Búskapur hins opinbera 1992-1993 - 01.04.1994, Blaðsíða 5

Formáli.
Rit þetta fjallar um búskap liins opinbera. Með búskap hins opinbera er átt við
starfsemi ríkis, sveitarfélaga og almannatryggingakerfis. Hér er þó undanskilin
starfsemi fyrirtækja og sjóða í opinberri eigu enda er slíkri starfsemi að jafnaði
ætlað að standa undir sér með sölu á vöru eóa þjónustu á almennum markaði.
í ritinu er meðal annars að finna yfirlit um tekjur, útgjöld og afkomu hins
opinbera. Birt eru sundurliðuð yfirlit og tölur dregnar saman fyrir hið opinbera í
heild. Jafnframt er fjallað um umfang hins opinbera í þjóðarbúskapnum og í því
skyni stuðst við mismunandi mælikvarða. Þá er gerð grein fyrir skuldum og
lánastarfsemi hins opinbera. Einnig er gerður samanburður á afkomu og umsvifum
hins opinbera á Jslandi og í öðrum aðildarríkjum OECD. Loks er gerð grein fyrir
viðbótartekjum og viðbótarútgjöldum sem ekki hafa áður verið talin með hinu
opinbera, en eiga samkvæmt þjóðhagsreikningum að teljast með.
Uppistaða ritsins er talnaefni fyrir árin 1990-1992, en þó er einnig í því að flnna
bráðabirgðatölur fyrir árið 1993 efitir því sem þær liggja fyrir. Sömuleiðis er að
finna talnaefni sem nær allt aftur til ársins 1980. Geró er grein fyrir þessu talnaefni
í fyrsta hluta ritsins og þar er lögð áhersla á búskap hins opinbera í heild.
Áður hafa komið út ijögur rit um sama efni; árið 1983, 1986, 1991 og 1993.
Ritið sem gefíð var út 1993 spannaði tímabilið 1980-1991. Nú bætist við eitt ár,
1992, en auk þess hefur talnaefni áranna 1990 og 1991 verið endurskoðað lítilega.
Stefnt er að því að gefa út svona rit árlega í framtíðinni með áherslu á næstliðin tvö
ár, með endanlegu uppgjöri fyrir fyrra árið og bráðabirgðatölum fyrir það síðara.
Á vegum Þjóðhagsstofnunar hefur Jóhann Rúnar Björgvinsson einkum unnið
að gerð þessa rits, tekið saman talnaefnið og samið skýringar.
Þjóðhagsstofnun
í apríl 1994
Þórður Friðjónsson
3