Skinfaxi - 01.06.2013, Síða 4

4 SKINFAXI – tímarit Ungmennafélags Íslands
Stefnumótandi ráðstefna um Landsmót
UMFÍ var haldin á Hótel Húsavík 11. maí sl.
Ráðstefnan var opin öllum og voru þátttak-
endur víðs vegar að af landinu. Á sam-
bandsráðsfundinum á Kirkjubæjarklaustri
í fyrrahaust var ákveðið að halda ráðstefnu
þar sem framtíðarstefna um landsmót UMFÍ
yrði tekin fyrir. Fundurinn á Húsavík tókst
vel og komu fram margar góðar tillögur
um framkvæmd mótanna.
Þakkir til HSK-fólks
„Það lítur út fyrir að markmið þessa fund-
ar hafi náðst. Maður heyrir að það hafi
farið fram mikil og góð umræða í hópun-
um um Landsmótin okkar. Það var frábært
að hittast og vinna vel eins og gert var en
það er eðli góðra verka að meta þau reglu-
lega og finna hvað er gott og hvað má
betur fara. Það var þarft að koma saman
og koma með tillögur sem eiga síðan eftir
að koma þessum mótum í góðar þarfir í
framtíðinni,“ sagði Helga Guðrún Guðjóns-
dóttir, formaður UMFÍ, eftir ráðstefnuna.
Helga Guðrún sagðist vilja koma á fram-
færi þakkir til HSK-fólks fyrir að hafa komið
með tillögu um að halda ráðstefnu um
þetta efni.
„Nú verða niðurstöður þessarar ráðstefnu
teknar saman. Stjórnin fær þær í hendurn-
ar og við munum síðan skila af okkur á
þinginu í haust. Mér heyrast margar góðar
tillögur komnar fram. Vonandi eiga þær
eftir að nýtast okkur sem hjálpar okkur
síðan til að þróa þessi glæsilegu verkefni
áfram og gera þau enn betri,“ sagði Helga
Guðrún Guðjónsdóttir einnig.
Nauðsynlegt málþing
Jóhanna Kristjánsdóttir, formaður HSÞ,
tók í sama streng og sagði að sér hefði
fundist fundurinn hafa tekist afar vel. Það
hefði verið mjög þarft að halda hann og
nú verði að halda vinnunni áfram.
„Við sjáum að við náum mjög góðum
árangri með Landsmót 50+ og Unglinga-
landsmótin en við verðum að vinna enn
betur með stóra Landsmótið. Dagurinn í
heild sinni tókst mjög vel,“ sagði Jóhanna
Kristjánsdóttir.
Jóhanna sagði að á þessum tímapunkti
hefði verið nauðsynlegt að halda þetta
málþing. Þátttakendurnir hefðu unnið
góða vinnu í hópavinnunni sem ætti eftir
að nýtast vel í framtíðinni.
„Við þurfum að hittast reglulega til þess
að gera gott starf enn betra. Það var gott
og vant fólk sem vann í hópavinnunni. Við
þurfum líka að stefna að því að vinna með
unga fólkinu sem tekur þátt í Unglinga-
landsmótinu og fá hugmyndir frá því fyrir
þingið í haust. Ég held að við eigum eftir
að koma með góðar tillögur til þings UMFÍ
í haust,“ sagði Jóhanna Kristjánsdóttir, for-
maður HSÞ.
Stefnumótandi ráðstef
na um Landsmót UMFÍ
Góðar tillögur sem
eiga eftir að nýtast vel
Svipmyndir frá stefnu-
mótunarráðstefnu
UMFÍ sem haldin var
á Húsavík.
Velkomin á
16. Unglingalandsmót UMFÍ
Höfn í Hornafirði
verslunarmannahelgina
2.–4. ágúst 2013