Dagblaðið Vísir - DV - 23.10.2007, Blaðsíða 24

þriðjudagur 23. október 200724 Sviðsljós DV
Um helgina fór tónlistarhátíðin Iceland Airwaves fram í níunda skiptið en hátíðin var einstaklega vel
heppnuð og lífgaði mikið upp á miðborgina. Íslensku hljómsveitirnar gáfu þeim erlendu alls ekkert eftir en
rúmlega tvö hundruð og tuttugu hljómsveitir og tónlistarmenn skemmtu tónlistarþyrstum áhorfendum.
Frábær AirwAves-hátíð!
Jenny Wilson
Jenny Wilson spilaði með hljómsveit
sinni í Pop, Rokk og rósum og Smekkleysu
á „off venue“ tónleikum. Hún olli vonbrigð-
um. Þrátt fyrir flott útlit og flotta rödd náði
hún ekki að heilla. Söngurinn var of hár
og á köflum var hún hreinlega bara fölsk.
Miklu betra að hlusta bara á hana rafmagn-
aða á disknum sínum.
Retro Stefson
Æðislegir. Spiluðu á „off venue“ tónleik-
um í Máli og menningu. Flott staðsetning
á þeim í búðinni sem hafði áhrif. Spjöll-
uðu við áhorfendur á meðan beðið var eft-
ir stykki í trommurnar. Persónuleg, einlæg,
lífleg, frumleg og bara skemmtileg. Söngv-
arinn aðlaðandi karakter. Biðin var alveg
þess virði. Ásdís Björg Jóhannesdóttir
HHHHHH
The Teenagers
Spiluðu á NASA á fimmtudagskvöld-
ið og voru frekar slappir. Einstaklega óeft-
irminnilegir tónleikar hjá kraftlausri sveit
sem spilaði á Prime Time á NASA. Verð þó
að viðurkenna að ég stoppaði frekar stutt
einkum sökum þess hversu óspennandi
mér fannst sveitin.
Loney Dear
Krúttleg hljómsveit sem stóð sig bara
nokkuð vel í Listasafninu á föstudagskvöld-
ið og var bara ágætis byrjun á góðu kvöldi
að sjá Loney Dear. Meðlimir sveitarinnar
virtust ekki eiga í miklum erfiðleikum með
að skapa stemningu á NASA og undir lokin
voru áhorfendur farnir að klappa í takt við
lögin. Loney Dear er allavega hljómsveit
sem ég væri til í að kynna mér aðeins betur
eftir að hafa séð hana á tónleikum.
Grizzly Bear
Eitt af stærstu nöfnunum á hátíðinni í
ár. Mér finnst þetta reyndar heldur ofmet-
in sveit sem átti þó ágætis sprett í Listasafn-
inu á fimmtudagskvöldið. Það var mjög vel
mætt á tónleikana og stemningin fín. Ed
Droste aðalsöngvari sveitarinnar er risastór
maður með rödd sem er íðilfögur og kemur
svo sannarlega á óvart. Í heildina séð voru
tónleikarnir ágætis skemmtun en lifa þó
ekki lengi í minningunni.
Amiina
Stúlknakvartettinn Amiina spilaði í Frí-
kirkjunni klukkan sex á laugardagskvöld-
ið en þetta er í fyrsta skipti sem stelpurnar
spila á Airwaves. Sveitin sendi frá sér breið-
skífuna Kurr fyrr á árinu og má svo sann-
arlega segja að hljómsveit sem þessi hafi
vel átt heima í Fríkirkjunni. Stúlkunum
til halds og trausts var trommuleikarinn
Maggi auk þess sem hljóðmaðurinn þeirra
spilaði á básúnu undir lokin. Stelpurnar
flökkuðu á milli hljóðfæra og spiluðu á allt
frá sellói að sög. Tónleikarnir voru einstak-
lega vel heppnaðir og ljúfir enda ekki við
öðru að búast frá Amiinu.
Ms John Soda
Í lýsingu á hljómsveitinni var þess get-
ið að hún fangaði algjörlega athygli manns.
Þar verð ég að vera ósammála, þrátt fyr-
ir að ég hafi á tímabili fært mig ein fremst
til að ná að einbeita mér alveg að sveitinni
varð ég aldrei heilluð. Söngkonan var gjör-
samlega karakterslaus og gaf alls ekki nógu
mikið frá sér á sviðinu. Ég átti von á meiru
frá þessari þýsku sveit en varð satt best að
segja fyrir vonbrigðum. Þegar upp var stað-
ið voru þetta frakar óspennandi tónleikar.
Bonde Do Role
Ofvirkir Brasilíubúar sem blönduðu
saman gömlum 70‘s, 80‘s og jafnvel 90‘s
töktum við nýja og ferskari tóna. Hljóm-
sveitin leitast mikið við að útfæra göm-
ul klassísk lög á sinn elektróníska hátt og
mátti jafnvel heyra gamla Grease-slagar-
ann Summer love í mjög „korní“ nútíma-
búningi. Hljómsveitarmeðlimir voru
mjög virkir á sviðinu og gerðu mikið út á
það að grípa um klofið á hver öðrum sem
vakti óvenjumikla kátinu viðstaddra. Ágæt-
is partí en ekki meira en það.
