Kjarninn - 23.01.2014, Side 61

55/56 líFsstíll
núllpunkti dregur enn meira úr hvatanum til að halda áfram.
„Ég missi ekki 5 kg á viku eins og þeir í sjónvarpinu. Til hvers
að vera þá að þessu brölti?“
Þar komum við að punkti númer tvö. Það er ekki unnið í
varnarstrategíu gegn þessum gömlu eyðileggjandi hugsunum
sem hingað til hafa hrint okkur út af brautinni, heldur er
byrjað á að taka U-beygju í hegðun.
En hugarfarsbreyting er kjarninn í lífsstílsbreytingu, því
hugur stjórnar hegðun sem stjórnar heilsu.
Við sálfræðingar sem vinnum með fólki í þyngdartapi
hjálpum því við að koma auga á eigin hryðjuverkahugsanir
sem gefa leyfi til að kasta inn handklæðinu, finna mótrök við
þeim og fara þannig í Morfískeppni í hausnum og jarða and-
stæðinginn. „Ég á þetta skilið eftir erfiðan
dag í vinnunni.“
Sem dæmi um mótrök við slíkri hugsun
er: Ef ég verðlauna mig með mat enda ég
með að borða of mikið og þá líður mér illa
bæði líkamlega og andlega, sem er akkúrat
hið gagnstæða við verðlaun. Að vera við
stjórnvölinn gefur betri líðan. Matur sem
verðlaun hættir að virka um leið og matur-
inn er farinn. Að verðlauna sig með mat eftir erfiðan dag eða
af því að maður á börn er eitt form af tilfinningaáti og það
er hættuleg braut að troða. Berðu saman hvernig þér líður
eftir handsnyrtingu/fótsnyrtingu/nudd sem verðlaun miðað
við það að borða sukk sem verðlaun. Að gera vel við sig á að
snúast um að næra sálina en ekki munninn.
hrösun er ekki aumingjaskapur
Þar er jafnframt mikilvægt að breyta hugsun sinni gagnvart
hrösun af brautinni. Þú ert ekki rukkari, róni eða þaðan af
verra alinn upp í Gaggó Vest þótt þú stingir upp í þig lúku af
óplönuðum Góurúsínum.
Frávik frá mataræði og æfingum er ekki uppspretta
sektar kenndar, samviskubits eða tækifæri til að rífa fram
refsivöndinn og blóðga bakið.
„Allt-eða-ekkert-hugsunin
er allsráðandi. Annaðhvort
ertu í mæjónesinu eða á kál-
blaðinu og ekkert þar á milli.
Ekkert grátt svæði. Enginn
dipló matískur millivegur.“