Fréttatíminn - 03.01.2014, Blaðsíða 6

Bíldshöfða 18 - 110 Reykjavík - sími: 557 9510 - www.patti.is
Opið virka daga kl. 10-18
laugard. 11-16
AFSLÁTTUR AF
VÖLDUM VÖRUM 70%
Allt a
ð
ÚTSALA
Valencia sett 311 verð 140.900 áður 4
69.900
Rín hornsófi 2H2 verð 149.900 áður
299.900
Rúm 153x200
frá 99.000
verð áður 218.900
Bast stólar
9.900
verð áður 24.900
Heilsukoddar
2.900
verð áður 6.900
Hillur
15.900
stærð: 80x206x42
Púðar og
fjarstýringavasar
verð frá 2.900
nokkrir litir

Sjónvarpsskápar
33.500
verð áður 47.900
Skenkur 235x80x52
frá 77.000
verð áður 221.900
B SRB stefnir að því að ljúka við nýjan kjarasamning við ríki og Reykjavíkurborg sem gildi til eins
árs áður en gildandi samningur rennur út
um næstu mánaðamót. Elín Björg Jóns-
dóttir, formaður BSRB, segir samtökin
stefna að svokölluðum aðfararsamningi
líkt og gerður var á almennum vinnu-
markaði; markmiðið sé að gera langtíma-
samning þegar frekari mynd er komin á
efnahagsstjórnina.
Í fjárlögum sem Alþingi er nýbúið
að samþykkja er gert ráð fyrir um 3%
launahækkunum opinberra starfsmanna
á næsta ári en einnig er þar mælt fyrir um
að hagrætt verði í rekstri allra stofnana
ríkisins. „Það segir beinlínis í fjárlögum
að það eigi að halda áfram niðurskurði
í einstökum stofnunum og ráðuneytum
en það er ekki útfært nema að litlu leyti
og við þurfum að vakta það,” segir Elín
Björg. Þá vill BSRB að tekið verði tillit til
þess að launaskrið hefur verið mun meira
á almennum vinnumarkaði en hjá hinu
opinbera þar sem öll launamál eru bundin
í samninga. Eins þurfi að leiðrétta kyn-
bundinn launamun, sem er meiri hjá hinu
opinbera en einkamarkaði, samkvæmt
rannsóknum. „Það er mál sem er ofarlega
í okkar forgangsröðun,“ segir hún.
Viðræður eru ekki hafnar að neinu
marki. „Ég á von á því að þær fari á fullt
núna á nýju ári,“ segir Elín Björg. „Við
viljum lenda samningi í janúar þannig að
það verði tilbúinn nýr samningur þegar
sá eldri rennur út.“
Markmið BSRB gera ráð fyrir því að
eftir að þessi samningur til 12 mánaða
renni út hefjist viðræður um langtíma-
samning þar sem tekið verði mið af
áherslum samtakanna á fjölskylduvænna
samfélag. Þar komi til umræðu samspil
fjölskyldu og atvinnulífs, stytting vinnu-
viku, styttri vinnuvika, lengra fæðingar-
orlof, varanlegur húsaleigumarkaður og
fleira.
Þórður Hjaltested, formaður Kennara-
sambands Íslands, segir kennara ekki
telja sig bundna af niðurstöðum samn-
inga á almennum vinnumarkaði. „Við
höfum sett fyrirvara þess efnis allan tím-
ann og bent á það að það þyrfti að horfa á
skólamál og málefni kennara og taka þau
svolítið út fyrir sviga.“
Hann bendir á að sameiginleg könnun
á vegum helstu samninga á almennum
vinnumarkaði hafi sýnt fram á að laun
framhaldsskólakennara hafi hækkað
minnst allra frá 2006 og muni allt að 10%
á þróun launa þeirra og annarra starfs-
manna hins opinbera á tímabilinu. Nánast
ekkert launaskrið eigi sér stað í skóla-
kerfinu; „þar stendur það sem samið
er um og ekkert annað er í boði,“ segir
hann.
Hvert aðildarfélag KÍ fer með samn-
ingaumboð fyrir eigin hönd en KÍ hefur
samræmingarhlutverki að gegna. Samn-
ingar grunnskólakennara eru runnir út
fyrir nokkru en í gildi er viðræðuáætlun
um samningaviðræður grunnskólakenn-
ara og samninganefndar sveitarfélaga
fram til loka febrúar. Samningar annarra
félaga kennara og stjórnenda í skólum,
sem eiga ríkið að viðsemjanda, renna
út 31. janúar nema leikskólakennara en
samningar þeirra við sveitarfélögin renna
út í lok apríl.
