Helgafell - 01.04.1943, Qupperneq 136

FRÁ RITSTJÖRNINNI
Þetta hefti er átta arkir að stærð, en sumarheftið, sem á að koma
út þegar í kjölfar þess, mun verða fjórar til fimm arkir. Verður þannig
öllu réttlæti fullnægt um fyrirheitna stærð, þegar bæði eru sam-
an lögð.
Myndir þær, sem Helgafell birtir að þessu sinni neðan við ýmsar
greinar sínar til fyllingar á auðum flötum, eru brezkar stungu-
myndir af áþekkum gerðum og þær, sem sýndar voru hér á brezhu
myndsýningunni í sumar, en mjög smækkaðar að vísu. Þær eru tekn-
ar úr hinu glæsilega ársriti ,,Fine Prints of the Year“, sem nú er
því miður hætt að koma út. Síðar mun birtast skrá öðru hvoru um
heiti og höfunda slíkra mynda og annarra, sem Helgafell kann að
flytja á sama hátt. — Grein um myndsýningarnar að undanförnu mun
birtast bráðlega.
NÝ SKOÐANAKÖNNUN UM LAND ALLT
SkoSanakönnunin, Reykjavík, efnir til nýrrar skoðanakönnunar um
land allt í þessum mánuði. Orðalag spurninganna hefur ekki verið
fullráðið, þegar þetta er ritað, en vænta má þess, að spurt verði um
viðhorf manna til lýðveldismálsins, m. a. um það, hvort forseti skuli
vera þinghjörinn eða þjóðlfjörinn. Þá mun spurt um skoðanir manna
á sveita- og bæjarlífi og ástæður fyrir bólfestu þeirra á öðrum hvor-
um staðnum.
Helgafell býst við að geta flutt lesendum sínum úrslitin upp úr
miðjum september, en eins og kunnugt er, hefur tímaritið einkarétt
til birtingar á skýrslum Skoðanakönnunarinnar. Þess er því vænzt,
að þau blöð, sem kann að leika hugur á niðurstöðutölum eða öðrum
einstökum atriðum úr væntanlegum skýrslum Skoðanakönnunarinnar
til birtingar, eftir útkomu þeirra í Helgafelli, leiti til þess leyfis rit-
stjórnarinnar.
LEIÐRÉTTING:
í ljóði Jóns Hejgasonar, Vordagur", I. línu, hefur orðið meinleg
prentvilla, sem Helgafell telur enn sjálfsagðara að biðja höfund kvæð-
isins að afsaka en jafnvel traustatak þess á bundnu máli og óbundnu
eftir hann úr „Fróni", í þessu hefti. Fyrsta lína ljóðsins hjjóðar svo
að réttu lagi: Hve skín, þar sem spornarðu flugstigu himna, þitt fax,
og eru lesendur hér með beðnir að leiðrétta villuna hver í sínu eintaki.