Morgunblaðið - 14.08.2012, Blaðsíða 24

24 MINNINGAR
MORGUNBLAÐIÐ ÞRIÐJUDAGUR 14. ÁGÚST 2012
✝ Ingólfur Páls-son fæddist í
Reykjavík 13.
apríl 1954. Hann
lést 31. júlí síðast-
liðinn.
Foreldrar hans
voru Anna Soffía
Hákonardóttir, f.
18.8. 1927, d.
7.10. 2007, og
Páll Sigurðsson f.
2.9. 1919. d. 19.1.
2004. Móðurforeldrar Ingólfs
voru Petrína Narfadóttir frá
Kalastaðakoti á Hvalfjarð-
arströnd og Hákon Hall-
dórsson, skipstjóri frá Akra-
nesi. Föðurforeldrar hans
voru Guðbjörg Guðmunds-
dóttir frá Kirkjubóli í Hróf-
urðsson, þau eiga tvö börn.
Hálfsystkini Ingólfs samfeðra
voru þrjú; 1) Þrúður, maki
Þorgeir Yngvason. Þau eign-
uðust þrjú börn og er eitt
þeirra látið; 2) Guðlaugur
látinn, hann átti einn son; 3)
Dagmar. Ingólfur kvæntist
Helgu Baldursdóttir árið
1978, þau slitu samvistum.
Sonur þeirra er Rúnar Páll
Gígja, f. 1978. Ingólfur ólst
upp í Kópavogi, fyrir utan
fimm ár sem hann átti heima
ásamt fjölskyldu sinni í
Króktúni í Hvolhreppi. Hann
stundaði ýmis störf til sjó og
lands en síðustu árin átti
hann við mikil veikindi að
stríða. Síðustu árin bjó hann
í Austurbrún 6, Reykjavík.
Útför Ingólfs fer fram frá
Kópavogskirkju í dag,
þriðjudaginn 14. ágúst 2012,
kl. 13.
bergshreppi í
Strandasýslu og
Sigurður Hall-
dórsson frá Litlu-
Fellsöxl í Skil-
mannahreppi,
Borgarfjarð-
arsýslu. Ingólfur
var þriðja barn
foreldra sinna en
alsystkini hans
voru sjö. 1) Há-
kon, maki Ingi-
björg Hafsteinsdóttir. Þau
eiga þrjár dætur; 2) Guðrún
látin; 3) Sigurður, maki Mar-
grét Kristjánsdóttir, þau eiga
þrjú börn; 4) Hreinn, látinn;
5) Pétur Rúnar, látinn; 6) Sig-
urjón, hann á tvo syni; 7)
Halla, maki Sigsteinn Sig-
Það var sem allt yrði svart og
kalt þegar ég fékk þær fréttir að
þú, elsku bróðir minn, værir lát-
inn. Allt virtist svo óraunverulegt
og ég vildi ekki trúa að þetta væri
satt. Þú varst stóri bróðir minn,
alltaf tilbúinn að rétta hjálpar-
hönd ef á þurfti að halda og vildir
öllum vel. Börnunum mínum
varstu alltaf einstaklega góður og
mikill uppáhaldsfrændi. Það var
alltaf stutt í húmorinn, sem ekki
var allra að skilja, en þótti alveg
ótrúlega fyndinn innan okkar
fjölskyldu.
Alltaf varst fyrstur til að gefa í
allar safnanir, tókst að þér börn í
Afríku og máttir ekkert aumt sjá.
Síðustu mánuðir voru þér svo erf-
iðir vegna heilsuleysis, ég trúi því
að þrautum þínum sé lokið núna,
elsku vinur, og að þú sért kominn
á betri stað. Hjartans þakkir,
elsku Ingi minn, fyrir allt sem þú
varst mér og minni fjölskyldu í
gegnum árin. Það eru svo margar
góðar minningar sem ég á um
þig, kæri bróðir minn, og mun ég
geyma þær í hjarta mínu uns við
hittumst á ný.
Birta og ylur þig beri
á betra og æðra svið.
