Dagblaðið Vísir - DV - 23.10.2007, Blaðsíða 12

Svarthöfði er afskaplega hrifinn af festu og aga. Enn er honum í fersku minni þegar Fidel Castro,
leiðtogi á Kúbu, frestaði jólunum
með einu pennastriki og enginn sagði
múkk. Hátíð ljóss og friðar á Kúbu
varð í janúar það árið og allir voru
sáttir. Leiðtogar á borð við Castro eru
vandfundnir og í fljótu bragði man
Svarthöfði aðeins eftir einum.
Í Svörtuloftum Seðlabanka Íslands situr Davíð Oddsson seðlabanka-stjóri og bruggar seyð daglangt.
Hann var áður formaður af sömu gerð
og Castro. En Davíð frestaði þó aldrei
jólunum. Hann stjórnaði flokknum
sínum af festu og sjálfstæðismenn
vissu að þeir urðu að skyggnast inn
í hugskot foringja síns áður en þeir
mynduðu sér skoðun. Það var kall-
að að mynda sér sjálfstæða skoðun.
Smám saman varð Davíð í Svörtuloft-
um áhrifameiri á meðal flokks-
manna. Enginn vildi styggja foringj-
ann af ótta við að þeir eða ættingjar
þeirra yrðu fyrir lífsgæðaskerðingu.
En allir vita að ótti er hugarástand og
víst er að Davíð var þvert um
geð að ala á slíku. Hann
var vinur litla mannsins
í samfélaginu og óvinur
auðmanna, sérstaklega
sumra þeirra. Oftlega tal-
aði hann um götustráka
og illþýði þegar tiltekna
auðmenn bar á góma. Castro
talaði um arðrán en Davíð uppnefndi
hina ríku. Auðvitað var Davíð að gæta
hagsmuna þjóðar sinnar og reyna að
sporna gegn misskiptingu í samfélag-
inu. Sjálfur hefur hann þó ekki flotinu
hafnað og hefur laun sem teljast vera
margföld verkamannalaun. En það er
auðvitað til þess að hann verði ekki
auðmönnum að bráð.
Illgirnislegar kjaftasögur hafa verið á kreiki um að Davíð hafi eftir krókaleiðum þegið
300 milljónir króna af fyrirtæki
sem sérhæfði sig í að leita að
uppruna mannsins. Sjálfur
hefur Davíð sagt að tiltek-
inn auðmaður hafi látið sér
detta í hug að múta honum
til að hætta sem forsætisráð-
herra með því að greiða honum
300 milljónir. Svarthöfða blöskraði
öll þessi gjafmildi og kjaftagangur í
garð Davíðs. En nú er hann hættur
og milljónaboðin væntanlega ekki á
hverju strái lengur.
Davíð var og er meistari smjörklípunnar. Sú aðferð að maka óvinveittan kött í
smjöri verður gjarnan til þess að
kisi fer úr árásarham og byrjar að
sleikja sig. Þannig gat Davíð drep-
ið af sér mál sem gátu orðið
skeinuhætt. En Davíð fór og
Geir Haarde kom í staðinn.
Geir kann ekki að beita
smjörklípum og hann
getur ekki gert flokkinn
meðvirkan sér. Það er til
skammar að flokksmenn
skyldu ekki hlýða honum og
slíta fundi í Valhöll þegar verið
var að ræða jafnómerkilegt mál og
uppreisn í borgarstjórnarflokknum
og klofning innan flokks. Geir vissi
sem var að enginn klofningur var
í flokknum og engin ástæða til að
ræða það sem ekki er til. Klofningur
er hugarástand rétt eins og rigning.
Þetta eru fyrirbæri sem flokkurinn á
að geta stjórnað með lagni með því
að breiða út sólskinið og samheldn-
ina. Hann veit líka að rigningin er
ekki til nema að einhver vilji það
endilega. Vandinn er aðeins
sá að flokksmenn leika
lausum hala og skilja ekki
aga eða festu og það er
útbreiddur misskilningur
innan flokks að það rigni
af og til. Nútíminn hafnar
foringjaræðinu sem auðvitað
er gjörsamlega út úr öllu korti.
Svarthöfða er öllum lokið.
þriðjudagur 23. október 200712 Umræða DV
Útgáfufélag: Dagblaðið-Vísir útgáfufélag ehf.
