Skinfaxi - 01.03.2014, Blaðsíða 3

SKINFAXI – tímarit Ungmennafélags Íslands 3
Í
hröðu samfélagi nútímans er mikilvægt
að hlusta á raddir ungs fólks, væntingar
þess og framtíðarsýn. Breytingar á um-
hverfi og lífsmynstri ungs fólks eru miklar.
Þar eiga hvað stærstan þátt aukin og auð-
veldari samskipti með tilkomu vefmiðla,
tæknivæðing og frjálst flæði fólks og fjár-
magns á milli landa. Margar af þessum breyt-
ingum eru jákvæðar og þeim fylgja tækifæri,
frelsi, jafnrétti, en þær kalla jafnframt á ný
viðhorf og vinnubrögð og nýja hugsun.
Ungmennafélag Íslands (UMFÍ) hefur frá
stofnun haft málefni sem tengjast ungu fólki
meðal forgangsverkefna. Það er hreyfingunni
mikilvægt að auka lýðræðisvitund og þátt-
töku ungs fólks í samfélaginu og við teljum
að við gerum það best með því að beita
nýstárlegum aðferðum til þess að efla lýð-
ræði og tryggja að rödd ungs fólks heyrist
með það að lokamarkmiði að auka rétt þess
til að hafa áhrif, bæði á nærumhverfi sitt og
hnattrænt, með þátttöku og skapandi hugs-
un í samfélagi/samfélögum manna. Fyrsta
og besta leiðin til að ná til unga fólksins er
að eiga samtal við það um þessi mál.
Í apríl næstkomandi verða tveir viðburðir
ætlaðir ungu fólki haldnir á vegum UMFÍ og
Æskulýðsvettvangsins (ÆV) sem UMFÍ er
aðili að.
Þann 5. apríl verður haldinn Norrænn þjóð-
fundur ungs fólks á aldrinum 18–25 ára á
Hilton Nordica hóteli. ÆV sér um undirbún-
ing og framkvæmd þjóðfundarins sem er eitt
af verkefnum NORDBUK, barna- og ung-
mennanefndar Norrænu ráðherranefndarinn-
ar árið 2014, sem Ísland er í formennsku fyrir.
Yfirskrift fundarins er „Demokrati og
Kreativitet, fremtiden og vi“ og er tilgangur
hans og markmið að gefa ungu fólki tæki-
færi til að koma saman og ræða helstu mál
sem brenna á því um hvernig samfélag fram-
tíðarinnar eigi að líta út. Spurningin, sem
þjóðfundargestir leitast við að svara, er:
„Hvernig viljum við (ég) að framtíð okkar
(mín) verði?“ Lýðræðisleg vinnubrögð verða
í öndvegi þar sem allir fá að koma sjónarmið-
um sínum og hugmyndum á framfæri og
skoðanir allra skipta jafn miklu máli. Engir
fyrirlestrar eru eða ræður heldur eru það þátt-
takendur sem kanna og tjá drauma sína um
framtíðina, samfélagið, jörðina, náttúruna,
vinnu og fjölskyldu, menningu og atvinnu-
vegi. Þátttakendur ákveða sjálfir hvar áhersl-
urnar liggja og hvaða lausnir eru mögulegar.
Niðurstöður þjóðfundarins verða kynntar og
sendar til Norrænu ráðherranefndarinnar
og ríkisstjórna á Norðurlöndum og þeirra
samtaka ungs fólks og annarra sem vilja nýta
sér þær til samfélagsrýni og umbóta.
