Hermes - 01.12.1971, Blaðsíða 34

hússkeppni í knattspyrnu og yrði þá keppt milli
bekkja. Slík keppni var fyrirhuguð í fyrra en fórst
fyrir vegna húsnæðisleysis.
Félagsvist verður einu sinni í mánuði í vetur og
spilað á Hótel sögu. Spilakvöld eru alltaf vel sótt
og meira fjölmenni en svo að Hamragarðar geti
tekið við því.
Og þá er að víkja að Hamragörðum. Á miðviku-
dagskvöldum eru bekkjarkvöld þar sem tveir bekkir
koma saman hvert kvöld. Hafa menn skemmt sér
mjög vel og yfirleitt ágætlega sótt. Er orðrómur um
að endurtaka þetta síðar í vetur. Þá hefur allmikið
verið sótt í gufubaðið og billiard spilaður. Er nú í
ráði að taka upp leiðsögn fyrir byrjendur í þeirri
íþrótt.
Lokið er tvímenningskeppni í bridge sem stóð
þrjú kvöld. Þar sigruðu Halldór og Ólafur í þriðja
sinn í röð og vísast til myndar af þeim i næst síðasta
blaði. Úrslit urðu annars þessi:
Halldór Jóhannesson og Ólafur Jónsson 375 stig
Pálmi Gíslason og Snæþór Aðalsteinsson 373 -
Grímur Valdimarsson og Edda Guðbjörnsd. 356 -
Sæmundur Guðlaugss. og Guðjón Sigurðss. 331 -
Haukur Harðarson og Sigrún Steinsdóttir 329 -
Þar fyrir neðan voru fimm önnur pör með lakari
árangri. Það vekur dálitla athygli að konurnar tvær
sem þátt tóku í keppninni eru í röð þeirra efstu.
Þá var haldin skákkeppni en hún féll niður í fyrra
og því á þessi að koma í staðinn og verður önnur
keppni eftir áramótin. Þátttakendur voru 10 og urðu
úrslitin þessi:
Þorkell Hjörleifsson ‘66 með 7 vinninga
Valdimar Sveinsson ‘67 - óivinning
Guðjón Sigurðsson ‘66 - 6 vinninga
Guðmundur Jóelsson ‘67 - 6 vinninga
Grímur Valdimarsson ‘63 - 5ivinning.
Magnús Kjartansson, ráðherra svaraði fyrirspurn-
um fyrir fullu húsi og luku allir upp einum munni að
fundurinn hefði verið mjög góður. Fyrirhugaðir eru
fleiri fundir með ráðherrum og stjórnmálamönnum.
34
Vió líkamsœjingar.
A bekkjarkvöldi.
Slappaó af í setustofu.