Morgunblaðið - 20.03.2012, Síða 19
UMRÆÐAN 19
MORGUNBLAÐIÐ ÞRIÐJUDAGUR 20. MARS 2012
Undanfarin þrjú ár
hef ég nokkrum sinnum
komið til Taílands,
kominn með Taílands-
bakteríuna eins og
margir kalla svo. Ef þú
kemur einu sinni til Taí-
lands og ferðast um,
kynnist fólki í leik og
starfi er nokkurn veg-
inn ljóst að þú smitast.
Ég hef kynnst nokkr-
um útlendingum hér sem hafa sömu
sögu að segja. Andy Burnett er einn
þeirra sem kom fyrst fyrir nokkrum
árum hingað og féll fyrir landi og
þjóð. Til að byrja með fyrir kvenþjóð-
inni, allavega einstökum konum og
síðan öllu heila klabbinu. Hann býr
núna í Lop Buri, gamalli borg fyrir
norðan Bangkok, hvar Narai kon-
ungur hafði fyrr á öldum sumardvöl,
reyndar lést hann hér líka og árlega
er haldin fjölsótt hátíð í febrúar til
minningar um hann. Til að mynda
kemur fulltrúi konungsfjölskyld-
unnar alltaf og gleðst og skemmtir
sér með borgarbúum og gestum.
Andy elti konu hingað þegar hann
kom fyrst og tók ástfóstri við borg-
arbúa, en gaf konunni frí. Hann er
rúmlega fimmtugur, leigir húsið sitt í
nágrenni Exeter í Englandi og lifir
hér af 15.000 bath á mánuði, sem dug-
ar honum fyrir húsaleigu, rekstri
mótorhjóls, fæði og klæðum? Um
sextíu þúsundum íslenskra króna. Að
vísu kennir Andy ensku við háskól-
ann hérna tvo eða þrjá tíma á viku, en
þiggur ekki laun fyrir því útlendingar
eru ekki vel séðir í samkeppni á
vinnumarkaði.
Það kemur sér vel
fyrir hann að vera lærð-
ur kennari eins og for-
eldrar hans og hef ég
lítillega kynnst kennslu-
aðferðum hans sem
sýna mér að þar er góð-
ur kennari. Allir vilja
læra ensku hérna en
eru ekki að sama skapi
tilbúnir að leggja mikið
á sig. Andy segir mér að
hann hafi gersamlega
heillast af þjóðinni og
siðum hennar. Búddismanum tekur
hann með varúð, en virðir trúarskoð-
anir fólksins. Taílenskan á hug hans
allan og hefur hann verið að læra
hana smátt og smátt á þremur árum.
Í rúmlega eitt ár hefur hugur hans
allur verið við námið og til skamms
tíma kom hann daglega á heimili 25
ára konu sem lærir ensku hjá honum
og hann fær kennslu í taílensku í
staðinn. Hún býr með móður sinni
sem tekur hann í mat allan daginn í
staðinn. Unga konan sem er jómfrú
eftir því sem hún hefur sagt Andy,
kennara sínum, á kærasta. Þau hafa
sæst á að bíða með hjónalífið þar til
þau gifta sig. Eitthvað slettist upp á
vinskapinn og Andy er hættur að
heimsækja þær mæðgur. Kærast-
anum þótti unnustan tala of mikið um
kennarann og var hræddur um að
hún væri orðin ástfangin af honum.
Hvað um það, Andy heldur sínu
striki, lærir taílensku með aðstoð inn-
fæddra og iPadsins og nýtur lífsins
og vill helst ekki þurfa að hverfa til
Englands aftur þar sem allt er á nið-
urleið, en allt á uppleið í Taílandi.
Hann vill sjá framfarir. Annars er
mál manna hér, það er að segja út-
lendinga, að konur hér séu bara á eft-
ir peningum og fjárhagslegu öryggi.
Skiljanleg afstaða í landi sem engar
hefur almannatryggingar. Allir vilja
sjá sér og sínum farborða.
