Hermes - 01.12.1971, Blaðsíða 9
Hamragarðar
í síðasta tbl. Hermesar var getið um undirbúning
að opnun félagsheimilis hér í bæ. Nú er starfsemi
þessa húss staðreynd og var það vígt þann 3. júní s.l.
Þetta heimili Jónasar frá Hriflu að Hávallagötu 24
heldur því nafni sem Jónas gaf því, Hamragarðar.
Aðiljar að Hamragörðum eru: nemendasamband
Samvinnuskólans og starfsmannafélög SÍS, KRON,
Olíufélagsins og Samvinnutrygginga. Um daglegan
rekstur sér hússtjórn sem skipuð er einum fulltrúa frá
hverju aðildarfélagi.
Á vígsludaginn var boðið nokkrum gestum að
vera viðstaddir athöfnina. Erlendur Einarsson, for-
stjóri, bauð gesti velkomna og þá einkum frú Auði
Jónasdóttur og þau barnabörn Jónasar sem voru
viðstödd. í ræðu sinni minntist Erlendur starfs Jónas-
ar og forystuhlutverks hans í þágu samvinnuhreyf-
ingarinnar og stjórnmálalífs. Að lokum afhenti hann
Baldri Óskarssyni, formanni hússtjórnar, lykla húss-
ins og lýsti húsið opið til þeirra afnota er samningur
milli hússtjórnar og Sambandsins gera ráð fyrir.
Baldur Óskarsson þakkaði stórhug Sambandsins
og þann skilning sem forráðamenn þess sýndu sam-
vinnustarfsmönnum og nemendum Samvinnuskólans
með því að láta þetta glæsilega hús af hendi til félags-
starfsemi. Jafnframt ræddi hann stöðu samvinnu-
hreyfingarinnar í dag og nauðsyn þess að taka starf
hennar til endurmats sem afleiðinga af breyttum þjóð-
félagsháttum.
Þá tók til máls frú Auður Jónasdóttir og lýsti
einlægri ánægju sinni og ættfólks Jónasar með þessa
ráðstöfun hússins. Rakti hún ýmsar minningar sínar
frá þeim tíina er Jónas var skólastjóri Samvinnu-
skólans og skólinn og heimilið nánast eitt og hið sama.
Að lokum tóku til máls formenn þeirra félaga sem
hlut eiga að máli og lýstu ánægju sinni með þá að-
stöðu sem nú skapaðist.
Hamragarðar eru tvær hæðir og kjallari og var
húsið teiknað af Guðjóni Samúelssyni. Þær breyt-
ingar sem nú hafa verið framkvæmdar voru gerðar
undir yfirumsjón Hákonar Hertervig og um fram-
kvæmdir sá Gunnar Guðjónsson byggingameistari.
Á efri hæð er íbúð húsvarðar en um húsvörzlu sjá
hjónin Eiríkur Guðmundsson og Ólöf Jónsdóttir.
Þar er einnig félagsherbergi Nemendasambandsins
og eitt herbergi sem enn er óráðstafað.
Á neðri hæð er fundarsalur sem tekur 40-50 manns
í sæti, setustofa og eldhús. í kjallara eru svo tvö her-
bergi fyrir félagsstarfsemi starfsmannafélaganna fjög-
urra, billiardherbergi og gufubaðstofa ásamt hvíldar-
herbergi.
Allt er húsið mjög vistlegt og til fyrirmyndar hvað
snertir allan frágang.
Á öðrum stað í blaðinu er drepið á starfsemi
Hamragarða og birtar myndir af ýmsum þáttum starf-
seminnar.
Erlendur Einarsson, afhendir Baldri Óskarssyni lykla hússins.
9