Hermes - 01.08.1971, Blaðsíða 7
LÖG N.S.S.
1. gr. Nafn sambandsins er: Neinendasamband Samvinnuskólans.
2. gr. Félagar sambandsins geta orðið allir þeir, er stundað hafa
nám í Samvinnuskólanum.
3. gr. Inntaka nýrra félaga ska! aðeins fara fram á aðalfundi. Þó
skulu nýútskrifaðir nemendur, sem sækja skriflega um inn-
göngu í sambandið, njóta fullra réttinda til þátttöku í fé-
lagsstarfinu fram að aðalfundi. Árgjald skal ákveðið hverju
sinni af stjóm N.S.S. Þó greiði hjón, sem bæði eru félagar
gjald sem einn aðili. Árgjaldið skal greitt fyrir 1. febrúar.
Nemendur sem útskrifaðir eru fyrir 15 árum eða meira,
greiði aðeins hálft árgjald og hafi jafnframt rétt til þess að
gerast ævifélagar gegn því að greiða kr. 1.500,00. Gjöld
ævifélaga verði lögð í sérstakan sjóð, sem ráðstafað verði
af aðalfundi. Gjaldkera sambandsins skal heimilt að verja
5% greiddra árgjalda til innheimtustarfa.
4. gr. Tilgangur sambandsins er að vinna að vexti og viðgangi
Samvinnuskólans og efla kynni meðal yngri og eldri nem-
enda.
5. gr. Tilgangi sínum hyggst sambandið ná með því:
a) að halda árlegt nemendamót, (
b) gefa út blaðið Hermes,
c) halda skemmtanir,
d) starfrækja klúbba og skulu þeir starfa í samráði við stjórn
sambandsins. Hver klúbbur kýs sér formann og setur sér
starfsreglur. Fjárhagur skal vera sjálfstæður, en eignir
eða skuldir, ef einhverjar eru, verði yfirteknar af sam-
bandinu, sé starfsemi klúbbsins hætt.
6. gr. Aðalfundur sambandsins skal haldinn árlega í síðasta lagi
15 dögum eftir lok reikningsárs. Til hans skal boðað með
góðum fyrirvara, bréflega, eða á annan fullnægjandi hátt.
Aðalfundur er löglegur, sé rétt til hans boðað samkvæmt
framansögðu.
7. gr. Á aðalfundi skulu tekin fyrir þessi mál:
1. Inntaka nýrra félaga.
2. Skýrsla stjómar sambandsins.
3. Reikningar sambandsins lagðir fram til samþykktar.
4. Lagabreytingar.
5. Kosning stjómar og endurskoðenda.
6. önnur mál.
8. gr. Stjóm sambandsins skal skipuð fimm mönnum og tveimur
til vara, kosnum á aðalfundi til eins árs í senn, formanni,
gjaldkera, ritara og spjaldskrárritara og meðstjómanda,
sem jafnframt skal vera fulltrúi stjómarinnar í ritnefnd
Hermesar. Skulu þeir kosnir hver í sínu lagi, en tveir vara-
menn saman. I forföllum formanns, gegni ritari störfum
hans. Kosning skal vera leynileg og bundin.
9. gr. Á hverjum aðalfundi skulu kosnir tveir endurskoðendur,
er hafa skulu eftirlit með reikningum sambandsins.
10. gr. Stjómin skal annast málefni sambandsins milli aðalfunda
og getur hún skipað félagsmenn sér til aðstoðar til starfa í
þágu sambandsins.
11. gr. Stjóm N.S.S. skal skipa fulltrúaráð í upphafi stjórnartíma-
bils. Skal það skipað einurn fulltrúa úr hverjum árgangi
útskrifuðum frá Bifröst og einum fulltrúa fyrir útskrifaða
nemendur frá skólanum í Reykjavík.
Fulltrúaráðið skal koma saman minnst þrisvar á ári
og skal formaður N.S.S. vera formaður þess. Fundir skulu
undirbúnir og boðaðir af stjóminni, sem jafnframt situr
fundi ráðsins. Fulltrúar skulu starfa sem tengiliðir milli
stjórnarinnar og félaga N.S.S. innan sinna árganga við fram-
kvæmd á málefnum sambandsins.
12. gr. Stjórn N.S.S. skal skipa ritstjóra Hermesar í upphafi hvers
stjómartimabils og að auki þrjá fulltrúa í ritnefnd í samráði
við skipaðan ritstjóra. Skal ritstjóri sitja fundi fulltrúaráðs.
13. gr. Reikningar sambandsins skulu lagðir fram til samþykktar á
aðalfundi. Skulu endurskoðendur þá hafa undirritað þá og
skráð á þá athugasemdir sínar. Reikningsár sambandsins er
frá 1. sept. - 31. ágúst ár hvert.
14. gr. Tekjum sambandsins skal varið til þess að standa straum
af kostnaði við starfsemi sambandsins.
15. gr. Einfaldur meirihluti atkvæða ræður úrslitum á fundum sam-
bandsins. Lögum þessum verður þó ekki breytt nema á
aðalfundi og þarf til þess tvo þriðju hluta greiddra atkvæða.
FRAMHALDSNÁM
Á liðnu hausti gerði menntamálanefnd Stúdentaráðs
Háskóla íslands samþykkt, þar sem m. a. var kveðið
á um nauðsyn þess að gefa samvinnuskólafólki kost
á frekari menntun við viðskiptafræðideild Háskólans.
Þessi ályktun hefur vakið mikinn áhuga innan NSS,
enda er það nauðsyn að þau samtök reyni eftir getu
að vinna að heill Samvinnuskólans og nemenda hans.
Þar sem þessi mál eru í deiglunni þótti ekki rétt að
taka þau fyrir að sinni, en að líkindum verður þeim
gerð einhver skil í Herrnesi innan skamms.
Skömmu eftir að samþykkt þessi kom fram, lét
Guðmundur Sveinsson skólastjóri svo um mælt við
eitt Reykjavíkurblaðanna:
7