Margar stúlkurnar eru fégjarnari
en góður hófi gegnir. Af einni 26 ára
heyrði ég í Prasat sem varð svo yfir
sig ástfangin af Norðmanni að hún
gat ekki hugsað sér að lifa eitt and-
artak án hans. Hann byggði henni
hús og keypti allt innbú. Seldi eignir í
Noregi til að fjármagna herlegheitin
og ungu ástinni sinni til dýrðar.
Adam var ekki lengi í paradís eins og
frægt er orðið og Norðmaðurinn ekki
lengi í þessu sambandi. Peningarnir á
þrotum og hann gat ekki keypt nýjan
bíl fyrir ungu og áköfu konuna sína.
Hann tók pokann sinn og býr nú í lít-
illi leiguíbúð rétt fyrir utan Osló. Það
er mjög freistandi að ljúka sögunni
svona: hún er glöð og ánægð í stór,
nýja og flísalögðu húsinu sínu en bíl-
laus og hann nagandi neglur norður á
hjara veraldar og kulda og trekki.
Ekki aldeilis, litla dúllan kynntist
fljótlega enskum herramanni sem er
á svipuðum aldri og karlægur afi
hennar og bauð honum dús. Sá enski
var fljótur að kaupa nýja Toyotu af
dýrri gerð fyrir djásnið sem rak svo
óvænt á fjörur hans. Nú njóta þau
lífsins ríkulega, gera vel við sig í mat
og drykk, hún sjaldan heima, en hvað,
hann á svo unga og fallega konu, glæ-
nýtt hús og bíl og loksins veit hann
hvað hann á að gera við ellilífeyrinn.
Þar sem ég ber mig ekki ríkmannlega
var mér vinsamlega bent á að auðvelt
væri að velta þeim enska úr sessi og
setjast að hjá ungu og nýríku konunni
sem hefur allt til alls.
Af Andy Burnett og fleira fólki
Eftir Heimi L.
Fjeldsted »Eitthvað slettist upp
á vinskapinn og Andy
er hættur að heimsækja
þær mæðgur. Kærast-
anum þótti unnustan tala
of mikið um kennarann
og var hræddur um að
hún væri orðin ástfangin
af honum.
Heimir Fjeldsted
Höfundur er fv. kaupmaður.
Í Vestfjarðagöngum stendur að þau
hafi verið grafin 1996 og eru þá liðin
að minnsta kosti átján ár frá því að
styr stóð um hvort Norðfjarðar- eða
Vestfjarðagöng skyldu grafin fyrr.
Norðfirðingar gerðu þá heiðurs-
mannasamkomulag við Vestfirðinga
og stjórnvöld þess efnis að Norðfjarð-
argöng skyldu verða næst í röðinni á
eftir Vestfjarðagöngum. Síðan hafa
ómerkingar gert að engu þetta sam-
komulag og þar með þessa þörfu
framkvæmd.
Þörfu framkvæmd, vegna þess að
þar er stærsta og löngum afkasta-
mesta byggðarlag á Austurlandi, sem
þó er aðeins með tengingu við landið
um rottuholu í sexhundruð metra
hæð og aldrei skyldi boruð hafa verið.
Oddskarðsgöng eru ekki barn síns
tíma eins og skámæltir afglapar hafa
reynt að halda fram sjálfum sér til
verndar. Þau eru afglöp sem enginn,
hvergi í heiminum, hefði látið sér
detta í hug að samþykkja nema fyrir
greiðslu í gulli og hvar skyldi það gull
vera ? Síðan 1996 hafa forsendur
breyst þannig að vegtengingar milli
byggðarlaga á Austurlandi kalla enn
frekar á framkvæmdir og ekki bara
til handa Norðfirðingum.