Stjórnarformaður: Hreinn loftsson
framkVæmDaStjóri: Elín ragnarsdóttir
ritStjórar:
reynir traustason og Sigurjón m. Egilsson ábm.
fulltrÚi ritStjóra: janus Sigurjónsson
fréttaStjóri: Brynjólfur Þór guðmundsson
auglýSingaStjóri: Valdimar Birgisson
Umbrot: dV. Prentvinnsla: Landsprent. Dreifing: Árvakur.
dV áskilur sér rétt til að birta aðsent efni blaðsins á stafrænu
formi og í gagnabönkum án endurgjalds.
Öll viðtöl blaðsins eru hljóðrituð.
aðaLnúmer 512 7000, ritstjórn 512 7010,
Áskriftarsími 512 7080, augLýsingar 512 70 40.
SólSkin og Samheldni
SVARTHÖFÐI
Sigurjón M. EgilSSon ritStjóri Skrifar. Ráðherra, kláraðu þann vanda áður en þú kallar annan og meiri yfir okkur.
Ráðherrann og frelsið
LeIÐARI
Heilbrigðisráðherrann, Guðlaugur Þór Þórð-arson, hefur mælst til þess að áfengi verði selt víðar en nú er. Ráðherrann var áður óbreyttur þingmaður. Þá gekk hann þing-
manna fremst í þessu áhugamáli sínu. Eftir að hann
varð ráðherra heilbrigðismála mátti gera ráð fyrir að
hann endurskoðaði afstöðu sína. Það hefur hann ekki
gert. Hann er reyndar hættur að vera fremstur þeirra
sem vilja meira aðgengi að áfengi. Eftir sem áður seg-
ist hann styðja málið. Heilbrigðisráðherrann vill gera
sitt til að auka óheilbrigði þjóðar sinnar. Það er merkileg afstaða
ráðherra sem treyst er til að vera mesti valdamaður þjóðarinnar
í þessum málaflokki.
Engum dylst að aukin áfengisdrykkja eykur vanda okkar. Eng-
um dylst að áfengisdrykkja eykst eftir því sem aðgengi að áfengi
er meira. Sú er raunin hjá öðrum þjóðum. Með því er reiknað
hér á landi. Þrátt fyrir allt þetta ætlar heilbrigðisráðherrann,
Guðlaugur Þór Þórðarson, að gera sitt til að auka óheilbrigði Ís-
lendinga. Er hann á réttum stað?
Til siðs er að blanda saman ríkiseinokun á sölu áfengis og að
heimila sölu þess á margfalt fleiri stöðum en nú er. Auðvitað á
ríkið ekkert með að selja áfengi. Það er tímaskekkja sem verður
að lagfæra. Ríkið seldi póstinn, símann og þyrfti að selja fleira,
svo sem útvarpið og áfengisbúðirnar. Þar hefur ríkið
ekkert erindi. Einstaklingum og fyrirtækjum er ekki síð-
ur treystandi til að reka áfengisbúðir með sóma. Þótt
ríkið hætti sölu áfengis er ekki þar með sagt að auka eigi
aðgengi að því til muna frá því sem nú er. Ekki eru sýni-
legar ástæður til þess. Áfengissýki er ekki bara vandi
sjúklingsins. Áfengissýki er vandi langtum fleiri. Nánast
öll þekkjum við sár dæmi um hvernig áfengi hefur leikið
fólk. Bæði alkóhólista og eins aðstandendur þeirra. Það
má ráðherrann hafa í huga þegar hann greiðir atkvæði
með auknum vanda og hörmungum. Öll dæmi annarra þjóða
eru á sama veg. Þar sem aðgengi að áfengi hefur verið aukið hef-
ur drykkja aukist. Þegar áfengisdrykkja eykst fjölgar þeim sem
eiga um sárt að binda. Fleiri börn lifa í ótta og angist. Fleiri alkó-
hólistar verða undir í lífinu. Fleiri gefast upp. Kannski skilur ráð-
herrann ekki tilfinningar.
Þá er best að benda honum á að kostnaður samfélagsins af
aukinni drykkju er mikill. Hann mun vaxa eftir því sem drykkja
eykst. Best er að ná tökum á núverandi vanda áður en kallað
verður eftir meira vanda. Til upprifjunar skal það nefnt hér að
Landspítalinn á ekki fyrir lyfjum. Þar eru líka langir biðlistar eft-
ir þjónustu. Allt vegna þess að peninga vantar. Ráðherra, kláraðu
þann vanda áður en þú kallar annan og meiri yfir okkur.