Með þér Guð faðir veri
verndi og blessi þig.
Hvíl í friði.
Þín systir,
Halla.
Elsku bróðir og mágur.
Þá er komið að kveðjustund.
Það eru margar minningar sem
koma upp í huga okkar. Til dæm-
is ferðalögin sem við fórum í sam-
an. Þá hlógum við mikið, þú kall-
aðir okkur stundum mömmu og
pabba og við þig litla strákinn
okkar.
Jólin, þar sem þú komst yfir-
leitt alltaf til okkar og fannst
stelpunum það tilheyra jólunum.
Þú varst alltaf mjög hjálplegur
og vildir allt fyrir alla gera. Það
voru ófáar stundirnar sem þú
vildir hjálpa til hjá okkur þegar
við stóðum í endurbótum á hús-
inu eða öðru. Þú hafðir gaman af
að gantast og hafðir þennan sér-
staka húmor eins og fleiri í fjöl-
skyldunni.
Margs er að minnast,
margt er hér að þakka.
Guði sé lof fyrir liðna tíð.
Margs er að minnast,
margs er að sakna.
Guð þerri tregatárin stríð.
(V. Briem.)
Elsku vinur. Hvíl í friði. Við
kveðjum þig með þakklæti og
söknuði. Minning þín mun lifa.
Hákon og Ingibjörg.
Elsku Ingólfur „afi“ minn.
Ég vil byrja á því að þakka þér
fyrir það að hafa verið í lífi mínu,
þú varst mér alltaf góður og
hjálpsamur og vildir öllum gott.
Þegar ég fékk þær fréttir að
þú værir farinn frá okkur öllum
fékk ég sting. Elsku afi minn var
farinn og kemur aldrei aftur.
Við áttum aðeins góðar minn-
ingar saman þegar við fórum í
bíltúr á páskadag klukkan 10 um
morguninn, sá páskadagur var
frábær.
Þegar ég bað þig um rauðan
sportbíl í afmælisgjöf og þú gafst
mér rauðan sportdótabíl, þegar
við fórum saman í Kolaportið,
þegar ég og þú kíktum í hesthúsið
til systur þinnar. Þú varst alltaf
til staðar fyrir ömmu og mig og
mína nánustu ættingja.
Þú varst jákvæður og traustur
maður og vildir öllum gott. Það
var afskaplega gott að tala við þig
um hin ýmsu mál eða bara um
daginn og lífið.
Takk fyrir að vera í lífi elsku
ömmu minnar sem misst hefur
langbesta vin sinn.
Ég átti aðeins góðar og hlýjar
minningar um þig sem ég mun
muna alltaf.
Hver minning er dýrmæt
perla.
Ég kveð þig, elsku afi minn, í
mikilli sorg og söknuði og þakka
þér fyrir þau ár sem ég fékk að
hafa þig hjá mér.
Góða ferð, elsku Ingólfur afi
minn, og hvíldu í friði og guð megi
geyma þig og varðveita, þín verð-
ur sárt saknað. Og þessum degi í
dag mun ég aldrei gleyma því í
dag á ég afmæli og sé þig í hinsta
sinn. Og ég á eftir að sakna þín og
minnast þín alltaf á þessum degi.
Elska þig.
Minning þín lifir í ljósi mínu.
Guð megi blessa þig og varð-
veita.
Nú inn læðist sorgin
því nú ertu farinn.
Finnst sem þú hafir verið hér í gær.
Ef aðeins ég gæti dregið þig til mín nær.
Ef ég aðeins þig fengið sótt,
hví tók lífið þig svo fljótt,
hví endar það alltaf skjótt?
Elskulega fjölskylda, Ég sendi
ykkur mínar innilegustu samúð-
arkveðjur megi Guð og allir hans
englar vera með ykkur um
ókomna tíð.
Þín afastelpa,
Sonja Rut Jónsdóttir.
Elsku Ingi.
