Innsýn - 01.12.1978, Blaðsíða 3
frá umliðinni öld frá for-
tíðardögum."
Öll þekkjum við frásögn-
ina hjá Lúkasi í 2.kaflanum
um sveinbarnið sem fæddist
í Betlehem og var lagt í
jötu þvi að ekkert herbergi
né horn var laust í gisti-
húsinu. Allir íbúar himins-
ins fylgdust með af áhuga
og mikil hamingja ríkti á
himnum. Frelsari mannanna
var fæddur í holdi og blóð.
En á jörðinni ríkti kyrrð
næturinnar, enginn virtist
vita um þennan stórkostlega
atburð. Ef til vill var
fólkið of upptekið við að
sinna eigin áhugamálxom til
að fylgjast með því sem var
að gerast.
En það voru nokkrir til-
búnir til að hlusta á þennan
gleðiboðskap. "Og í þeirri
byggð voru fjárhirðar úti
í haga og gættu um nóttina
hjarðar sinnar. Og engill
Drottins stóð hjá þeim og
dýrð Drottins ljómaði í
kringum þá, og urðu þeir
mjög hræddir. Og engill
sagði við þá: Verið óhræddir,
því sjá,ég boða yður mikinn
fögnuð, sem veitast mun öll-
lýðnum; því að yður er
í dag frelsari fæddur, sem
er Kristur Drottinn, í borg
Davíðs. Og hafið þetta
til marks: Þér munuð finna
ungbarn reifað og liggjandi
í jötu." (LÚk.2,8-12).