Dagblaðið Vísir - DV - 23.10.2007, Blaðsíða 19

DV Alþingishúsið Þriðjudagur 23. október 2007 19
Framhald á
næstu síðu
Fundarherbergi á fyrstu hæð Herbergið er
oft notað þegar tekið er á móti erlendum
sendinefndum eða gestum.
Í Kringlunni Falleg gulllögð rósetta er í lofti kringlunnar.
Glerborð í Kringlunni Skreytingar ellefu
glerborða í alþingishúsinu eru í þessum stíl.
Lögrétta var haldin á Íslandi frá árinu 930 til
1262. borðin sýna mismunandi ártöl en í
kringum ártölin eru nöfn þeirra manna sem
sátu í Lögréttu á þeim tíma. Því eru engin tvö
borð eins.
Alþingishúsið Framhlið alþingishússins, það er norðurhliðin, er nokkuð skreytt. Hæst ber kórónu og merki kristjáns iX á
burst á þakinu. undir upsinni er ártalið 1881, málmstafir með stjörnum á milli. Yfir fjórum gluggum á annarri hæð eru
landvættir Íslands í lágskurði, bergrisi, gammur, griðungur og dreki.
Veggir alþingishússins eru tæpir 80 sm á þykkt á neðri hæð, en þynnast upp, eru 63 sm á efri hæð, 47 sm þar fyrir ofan og 36
sm efst. Þeir eru tvöfaldir, tveir steinar lagðir samhliða langsum í ytri og innri hleðslu en þriðji steinninn liggur þversum og
tengir veggina. Í holrúminu milli ytri og innri veggjar er fylling úr sandi, kalki og sementi. að utan hafa veggirnir verið látnir
halda höggnu áferðinni en að innan eru þeir pússaðir með múrhúð. Heimild: althingi.is
Breytingar í vændum
Sturla segir stóra breytingu í vændum.
„Innan skamms verður hægt að horfa aft-
ur á ræður þingmanna á netinu, rétt eins og
hægt er að horfa á gamla fréttatíma á vefsíð-
um sjónvarpsstöðvanna. Það er lengi búið að
sjónvarpa þingfundum en brátt verður hægt
að kalla fram ræður sem þegar hafa verið
fluttar. Það leggur enn meiri ábyrgð á herðar
þingmönnum að vanda sig, því ímynd þeirra
og þingsins er í húfi,“ segir Sturla. Hann segir
stóran hluta af starfi forseta felast í því að hafa
samskipti við fólk. „Í upphafi hverrar viku hitti
ég þingflokksformenn flokkanna og við ákveð-
um í sameiningu dagskrá þingfundarins. Það
er oft margt á dagskrá og því getur verið snú-
ið að koma því fyrir sem þarf að ræða,“ segir
Sturla en hans verk er að koma því þannig fyrir
að allir geti vel við unað.
Vítur
Forseti hefur það vald að geta vítt þing-
menn ef þeir fara yfir strikið. „Vítur eru mjög
fátíðar og ég hef sem betur fer aldrei þurft að
víta þingmann,“ segir Sturla. „Þegar einhver
fer með stóryrði í garð þingmanna eða lætur
eitthvað óforsvaranlegt úr munni getur forseti
vítt þann sem gekk of langt. Þá er það hlutverk
forseta að endurtaka það sem vítavert þykir til
að allir viti hvað það var nákvæmlega sem ekki
þótti viðeigandi. Tilgangurinn með þessu er sá
að menn meiði ekki með orðum, eða hafi uppi
stóryrði sem eru óforsvaranleg. Þingmenn
taka það jafnan mjög alvarlega þegar þeir eru
víttir,“ segir Sturla en ítrekar að vítur séu sem
betur fer mjög sjaldgæfar enda séu stóryrði
í garð persónu ekki gagnleg í þeirri rökræðu
sem þarf að fara fram í þinginu.
Ýmsu vanur
Oft er mikið annríki hjá forseta, sér í lagi
þegar snarpar umræður eiga sér stað. Þá þarf
hann að hafa hemil á ræðumönnum og gæta
þess að reglum sé fylgt. „Þegar mikið gengur
á skiptir mestu máli að halda ró sinni. Ég er
á þeirri skoðun að sá sem ekki lætur haggast
kemur betur út þegar litið er til baka. Skip-
stjóri sem stendur óhagganlegur í brúnni,
sama á hverju dynur og fer síðastur frá borði
í sjávarháska nýtur meiri virðingar en sá sem
stekkur upp á nef sér við hvert tilefni. Það er
því mikilvægt að sýna stóíska ró þegar menn
takast á í stjórnmálum,“ segir Sturla. Hann
viðurkennir að stundum geti verið snúið að
halda andlitinu þegar menn slá á létta strengi.
„Ég er nú ýmsu vanur svo það þarf töluvert
til að slá mig út af laginu,“ segir hann léttur í
bragði að lokum.
Starfsemi í Alþingishúsinu
n Alþingishúsið hefur gegnt margvíslegum hlutverkum í gegnum árin. Háskóli
Íslands hóf starfsemi sína í Alþingishúsinu árið 1911 og vegna þessa var árið 1912
horfið frá því að hafa vetrarþing og þingtíminn færður á sumarið þegar Háskólinn
starfaði ekki. Frá 1920 var þingtíminn þó aftur færður yfir á veturinn og Alþingi og
Háskólinn í sambýli þar til skólinn fluttist í eigin byggingu 1940.
n Þegar þingi var slitið 27. ágúst 1881 var hafist handa við að flytja Stiftsbóka-
safnið (Landsbókasafnið) í Alþingishúsið. Var safnið opnað almenningi 6. mars
1882 og var í fyrstu opið þrjá tíma á dag þrjá daga vikunnar.
n Forngripasafnið (Þjóðminjasafnið) var flutt í húsið haustið 1881 og haft opið
tvisvar í viku. Það var til húsa á þriðju hæð og ætlað allgott rými. Á hæðinni var einn-
ig herbergi sem geymdi húsbúnað Jóns Sigurðssonar forseta sem Tryggvi Gunnars-
son hafði fest kaup á í Kaupmannahöfn og flutt til Íslands. Forngripasafnið var flutt
í nýreist Landsbankahús árið 1899 og fékk Landsskjalasafnið (Þjóðskjalasafnið) þá
þriðju hæð Alþingishússins til afnota.
n Listasafnið bættist við í Alþingishúsinu þegar fyrstu verkin sem gefin höfðu
verið til safnsins bárust til landsins árið 1885. Veturinn 1908-1909 fluttu Lands-
bókasafnið og Landsskjalasafnið svo í nýreist safnahús við Hverfisgötu. Fyrirhug-
að hafði verið að það rúmaði öll söfn landsins en strax varð ljóst að ekki tækist að
finna listasafninu stað í safnahúsinu og varð það því eftir í Alþingishúsinu. Verkum
listasafnsins fjölgaði smám saman og var verkum í eigu þess komið fyrir í ýmsum
opinberum byggingum en mörg voru áfram til sýnis í Alþingishúsinu, allt fram til
ársins 1950 þegar safnið fékk til umráða eigið húsnæði í húsi Þjóðminjasafnsins á
háskólalóðinni.
Heimild: althingi.is