsta víst að samningaviðræður
um framkvæmdina hefðu tekið eins
langan tíma og þær tóku ef danska
ríkisstjórnin hefði alltaf ætlað sér að
greiða langstærsta hlutann. Það sé
því greinilegt að áhugi dönsku rík-
isstjórnarinnar á málinu sé meiri en
þeirrar þýsku. Annar segir danska
samgöngumálaráðherrann vera
heltekinn af brúnni og hafi þar af
leiðandi ekki hlustað á gagnrýn-
endur framkvæmdarinnar. Bent er
á að ekkert einkafyrirtæki hafi vilj-
að taka þátt í verkefninu og það sé
vísbending um hversu mikil áhætta
sé fólgin í þessu þar sem einkafyr-
irtæki ráðist aðeins í framkvæmdir
sem taldar eru arðbærar. Segja aðr-
ir að nær hefði verið að niðurgreiða
ferjusiglingar á milli Rødby og Putt-
garden ef stjórnvöld vilja auka um-
ferðina á milli landanna.
Danir eignast brúna
Flemming Hansen, samgöngu-
málaráðherra Dana var kátur þegar
hann kynnti blaðamönnum sam-
komulag sitt við þýskan kollega sinn
á föstudag. Hann sagði rannsókn-
ir benda til að brúin myndi borga
sig upp á tuttugu og fimm árum og
eftir það myndu Danir stórgræða á
henni því þeir fengju stærstan hluta
teknanna. Forsvarsmenn danskra
atvinnurekenda fagna ákvörðun-
inni enda mun hún hafa umtals-
verð áhrif á danskt efnahagslíf. Stál-
fyrirtæki þar í landi sjá einnig fram
á góða tíma segir í frétt Jótlands-
póstsins.
Fyrir utan brúarsmíðina sjálfa
segja sérfræðingar í umferðarmál-
um að bæta verði vegi til og frá
brúnni og eins lestarspor en lestir
borga brú yfir til Þýskalands
Samgöngumálaráðherrar Þýskalands
og Danmerkur gengu frá samkomulagi
á föstudag um byggingu brúar á milli
landanna. Ákvörðunin er umdeild í
báðum löndum. Umhverfissamtök
segja bílaumferð muni aukast mikið í
kjölfarið. Danskir hagfræðingar eru
mjög ósáttir og segja ríkið taka of
mikla áhættu.
Eyrarsundsbrúin milli Málmeyjar og Kaupmannahafnar dönsk stjórnvöld
vonast til að brú yfir til Þýskalands verði eins vel heppnuð framkvæmd og
Eyrarsundsbrúin sem er talin hafa aukið hagsæld í Svíþjóð og danmörku.
Flemming Hansen, samgöngu-
málaráðherra Danmerkur
ráðherrann hefur skuldbundið danska
ríkissjóðinn fyrir tæpum fjögur
hundruð milljörðum svo hægt sé að
ráðast í byggingu Femern-brúarinnar.
Kort af tengingunni
Brúin mun liggja um
eyjuna Femern.
Tölvuteikning af nýju
brúnni Svona gæti nýja
brúin litið út þegar hún
verður opnuð árið 2018.