Kjarninn - 21.08.2014, Blaðsíða 69

05/06 menning
Mitt í hrærigraut lista og hátíðarhalda buðu aðstand-
endur LungA skólans hátíðargestum að fræðast meira um
skólann, opnun hans og námið sjálft. Það sem tók á móti
áhugasömum gestum var þó ekki glærusýning í þurrari
kantinum og útprentanir með smáu letri. Þvert á móti var
gestum boðið sæti í hring á gólfinu í myrkum sal og Jonatan
hófst handa við að segja ævintýrasögu. Boðskapur ævintýris-
ins var í anda stefnu og markmiða skólans og það gaf tóninn
um hvernig þessi nýi skóli yrði rekinn – en jafnframt gaf
það skýra vísbendingu um að hann verður sennilega eitt-
hvað annað og meira, jafnvel raunverulegt ævintýri fyrir þá
nemendur sem hefðu dug og þor í að sækja um. Nýverið lauk
skráningu fyrir haustönn en hægt verður að skrá tilvonandi
nemendur vorannar von bráðar og fræðast meira um námið á
heimasíðu skólans.
Húsið Heima
Aðstandendur LungA skólans teygja jafnframt anga sína
víðar um þorpið, en ásamt fleirum festu þau kaup á rúmgóðu
húsi fyrir nokkrum árum og hafa staðið í ströngu síðustu
misserin við að gera það upp.
Húsið kalla þau HEIMA og er hlutverk þess margþætt, en
í grunninn er það eins konar kommúna sem og aðsetur fyrir
listamenn hvaðanæva að sem ýmist vinna saman eða í hver
í sínu lagi og setja margir hverjir svip sinn á þorpið. Húsið
vekur strax upp þægilega og kunnuglega tilfinningu þess að
koma heim – andrúmsloftið er hlýtt, gott og bjart og tekur
vel á móti manni. Líkt og bæði LungA skólinn og hátíðin býr
HEIMA að þeirri gæfu að þar er ró og næði fyrir listamenn
kommúnunnar að einbeita sér að verkum sínum og vinnu og
er því afar ákjósanlegur dvalarstaður fyrir þá sem slíkt kjósa.
Þó er húsið óvenju fjölsótt yfir hátíðardagana og ekki er þver-
fótað fyrir listamönnum sem sumir hafa sótt sér innblástur í
sitt nánasta umhverfi – náttúru Seyðisfjarðar. Meðal þeirra
má nefna franska málarann Marine Arragain sem var meðal
listamannanna sem sýndu í Norðursíld á LungA hátíðinni í
ár.