Heavy Trash
Klárlega einn af hápunktum hátíðarinn-
ar í ár. Þrátt fyrir að Lídó líti svolítið út eins
og mötuneyti í Hveragerði var dansgólfið
og plássið alveg fullkomið til að dansa eins
og vitleysingur við þessa brjáluðu rokka-
billí-blús-töffara. John Spencer og Matt
Verta-Ray voru bara einfaldlega ólýsanlega
svalir og fær röddin í Spencer kvenfólk jafnt
sem karlmenn til að kikna í hnjánum. Frá-
bærir tónleikar hjá frábærri stuðsveit sem
lét allt flakka.
Worm Is Green
Þetta frábæra elektróband startaði
fimmtudagskvöldinu í Listasafninu og er
í raun ótrúlegt að hljómsveit eins og þessi
spili ekki örlítið seinna um kvöld en það
verða víst alltaf einhverjir að hefja partíið.
Klúður í byrjun olli því að sveitin var mætt
á sviðið en í nokkrar mínútur var enn verið
að spila bakgrunnstónlistina sem hljómaði
milli atriða en sveitin lét það þó ekki slá sig
út af laginu og hélt að venju frábæra tón-
leika sem voru frábær byrjun á kvöldinu.
FM Belfast
Þessi íslenska stuðsveit spilaði strax á
eftir Chromeo og stóð sig gríðarlega vel.
Ég hafði ákveðið að færa mig annað eftir
Chromeo en sökum þess hversu þéttir og
skemmtilegir FM Belfast-tónleikarnir voru
endaði ég á að hlusta á þá alla og varð ekki
fyrir vonbrigðum. Um miðbik tónleikanna
voru margir félagar hljómsveitarmeðlima
komnir upp á sviðið og byrjaðir að syngja
með og dilla sér í bakgrunninum sem gerði
það að verkum að mikið var um að vera á
sviðinu.
Annuals
Kom mér mikið á óvart. Allir liðsmenn
sveitarinnar gáfu gríðarlega mikið af sér á
sviðinu sem skilaði sér svo sannalega út í
sal. Tvö trommusett voru á sviðinu sem
gerði tónleikana enn kröftugri auk þess
sem söngvarinn sem hljóp út um allt sviðið
tók sér trommukjuða í hendur og tromm-
aði með í einu laginu. Stórskemmtilegir og
hressandi tónleikar.
Sometime
Frábær hljómsveit sem stóð sig gríðar-
lega vel á Organ á föstudagskvöldinu. Frá-
bært að enda gott tónleikakvöld á góðum
tónleikum sem þessum. Meðlimir sveitar-
innar voru hver öðrum glæsilegri á sviðinu
og ekki skemmdi fyrir hversu sérstaka og
fallega rödd söngkonan Rósa er með. Náði
því miður náði ég bara seinni hluta tónleik-
anna en það sem ég sá var nóg til að heilla
mig og fá mig til að vilja heyra meira frá
sveitinni. Krista Hall
HHH
HHH
HHHH
HHHH
HHHH
HHHH
HHH
HH
HHHH
HHHH
Best Fwends
Slæmt herbergispartí hjá tveimur gröð-
um vitleysingum sem fór harkalega úrskeið-
is. Algjörlega vonlaust og óskiljanlegt að þeir
hafi fengið stærra pláss heldur en efri hæð-
ina á Ellefunni.
Thundercats
Það reyndist þrautin þyngri að halda at-
hygli yfir Thundercats sem þó meintu ef-
laust mjög vel. Á heildina litið var frammi-
staða þeirra frekar tilþrifalaus
Ra Ra Riot
Indí-band sem allir hafa séð hundrað
sinnum áður. Horaðir gaurar í töff bolum og
þjáð kona á selló. Árið 2007 þykir það ekki
mjög nýmóðins.
Kimono
Frábærir tónleikar hjá sveit sem náði að
halda áhorfendum við efnið í drjúgan tíma.
Sveitin á dyggan aðdáendahóp hér á landi
sem hlustaði af athygli á hverja nótu. Innlif-
un hljómsveitarmeðlima var til fyrirmynd-
ar og mátti sjá að þeir nutu tónleikanna vel.
Það skilaði sér vel út í salinn.
!!!
Rosalega hressandi hljómsveit með frá-
bæra sviðsframkomu. Hún fékk eitt besta
slotið á hátíðinni, á miðnætti á NASA á laug-
ardagskvöld. Væntingarnar voru því miklar
en !!! átti ekki í nokkrum vandræðum með
að standa undir þeim væntingum sem til
hennar voru gerðar.
Jónas Sigurðsson
Jónas og félagar virkuðu vel í Listasafn-
inu, metnaðarfullur tónlistarmaður með
frábæra og lífsglaða hljómsveit. Mjög góð
byrjun á laugardagskvöldinu. Jónas og félag-
ar áttu þó skilið að fleiri áhorfendur hefðu
komið að fylgjast með þeim.
Mugison
Mugison var kóngurinn á sviðinu á NASA
og til marks um það hversu mikillar virðingar
hann nýtur komst hann upp með furðuleg-
ar yfirlýsingar eins og þegar hann bað allar
stelpurnar í salnum að syngja eins og verið
væri að putta þær. Nýja efnið af Mugiboogie
rann vel ofan í liðið og Pétur Ben og félag-
ar í hljómsveit Mugga stóðu sig frábærlega.
Mugison spilaði þó allt of stutt, hann hefði
gjarnan mátt hafa hálftíma lengur á sviðinu.
Hann hefði ekki átt í nokkrum vandræðum
með það. Valgeir Ragnarsson
H
HH
HHH
HHHH
HHH
HHHH
DV Myndir Arnar Ómarsson
H
H
Trentemöller (DK)
Steed Lord (IS)