Það eru margar góðar minn-
ingar sem koma upp í hugann
þegar ég sest hér niður og rifja
upp tímana sem ég átti með þér,
elsku frændi. Það er erfitt að
hugsa sér að ég eigi aldrei aftur
að sjá eða heyra í þér. Mér þótti
aldrei vera jól nema þú værir hjá
okkur, það var parturinn af jól-
unum að þú værir hjá okkur á að-
fangadag. Þessi jól verða tómleg
án þín, en ég veit að þú verður
með okkur. Þú upplifðir margt á
þinni lífsævi. Seinni árin glímdir
þú við erfið veikindi sem endaði
síðan með sorglegum hætti.
Elsku Ingi minn, ég kveð þig með
miklum söknuði og veit ég að end-
urfundir þínir við foreldra þína og
systkini hafa verið góðir, þú sakn-
aðir þeirra alltaf sárt. Það er gott
að vita að þú sért kominn á góðan
stað núna, elsku frændi. Mér þótti
alltaf svo vænt um þig og hélt
mikið upp á þig. Ég trúi því að þú
sért á nýjum stað í kúrekastígvél-
unum þínum og með derhúfuna
þína og segir öllum brandara sem
einkenndist af einkahúmornum
ykkar pabba.
Ég sendi þér kæra kveðju,
nú komin er lífsins nótt.
Þig umvefji blessun og bænir,
ég bið að þú sofir rótt.
Þó svíði sorg mitt hjarta,
þá sælt er að vita af því.
Þú laus ert úr veikinda viðjum,
þín veröld er björt á ný.
Ég þakka þau ár sem ég átti,
þá auðnu að hafa þig hér.
Og það er svo margs að minnast,
svo margt sem um hug minn fer.
Þó þú sért horfin úr heimi,
ég hitti þig ekki um hríð.
Þín minning er ljós sem lifir
og lýsir um ókomna tíð.
(Þórunn Sig.)
Hvíl þú í friði
Þín frænka,
Drífa Sjöfn.
Elsku Ingi minn!
Mig langar að minnast þín með
nokkrum kveðjuorðum frændi
sæll.
Þú hefur ekki horfið úr huga
mér síðan að Halla systir þín
hringdi grátandi að tilkynna mér
lát þitt. Ég vissi að þú varst veik-
ur, en ekki að þetta væri orðið
svona slæmt. Ég bið þig að fyr-
irgefa mér elsku frændi minn,
fyrir að hafa ekki haft visku til
þess að sjá kringumstæðurnar í
réttu ljósi.
Takk fyrir alla hjálpina elsku
Ingi minn. Þú hjálpaðir mér að
mála íbúðina, og gerðir við hjólið
mitt sem er búið að vera bilað
síðan í fyrravor.
„Já“ ég hugsa til þín í hvert
skipti sem ég hjóla, ég elska að
hjóla, og það er þér að þakka að
ég get gert það sem mér finnst
skemmtilegast að gera.
Takk aftur elsku frændi.
Mig langar líka að þakka þér
fyrir yndislega kvöldstund sem
við áttum saman snemma í vor.
Þú komst í heimsókn, brúnn,
sætur og glaðlegur og varst fljót-
ur að reka augun í brotinn engil,
hauslausan og vængjalausan
uppi í hillu. Það var allt sett í
gang að lækna blessaðan engil-
inn og eitthvað meira sem þurfti
að líma. Við áttum líka mjög
notalegt spjall meðan á þessu
stóð.
En þannig varst þú Ingi minn
hjálpsamur, rausnarlegur og
greiðugur.
Þú vildir láta gott af þér leiða,
og ég veit að þú varst mikið að
hjálpa í ABC barnastarfinu
meðan kraftar leyfðu. Þú fórst í
ABC skólann og hafðir þrjár
litlar Afríkutelpur á þínu fram-
færi, ásamt því að styrkja mörg
góð málefni mjög rausnarlega.