Með í forsendum fyrir álveri við
Reyðarfjörð voru samgöngur að nú-
tímahætti, sem og eðlileg aðkoma að
heilsugæslu. Framkoma íslenskra
stjórnvalda að efndum í því máli rýrir
mjög trúverð-
ugleika þeirra til
framtíðar. Allt er
þetta þó léttvægt
hjá þeirri stað-
reynd að Reykja-
vík þarf andvægi
og það andvægi
verður aðeins til
með því að efla
byggðarkjarna á
Austurlandi,
Norðurlandi og Vestfjörðum. Ein af
meginforsendum þess að treysta
þessa byggðarkjarna er að bæta sam-
göngur til þess að þjónusta gagnist
sem best.
Andvægi við Reykjavík er lífs-
spursmál, til þess að hér geti þrífist
vitrænt samfélag. Á meðan við lands-
byggðarfólk reynum að velja okkur
skynsamt fólk til að gæta hagsmuna
okkar þá kjósa Reykvíkingar trúða til
að stjórna borginni sem á að heita
höfuðborg okkar allra Íslendinga, en
er í raun bara þeirra svo sem flugvall-
armál sanna. Þess vegna gerum við
þá kröfu að við gamalt heiðursmanna-
samkomulag verði staðið nú þegar og
Norðfjarðargöng og svo Hrafnseyr-
arheiðargöng og svo Seyðisfjarð-
argöng með tengingu Fjarðabyggðar
við Hérað verði að veruleika til að
rétta af núverandi slagsíðu á okkar
gjöfula landi.
HRÓLFUR HRAUNDAL,
vélvirki.
Heiðursfólk og
svo öðruvísi fólk
Frá Hrólfi Þorsteinssyni Hraundal
Hrólfur Þorsteins-
son Hraundal
Bréf til blaðsins
Ársalir fasteignamiðlun og fyrirtækjasala
Ef þú vilt selja, leigja eða kaupa fasteign eða selja
eða kaupa fyrirtæki í rekstri, hafðu samband.
Ársalir
FASTEIGNAMIÐLUN
Engjateigi 5, 105 Rvk
533 4200
Ársalir ehf fasteignamiðlun
533 4200 og 892 0667
arsalir@arsalir.is
Engjateigi 5, 105 Rvk
Björgvin Björgvinsson, löggiltur fasteignasali
Sérfræðingar í gleri
… og okkur er nánast ekkert ómögulegt
EINANGRUNARGLER
SANDBLÁSIÐ GLER
SÓLVARNARGLER
SPEGLAR
HERT GLER:
Í STURTUKLEFA
Í HANDRIÐ
Í SKJÓLVEGGI
Smiðjuvegi 7 - 200 Kópavogi - Sími: 54 54 300
Opnunartími: 08:00 - 17:00 alla virka daga
www.ispan.is - ispan@ispan.is
CE-VOTTUN ER
OKKAR GÆÐAMERKI
Er þitt fyrirtæki að borga of mikið í símkostnað á mánuði? Nú býður Svar tækni tvær leiðir til sparnaðar með IP símkerfum. Annarsvegar
! "
!!
# $ %&
'
#
# þinn. Við erum í síma 510-6000.
Lækkaðu símreikninginn
Öflugt IP símkerfi frá Snom
3 stk Snom 300 símtæki, 1 Snom 320 símtæki
Snom hugbúnaðarleyfi fyrir allt að 10 notendur
Snom IP símkerfi – 4 SÍMTÆKI
8.500 m/vsk
Öflugt IP símkerfi frá Snom
5 stk Snom 300 símtæki, 1 stk Snom 320 símtæki
Snom hugbúnaðarleyfi fyrir allt að 10 notendur
Snom IP símkerfi - 6 SÍMTÆKI
Stofngjald 39.900 m/vsk
Mánaðargjald
10.500 m/vsk
Stofngjald 39.900 m/vsk
Mánaðargjald
SÍÐUMÚLA 35 - SÍMI 510 6000 - WWW.SVAR.IS
Mikið úrval þráðlausra höfuðtóla
Mikið úrval þráðlausra höfuðtóla