Skinfaxi - 01.06.2013, Side 42
42 SKINFAXI – tímarit Ungmennafélags Íslands
92. ársþing Ungmennasambands Dalamanna og Norður-Breiðfirðinga:
Kristján kjörinn nýr formaður UDN
92. sambandsþing Ungmenna-
sambands Dalamanna og Norður-
Breiðfirðinga, UDN, var haldið í
Leifsbúð 8. apríl sl. Þingið var vel
sótt og starfsamt. Helga Guðrún
Guðjónsdóttir, formaður UMFÍ, sat
þingið og flutti ávarp. Finnbogi
Harðarson, sem gegnt hefur for-
mennsku UDN sl. sex ár, gaf ekki
kost á sér til endurkjörs. Kristján
Garðarsson var kjörinn nýr formað-
ur sambandsins. Auk nýs formanns
var Ingveldur Guðmundsdóttir
kosin gjaldkeri UDN.
Ársþing Ungmennasambandsins Úlfljóts:
Viðburðaríkt starfsár
Ársþing Ungmennasambandsins Úlfljóts,
USÚ, var haldið í Pakkhúsinu á Höfn í
Hornafirði 15. apríl sl. Rétt til setu á þing-
inu áttu 44 fulltrúar frá sjö félögum, auk
stjórnar og gesta. Matthildur Ásmundar-
dóttir var endurkjörinn formaður sam-
bandsins.
Góð mæting var á ársþingið en alls
mættu 37 fulltrúar frá félögunum. Árið
2012 var viðburðaríkt en USÚ hélt Meist-
aramót Íslands 15–22 ára í frjálsum íþrótt-
um um sumarið, sem þótti takast mjög
vel. Það var góð æfing fyrir stóra verkefnið
sem fram undan er en eins og flestir vita
heldur USÚ Unglingalandsmót UMFÍ í
sumar.
Helga Guðrún Guðjónsdóttir, formaður
UMFÍ, flutti ávarp á þinginu og Sæmund-
ur Runólfsson, framkvæmdastjóri UMFÍ,
sat einnig þingið. Helga lauk máli sínu með
því að veita Ásgrími Ingólfssyni, formanni
Sindra, starfsmerki UMFÍ. Ásgrímur fékk
þessa viðurkenningu fyrir vel unnin störf
innan ungmennafélagshreyfingarinnar.
Á þinginu voru samþykktar nokkrar
tillögur. Þar má nefna að skipuð var nefnd
sem í verða stjórn USÚ og einn fulltrúi frá
hverju aðildarfélagi sem tekur þátt í Ungl-
ingalandsmótinu 2013. Þá var samþykkt
að fela stjórn að sækja um að fá að halda
Landsmót 50+ árið 2015. Rekstrarniður-
staða USÚ var jákvæð og var m.a. þess
vegna samþykkt að keppnisgjöld kepp-
enda USÚ á Unglingalandsmótinu 2013
verði greidd úr sjóðum USÚ. Þar með er
hvatt til þess að sem flestir keppendur
sjái sér fært að taka þátt.
Ólöf Þórhalla Magnúsdóttir, ritari USÚ,
lét af störfum eftir sex ára veru í stjórn og
Páll Róbert Matthíasson kom inn í staðinn.
Gönguhópurinn Stormur fékk hvatningarverðlaun
UDN. Finnbogi Harðarson, fráfarandi formaður, sést
hér afhenda verðlaunin.
„Þetta var orðið ágætt og skemmtileg-
ur tími að baki. Þegar maður lítur yfir far-
inn veg er maður búinn að vinna með
góðu fólki og það skiptir miklu máli,“
sagði Finnbogi Harðarson, fráfarandi
formaður.
Á þinginu var ræddur samstarfssamn-
ingur við Dalabyggð sem gerir ráð fyrir
m.a. sameiginlegum starfsmanni. Sam-
Vest-verkefnið með héraðssamböndun-
um í nágrenninu gengur vel og lofar góðu
að sögn Finnboga Harðarsonar. Hvatn-
ingarverðlaun UDN hlaut gönguhópurinn
Stormur en í honum eru félagar eldri borg-
ara í Búðardal og nágrenni.
Helga Guðrún Guðjónsdóttir, formaður UMFÍ, veitti Ásgrími Ingólfssyni starfs-
merki. UMFÍ. Mynd: Valdemar Einarsson.
Aðalfundur Ungmennafélags Njarðvíkur:
Alexander og Logi sæmdir starfsmerki UMFÍ
Aðalfundur Ungmennafélags Njarðvíkur,
UMFN, var haldinn þriðjudaginn 26. mars
sl. Vel var mætt á fundinn sem taldi um
100 félagsmenn og gesti. Meðal góðra
gesta voru Helga Guðrún Guðjónsdóttir,
formaður UMFÍ. Helga Guðrún heiðraði
tvo félagsmenn UMFN með starfsmerki
UMFÍ, þá Alexander Ragnarsson og Loga
Halldórsson. Formaður félagsins, Þórunn
Friðriksdóttir, var endurkjörinn formaður.
Af fjórum meðstjórnendum voru Ágústa
Guðmarsdóttir og Ólafur Eyjólfsson kosin
til tveggja ára stjórnarsetu í fyrra og sitja
því áfram í stjórn. Brynja Vigdís Þorsteins-
dóttir og Anna Andrésdóttir voru kosnar í
ár til tveggja ára ásamt þremur varamönn-
um, Hermanni Jakobssyni, Sigríði Ragnars-
dóttur og Thor Ólafi Hallgrímssyni.
Félagið heiðraði átta félagsmenn með
gull-, silfur- og bronsmerkjum félagsins
ásamt því að veita umsjónarmanni Sport-
og ævintýraskóla, sem rekinn er á sumrin
á vegum félagsins, sérstaka starfsviður-
kenningu. Árni Már Árnason sundmaður
var kjörinn Íþróttamaður UMFN 2012.
Helga Guðrún Guðjónsdóttir, formaður UMFÍ, sæmdi
Alexander Ragnarsson og Loga Halldórsson starfs-
merki UMFÍ.