Þetta segir mikið um þig Ingi
minn. Og eins og stendur í Biblí-
unni: „Guð elskar glaðan gjaf-
ara“. Já, svo sannarlega elskaði
hann þig, og þú varst með hon-
um í liði. En lífið er margslungið
og ferlega flókið. Sérstaklega
þegar að maður er mikið veikur.
Það skiptust á skin og skúrir hjá
þér elsku frændi, en ég veit að
þú upplifðir mikið kraftaverk í
vetur. Guð læknaði þig og þú
varst nýr maður í nokkra mán-
uði, glaður og ánægður, og
gerðir góða hluti fyrir sjálfan
þig og aðra. Þetta var yndis-
legur tími fyrir þig Ingi minn,
sem ber að þakka fyrir.
Þú varst mjög stoltur af hon-
um Rúnari þínum, enda mjög
duglegur og yndislegur drengur
sem hefur komið sér vel fyrir
með eigið fyrirtæki. Bið góðan
Guð að hugga hann og styrkja
með sérstakri blessun og vernd.
Elsku hjartans Rúnar, Halla,
Konni, Sigurjón, Siggi, Deddý,
makar, börn og aðrir ástvinir.
Okkar innilegustu samúðar-
kveðjur elskurnar mínar, líka til
þín Guðbjörg mín og Guð blessi
þig fyrir að reynast Inga svona
frábærlega vel.
Bið góðan Guð að vera með
ykkur, snerta við ykkur með
kærleika sínum, styrkja ykkur
og hugga í sorginni.
Elsku frændi, ég sé þig fyrir
mér hjá Jesú umvafinn dýrð og
ástvinum.
Guð blessi minningu þína Ingi
minn og gefi þér eilífan frið.
Ég fel í forsjá þína,
Guð faðir, sálu mína,
því nú er komin nótt.
Um ljósið lát mig dreyma
og ljúfa engla geyma
öll börnin þín, svo blundi rótt.
(Matthías Jochumsson.)
Þín frænka,
Konný og fjölskylda.
Farvegur lífs okkar er óskráð
blað. Við hefjum ferðina, lifum
hana og endum. Hún mótast af
lífsbaráttu okkar hverju sinni,
upplifun og uppvexti okkar,
þroska og þrá þess að gera betur
í lífinu.
Í dag er harmur í hjarta mínu
og tárdögg á kinn. Ég kveð vin
minn Ingólf Pálsson með söknuði
en mikilli hlýju og er hugur minn
fullur af yndislegum minningum
um vináttu okkar sem varði yfir
16 ár.
Ingólfur var góður vinur.
Reyndist mér traustur mjög,
góðhjartaður maður sem var
bóngóður og hjálpsamur. Hann
hafði næma tilfinningu fyrir þeim
sem minna máttu sín. Þátttaka
hans hjá Barnahjálp ABC sýndi
vel þann mikla vilja sem hann
vildi sýna í verki. Hann gerði sitt
besta alla tíð.
Ég sakna þín mikið, elsku Ing-
ólfur minn. Ég sakna jafnvel þess
að heyra í skránni þegar þú
komst til mín. Oftast með eitt-
hvað að snæða fyrir okkur og þá
töfraðir þú fram kvöldmatinn
með þínum hætti. Gekkst frá öllu
og eftir sátum við tvö – merki
þess hvað vináttan er rík mann-
kyninu!
En nú er ferð þinni lokið hér
og við tekur bjartur staður þar
sem þú færð enn betra tækifæri
til að láta þitt hjarta skína, hjálp-
semi vinnast, og greiðvikni ganga
fram sem sannur hersir réttlæt-
isins!
Ég þakka þér fyrir allt.
Traustið, stundir okkar, stuðning
þinn við veikindi mín, hjálpsem-
ina, og hversu góður þú reyndist
börnum mínum. Þú tókst þeim
með þínum hætti og þannig end-
urspeglaðist það sem hjarta þitt í
raun er – vinur sem hægt er að
treysta á!
Nú hefur þú nýja göngu á nýj-
um stað og skrifar sögu þína á
blað. Þú hittir nú ömmu Bentínu
sem þér þótti svo vænt um og
pabba þinn sem var þér sem vin-
ur og félagi.