DómSTóLL gÖTunnAR
Er of snEmmt að sElja jólavörur núna?
„nei, alls ekki. mér finnst allt í lagi að
selja jólavörur núna. Ég byrja samt
örugglega ekki strax að kaupa þær.
mér finnst samt fínt að byrjað sé að
setja upp jólaskraut.“
Elísabet Blöndal, 26 ára, starfs-
mannastjóri
„já, mér finnst að það ætti að byrja um
mánaðamótin nóvember-desember.
Ég held að börnin verði orðin þreytt
þegar jólin loks komin þegar byrjað er
svona snemma.“
Ásgegir Magnússon, 82 ára,
ellilífeyrisþegi
„nei, ætli það sé ekki markaðurinn sem
ræður því. ef fólk hefur áhuga kaupir
það jólavörur. eru ekki jólin allt árið?“
Jóhannes Ágústsson, 54 ára,
framhaldsskólakennari
„já, mér finnst það allt of snemmt. það
er nú bara 22. október. mér finnst að
það eigi að byrja að selja jólavörur um
miðjan nóvember.“
Eva Guðrún Gunnarsdóttir, 24 ára,
sölukona
SAnDkoRn
n Sprenging Björns Inga
Hrafnsssonar á meirihlutan-
um í borginni kann að hafa
svokölluð
dómínóáhrif
annars stað-
ar. Þannig
er hermt að
óróleika gæti
þegar í sam-
starfi vinstri
grænna og
Sjálfstæð-
isflokksins í Mosfellsbæ. Karl
Tómasson, leiðtogi VG, á í hin-
um mestu vandræðum með að
verja það fyrir baklandi sínu
að vera í stöðugum útistöðum
við umhverfissinna. Hermt
er að Svandís Svavarsdóttir,
leiðtogi í Reykjavík, hvetji til
þess að VG fari með Samfylk-
ingu og Framsókn, rétt eins og
í Reykjavík.
n Óróleikinn er líka til staðar
í Kópavogi þar sem Gunnar
I. Birgisson, bæjarstjóri og
leiðtogi
Sjálfstæð-
isflokks-
ins, fer
sínu fram
í hvívetna.
Framsókn-
armaðurinn
Ómar Stef-
ánsson er
óspart hvattur til þess af hluta
flokksins að rísa undan ofríki
Gunnars og slíta meirihlut-
anum. Reyndar er hermt að í
sumar þegar Mannlíf birti út-
tekt á Gunnari hafi hrikt í sam-
starfinu en þá tókst að bjarga
fyrir horn. Nú hafa meirihluta-
slitin í Reykjavík orðið til þess
að andstæðingum Gunnars
innan Framsóknar í Kópavogi
hefur vaxið ásmegin.
n Björn Bjarnason dómsmála-
ráðherra fer að vanda mikinn
á heimasíðu sinni og fjallar um
Baugs-
miðla. Ráð-
herrann
sakar DV
um að hafa
spunnið
upp þann
lygavef að
Sjálfstæðis-
flokkurinn
sé klofinn af völdum hans og
sexmenningaklíkunnar í borg-
arstjórn sem hélt fund með
Geir H. Haarde án Vilhjálms Þ.
Vilhjálmssonar, leiðtoga síns.
Æsingur Björns bendir til þess
að sú kenning að óbeint eign-
arhald Baugs í REI hafi sett allt
á annan endann í Björnsarmi
flokksins sé rétt.
n Guðlaugur Þór Þórðarson
heilbrigðisráðherra er í klandri
út af REI-málinu. Hann er mað-
urinn að baki þeim hugmynd-
um að Orkuveitan fór í samstarf
við einkaaðila um útrás. Óvild
Björns Bjarnasonar í garð Guð-
laugs á sér engin takmörk eftir
að ráðherrann var flengdur í
prófkjöri og það er þekkt innan
ríkisstjórnar að þeir tveir eru
eins og skólastrákar í illkvittn-
um samskiptum sínum. Birni
virðist vera mikið kappsmál að
koma REI-málum þannig fyrir
að meint klúður verði skrifað á
samráðherra hans.