Hermes - 01.08.1971, Blaðsíða 4
Eins og flestum er kunnugt, hefur sá siður jafnan
verið við hafður að aðalfundur og nemendamót
N.S.S. hafa verið haldin samtímis að Bifröst síðari
hluta sumars.
Var það ýmsum vandkvæðum bundið, einkum fyr-
ir þá sök að of fáir gátu sótt mótin þar. Af þessari
ástæðu og fleirum var ákveðið nú að breyta þessu
fyrirkomulagi á þann veg að halda mótið síðari hluta
vetrar en aðalfundinn að hausti.
Nemendamótið var haldið að Hótel Sögu hinn 10.
apríl sl. og sóttu það um 230 manns. Var til þessa
móts vel vandað og þangað boðið skólastjórum og
kennurum, sem starfað hafa að Bifröst og mökum
þeirra. Þá var og Sigurvin Einarsson alþingismaður
og fyrsti formaður N.S.S. gestur okkar. Þótti mótið
takast hið bezta og vona ég að þessi breyting verði
til að efla samtökin og samheldni þeirra sem að Bif-
röst hafa verið.
Eins og ég gat um i upphafi þessa máls vann stjórn-
in að verkefnum, sem ekki verða leyst á þessu starfs-
ári, og bíða næstu stjórnar. Þá er fyrst að skýra frá
því, að nú nýlega hafa verið undirritaðir samningar
milli Sambands íslenzkra samvinnufélaga annars veg-
ar og starfsmannafélaga SÍS, KRON og Nemenda-
sambands Samvinnuskólans, hins vegar um afnot af
húseign Sambandsins við Hávallagötu 24 til félags-
starfs fyrir ofangreind þrjú samtök.
Forsaga þess að þetta mál var nú tekið á dagskrá
var bréf, sem stjórn N.S.S. ritaði stjórn SÍS hinn 1.
júní sl.
Bréfið er svohljóðandi:
„Á stjórnarfundi Nemendasambands Samvinnu-
skólans hinn 5. maí sl. urðu miklar umræður um
nauðsyn þess að Nemendasambandið fái húsnæði til
umráða fyrir starfsemi sína sem farið hefur vaxandi
með ári hverju.
í þessum umræðum var m. a. vakin athygli á hug-
mynd, sem áður mun hafa verið rædd af öðrum að-
ilum þess efnis, að hús Sambands íslenzkra Samvinnu-
félaga við Hávallagötu 24, sem Jónas Jónsson frá
4
Hriflu bjó í um árabil verði varðveitt sem félagsheim-
ili og safnhús samvinnumanna.
Til frekari áréttingar á þessari hugmynd kom fram,
að öflug félagshreyfmg eins og Samvinnuhreyfmgin
er, verður að kappkosta að varðveita á einum stað
allt sem varðar sögu hennar og störf. Einnig er ljóst,
að knýjandi þörf er fyrir húsnæði til margs konar
fundahalda og félagsstarfs Samvinnumanna í borg-
inni. Telur stjórn N.S.S. að „Jónasarhús" búi yfir
þeim kostum sem slíkan samastað þurfa að prýða.
Með því yrði einnig á verðugan hátt haldið á lofti
minningu hins ötula félagsmálaleiðtoga Jónasar Jóns-
sonar.
Stjórn nemendasambandsins vill því beina þeirri
áskorun til stjórnar Sambands ísl. Samvinnufélaga
að hún kanni sem allra fyrst möguleika á að hrinda
þessari hugmynd í framkvæmd.
Við viljum leggja sérstaka áherzlu á, að stjórn
N.S.S. er reiðubúin að vinna sem bezt að framgangi
þessa máls, verði hún til þess kvödd.“
Stjórn SÍS tók erindið fyrir á fundi sínum ekki alls
fyrir löngu og fékk það þá afgreiðslu sem undirritun
samninga fela í sér.
í stuttu máli eru þessir samningar á þá leið, að
SÍS afhendir okkur húsið tilbúið til félagsstarfa, en
við önnumst rekstur þess.
Vinsemd forráðamanna SÍS og þá ekki sízt for-
stjórans, Erlends Einarssonar, er mjög þakkarverð.
Með tilkomu þessa félagsheimilis eru mörkuð tíma-
mót í sögu Nemendasambands Samvinnuskólans.
Megi þau tímamót verða öflugur hvati til nýrra átaka.
Ákveðið hefur verið að reyna að koma út Árbók
N.S.S., sem hafi að geyma upplýsingar um alla nem-
endur og kennara, sem verið hafa við Samvinnuskól-
ann frá upphafi. Er einnig gert ráð fyrir að í árbók-
inni verði rakin stofnsaga skólans og þróun og það
starf, sem þar fer fram á hvert.
Ef þessi tilraun tekst er miklum áfanga náð, en
til þess að svo megi verða þarf mikla vinnu og mikið
fé, samstillt átak allra sem geyma vilja sögu Sam-