Gangi þér vel, elsku Ingólfur
minn.
Ég votta fjölskyldu þinni mína
dýpstu samúð og bið þess að allt
það góða hjálpi þeim á stundu
sem þessari, er við kveðjum þig.
En í hjarta okkar er minning um
góðan dreng sem var léttur í fasi,
dálítill töffari, en bar þann heiður
vel.
Þín vinkona,
Guðbjörg Einarsdóttir.
Ingólfur Pálsson
 Fleiri minningargreinar
um Ingólf Pálsson bíða birt-
ingar og munu birtast í blað-
inu næstu daga.
Veitingastaðir
Atvinna í boði
Óskum eftir starfsfólki í eldhús, sal
og uppvask. Um er að ræða fullt og
hlutastarf. 18 ára aldurstakmark.
Umsóknir sendist á rubytuesdayice@
gmail.com - Ruby Tuesday,
Höfðabakka & Skipholti.
Smáauglýsingar 569 1100 www.mbl.is/smaaugl
Til sölu
Blekhylki og tónerar
í flestar gerðir prentara, 50-70%
ódýrari, öll hylki framleidd af
ORINK.
Blekhylki.is, Fjarðargötu 11,
Hafnarfirði, sími 517-0150.
Óska eftir
Kaupi silfur
Vantar silfur til bræðslu og endur-
vinnslu. Fannar verðlaunagripir,
Smiðjuvegi 6, rauð gata, Kópavogi.
fannar@fannar.is - sími 551 6488.
KAUPUM GULL - JÓN & ÓSKAR
Kaupum allt gull. Kaupum silfur-
borðbúnað. Staðgreiðum. Heiðar-
leg viðskipti. Aðeins í verslun okk-
ar Laugavegi 61. Jón og Óskar,
jonogoskar.is - s. 552-4910.
KAUPI GULL!
Ég, Magnús Steinþórsson gullsmíða-
meistari, kaupi gull, gullpeninga og
gullskartgripi. Kaupi allt gull, nýlegt,
gamalt og illa farið.
Leitið til fagmanns og fáið góð ráð.
Uppl. á demantar.is, í síma 699 8000
eða komið í Pósthússtræti 13 (við
Austurvöll).
Verið velkomin.
Byggingavörur
Harðviður til húsabygginga
Sjá nánar á www.vidur.is
Vatnsklæðning, panill, pallaefni,
parket, útihurðir o.fl. Gæði á góðu
verði. Nýkomnar Eurotec A2 harð-
viðarskrúfur. Penofin harðviðarolía.
Indus ehf., Óseyrarbraut 2, Hf.
Upplýsingar hjá Magnúsi í símum
6600230 og 5611122.
Bílaþjónusta
Húsviðhald
Almennt viðhald húseigna
Almennt viðhald húseigna. Þarftu að
breyta, bæta eða lagfæra? Sumar-
húsavinna, smíðavinna, rafvirkjun,
pípulagning, þrif o.fl. Hafið samband,
848 1488, gpEinarsson.gmail.com
Til sölu vinnuskúr, ca. 13 m²
einangraður, með rafmagnstöflu.
Verð 190 þús. kr. Uppl. í s. 699 0415.
✝
Elskuleg konan mín,
GUÐRÚN LILJA MAGNÚSDÓTTIR,
fyrrverandi ljósmóðir,
lést laugardaginn 11. ágúst.
Útförin fer fram frá Grensáskirkju föstudaginn
17. ágúst kl. 15.00.
Björn Björnsson og fjölskylda.
✝
Faðir okkar,
EYSTEINN GÍSLI GÍSLASON,
Skáleyjum,
andaðist á Dvalarheimilinu Barmahlíð,
Reykhólum, laugardaginn 11. ágúst.
Jarðarförin auglýst síðar.
Fyrir hönd aðstandenda,
Egill Teitur Eysteinsson,
Ingibjörg Vigdísardóttir,
Andrés Gísli Vigdísarson.