Kjarninn - 03.10.2013, Síða 36

04/04 kjarninn Kenía
árásir utan Sómalíu. Árið 2010 létust til að mynda 74 í
slíkri sjálfsmorðsárás í Úganda – en hún var gerð á stað
þar sem sýnt var frá úrslitaleik heimsmeistara keppninnar í
knattspyrnu. Árásin á Westgate-verslunarmiðstöðina þykir
því benda til breyttra áherslna samtakanna. Margir benda
líka á frásagnir fórnarlamba um að konur hafi tekið þátt
í árásinni – sem Al-Shabab hefur neitað – og að einhverjir
árásarmannanna hafi verið af öðrum en sómölskum
uppruna. Þá ræddi talsmaður samtakanna við fjölmiðla á
fullkominni ensku og gaf til kynna að aðgerðum hefði verið
stjórnað frá Sómalíu. Þykir það gefa til kynna að baráttan í
Sómalíu sé farin að alþjóða- og nútímavæðast meira en hefur
áður verið, en til frekara merkis um það nýtti Al-Shabab sér
samfélagsmiðilinn Twitter meðan á árásinni stóð. Einnig
hefur verið eftir því tekið að þeir sem hyggist heyja heilagt
stríð horfi nú frekar til Sómalíu en Sýrlands.
Áhrif árásarinnar
Árásin mun breyta því hvernig alþjóðasamfélagið horfir til
Sómalíu og málefna hennar. Afríkubandalagið hefur leitt
aðgerðir þar í landi ásamt Eþíópíu, Úganda og Kenía. Lönd
og samtök utan Afríku hafa treyst á þær til að halda öfga-
samtökum í Sómalíu í skefjum en árásin á Westgate sýnir að
verkefnið er erfiðara en margan grunar.
Bandaríkin hafa stutt aðgerðir Afríkubandalagsins í
Sómalíu með þjálfun hersveita og nauðsynlegum búnaði. Þá
hafa þau beitt sérsveitum í sértækum aðgerðum. Líkur má
leiða að því að Bandaríkin muni, rétt eins og aðrir, fylgjast
betur með þróun mála í Sómalíu og jafnvel auka við hlutverk
sitt, þótt það verði líklegast aldrei jafn stórt og í upphafi
tíunda áratugar síðustu aldar.
Þá munu Afríkusambandið og samstarfsríki þess reyna
að styrkja stjórnvöld í Sómalíu enn frekar í baráttunni við
öfgahópa eins og Al-Shabab.
Smelltu til að lesa
um Sómalíu
Smelltu til að lesa um
aðgerðir afríkubanda-
lagsins í Sómalíu