„Við gætum hugsað okkur lengri
samning, án þess að búið sé að negla það
niður og útilokum hvorki eitt né neitt.
Aðalatriðið er að við viljum hafa frjálsar
hendur til að ræða skólamál og launamál
stéttarinnar við okkar viðsemjendur,“
segir Þórður. „Við viljum og teljum að það
þurfi að fara í ákveðnar lagfæringar hjá
okkur og að við þurfum þjóðarsátt um
menntun.“
Guðlaug Kristjánsdóttir, formaður
BHM, segir háskólamenn telja að samn-
ingar ASÍ hafi ekki fordæmisgildi um
þeirra samningamál. Samningar aðildar-
félaganna renna út í lok janúar, unnið er
að kröfugerð og formlegar viðræður eru
ekki hafnar.
Pétur Gunnarsson
petur@frettatiminn.is
 Ferðalög OktóBer er sá mánuður þegar Flestir Íslendingar Fóru til útlanda á árinu 2013
Fleiri fóru til útlanda í október en aðra mánuði
Fleiri Íslendingar fóru til út-
landa í október en í nokkrum
öðrum mánuði ársins, sam-
kvæmt tölum frá Ferðamála-
stofu. Þetta er í fyrsta skipti
sem október slær sumarmán-
uðunum við að þessu leyti.
Tæplega 38.000 Íslendingar
flugu til útlanda í gegnum
Keflavíkurflugvöll í október,
sem er 1.000 fleiri en í ágúst,
1.500 fleiri en í júní og rúmum
4.000 fleiri en í júlímánuði. Alls fóru
rúmlega 340.000 íslenskir farþegar
til útlanda um Keflavíkurflugvöll
fyrstu ellefu mánuði ársins,
sem þýðir rúmlega ein ferð á
hvert mannsbarn í landinu.
Fyrstu 11 mánuði ársins 2012
voru ferðalangarnir 336.000
þannig að um 1% fjölgun er að
ræða milli ára.
Ólöf Ýrr Atladóttir ferða-
málastjóri segir að það hafi
ekki verið rannsakað sér-
staklega hvers vegna svona
mikill kippur kom í ferðirnar
í október. „Það er áreiðanlega margt
sem spilar inn í, eitt af því gæti verið
veðuróþreyjan,“ segir hún. „Sumarið
var íbúum suðvesturhornsins erfitt;
hugsanlega hélt fólk að sér höndum
í sumar en ákvað svo að láta slag
standa í október og fara til útlanda.“
Ólöf segir að fleiri þættir gætu
spilað inn í, til dæmis breytingar á
framboði á ferðum og sérstakir við-
burðir, eins og til dæmis landsleikur
Íslands og Noregs sem fram fór í
Osló í október en talið er að allt að
1.000 Íslendingar hafi gert sér ferð til
Noregs til að fylgjast með honum.
Pétur Gunnarsson
petur@frettatiminn.is
Ólöf Ýrr Atla­
dóttir ferða­
málstjóri.
Um 1.000 Íslendingar fóru til Osló að fylgjast með landsleik í knattspyrnu í
október. Það er hluti skýringarinnar á því að október var sá mánuður ársins
2013 þegar flestir Íslendingar fóru til útlanda.
 samningar OpinBerir starFsmenn
Kjaraviðræður ríkisstarfs-
manna á fullt á nýju ári
Samningar lang flestra opinberra starfsmanna renna út í lok janúar. Viðræður fara á fullt í upp­
hafi ársins. Forystumenn opinberra samninga segjast óbundnir af samningi ASÍ en innan BSRB er
þó horft til þess að gera skammtímasamning líkt og á almennum vinnumarkaði.
Lögreglumenn eru í BSRB og verða með lausa kjarasamninga um næstu mánaðamót eins og flestir starfsmenn ríkisins. For­
maður BSRB segir stefnt að samningi til eins árs.
Elín Björg Jónsdóttir,
formaður BSRB.
Þórður Hjaltested,
formaður Kennarasam­
bands Íslands.
Guðlaug Kristjáns-
dóttir, formaður BHM.
6 fréttir Helgin 3.-5. janúar 2014