Ungmennafélag Íslands stendur fyrir ráð-
stefnunni „Ungt fólk og lýðræði“ 9.–11. apríl
n.k. í Ísafjarðarbæ sem er gestgjafi ásamt
Héraðssambandi Vestfirðinga (HSV). Það er
ungmennaráð UMFÍ sem sér um undirbún-
ing og framkvæmd ráðstefnunnar sem er
sú fimmta í röðinni. Þema ráðstefnunnar að
þessu sinni „Stjórnsýslan og við – áhrif ungs
fólks á stjórnsýsluna“ og er markmiðið að
Tækifæri fyrir ungt fólk
skapa ungu fólki vettvang til að ræða hin
ýmsu mál er það varða og bera saman þau
samfélög sem það kemur frá í aðdraganda
sveitarstjórnarkosninganna enda mörg ung-
menni að kjósa í fyrsta skipti. Ráðstefnu-
gestir munu leitast við að svara eftirfarandi
spurningum: Er ungt fólk nægilega þroskað
til þess að geta myndað sér skoðun sem vert
er að taka mark á? Áhrif ungs fólks á eigið
nærumhverfi? Er aðgengi ungmenna tryggt
að íþróttum – og æskulýðsstarfi? Starf utan
skólatíma? Hversu mikil áhrif hefur ung-
mennaráðið þitt í sveitarfélaginu? Hefur ungt
fólk almennt áhuga/skoðun á stjórnmálum?
Allar ráðstefnurnar hingað til hafa verið lær-
dómsríkar og mikil hvatning þeim ung-
mennum sem starfa í ungmennaráðum
sveitarfélaga og félagasamtaka víðs vegar
um land. Ráðstefnugestir fá örnámskeið í
ræðumennsku áður en hópavinna hefst og
í fundarsköpum áður en ungmennaþingið
sjálft hefst.
Það er von hreyfingarinnar að með því að
hafa slíka viðburði í boði fyrir ungt fólk eflist
það í lýðræðislegum vinnubrögðum, samtali
sín á milli og milli hópa og fái aukið gildi og
vægi í ákvarðanatökum um málefni er varða
samfélag/samfélög og um málefni er varða
bæði nútíð og framtíð ungs fólks.
Íslandi allt!
Helga Guðrún Guðjónsdóttir
Helga Guðrún
Guðjónsdóttir,
formaður UMFÍ.
Helga Guðrún Guðjónsdóttir, formaður UMFÍ:
M
ennta- og menningarmálaráðu-
neytið hefur falið Ungmennafélagi
Íslands að annast framkvæmd á
æskulýðshluta Erasmus+ áætlunar Evrópu-
sambandsins. Samningur þess efnis var
undirritaður í byrjun ársins. Ungmenna-
félag Íslands hefur annast rekstur Evrópu
unga fólksins, landsskrifstofu ungmenna-
áætlunar Evrópusambandsins, frá 1. janúar
2007. Ný áætlun Erasmus+ tók til starfa 1.
janúar 2014 sem leysir fyrri áætlun af hólmi.
Tækifæri til þess að fjármagna verkefni
tengd ungu fólki aukast til muna með til-
komu Erasmus+ en heildarstyrkfé til æsku-
lýðsgeirans fer úr 985.000 evrum árin
2007–2013 í allt að 1.470.000 evrum árin
2014–2020. Þá verður í fyrsta skipti hægt
að sækja um styrki fyrir svokölluð stefnu-
miðuð samstarfsverkefni en þeim er ætlað
að efla frumkvöðlastarf innan æskulýðs-
geirans á Íslandi. Skrifstofan, sem mun
áfram bera heitið Evrópa unga fólksins, er
til húsa í húsakynnum Ungmennafélags
Íslands í Sigtúni 42 í Reykjavík.
UMFÍ falið að annast framkvæmd á æskulýðshluta
Erasmus+ áætlunar Evrópusambandsins
Illugi Gunnarsson, mennta- og menningarmálaráðherra, og Helga Guðrún Guðjónsdóttir, formaður UMFÍ, handsala samninginn.
Fyrir aftan Helga Möller, forstöðumaður Evrópu unga fólksins, Erlendur Kristjánsson, deildarstjóri í mennta- og menningarmála-
ráðuneytinu, og Karitas H. Gunnarsdóttir, skrifstofustjóri í mennta- og menningarmálaráðuneytinu.