Morgunblaðið - 21.12.2012, Qupperneq 4

4 FRÉTTIRInnlent
MORGUNBLAÐIÐ FÖSTUDAGUR 21. DESEMBER 2012
Jólahátíðin er framundan með allir sinni dýrð
og ljóma og er ein helgasta hátíð kristinna
manna en um þetta leyti árs fögnum við einn-
ig umskiptum ljóss og myrkurs þegar skamm-
degið víkur hægt og rólega fyrir hækkandi
sól. Vetrarsólstöður verða í dag rétt fyrir há-
degi eða klukkan 11.12. Umskiptin ganga
hægt til að byrja með og er varla sjónarmun-
ur fyrstu dagana en daginn lengir um rúmar
10 sekúndur fyrsta daginn hér í Reykjavík en
heilar 12 sekúndur fyrir norðan og njóta Ak-
ureyringar því dagsljóssins örlítið lengur. Við
njótum þó öll jólaljósanna meðan mesta
skammdegið gengur yfir. Sólstöður eiga sér
stað tvisvar sinnum á ári þegar sólin er lengst
frá miðbaug himins annaðhvort til norðurs
eða suðurs. Vetrarsólstöður geta hlaupið til
milli daganna 20. og 23. desember og sum-
arsólstöður eru á tímabilinu 20. til 22. júní ár
hvert og verða 21. júní á næsta ári.
Morgunblaðið/RAX
Ljósaskipti við upphaf vetrarsólstaða
YFIR 20 GERÐIR GASGRILLA
Á ÚTSÖLUNNI
• Stærð: 149 x 110 x 60 cm
verðlaunagrill
fyrir íslenskar
aðstæður
FULLT VERÐ
59.900
42.900
Kraftmikið, meðfærilegt
og frábærlega hannað
gasgrill fyrir heimilið
og í ferðalagið
FrábærtEr frá Þýskalandi
YFIR 50 GERÐIR
GRILLA Á
JÓLATILBOÐI
JÓLATILBOÐ
www.grillbudin.is
Smiðjuvegi 2, Kóp - S. 554 0400
Opið kl. 11 - 19 föstudag
Opið kl. 11 - 18 laugardag
Opið kl. 13 - 18 sunnudag
Héraðsdómur Reykjaness dæmdi í
gær 51 árs gamla konu í tveggja
mánaða fangelsi fyrir búðahnupl.
Konan stal fatnaði, skartgripum og
tösku úr tveimur verslunum. Verð-
mæti varningsins var á annað
hundrað þúsund krónur.
Annars vegar var konan ákærð
fyrir að stela úr verslun í Kópavogi
24. ágúst 2011 og hins vegar úr
verslun í Garðabæ 12. júní 2012.
Við þingfestingu málsins neitaði
konan að hafa stolið úr versluninni
í Kópavogi og féll ákæruvaldið þá
frá sakargiftum vegna þess hluta
málsins. Konan játaði hins vegar að
hafa stolið úr hinni versluninni,
vörum að verðmæti 108 þúsund kr.
Hún hefur hlotið sjö fangelsisdóma
vegna þjófnaðar. Þá var konunni
gert að greiða Högum 84 þúsund
krónur í bætur þar sem vörur sem
konan stal skemmdust þegar þjófa-
vörn sem á þeim var, var fjarlægð.
Tveggja mánaða fangelsi fyrir búðahnupl
Kjartan Kjartansson
kjartan@mbl.is
Eftir eitt versta veiðisumar í manna
minnum hafa laxveiðimenn áhyggj-
ur af komandi sumri. Aðsókn í árnar
minnki og félögin sem leigja þær
lendi í kjölfarið í hremmingum.
Ekki er hins vegar ástæða til að
ætla annað en að veiðin batni á
næsta ári að sögn Bjarna Júlíusson-
ar, formanns Stangaveiðifélags
Reykjavíkur.
Hann segir sumarið nú í ár hafa
verið ákaflega slakt og sumir vilji
jafnvel halda því fram að það hafi
verið það versta frá árinu 1930.
Veiðimálastofnun hafi staðfest að
meðalþyngd laxanna hafi verið sú
minnsta frá því mælingar hófust.
„Staðan í ánum sjálfum er hins
vegar afbragðsgóð. Það er allt í
blóma og miðað við seiðamælingar
stefnir í gott sumar 2013. Við vonum
það besta og höfum ekki ástæðu til
að ætla annað en að veiðin batni,“
segir Bjarni.
Á sama tíma og veiðin versnar
segir Bjarni að verð á veiðileyfum
hafi líklega verið í sögulegu hámarki
nú í sumar. Veiðimenn hafi áhyggj-
ur af þróuninni og telji leyfin orðin
allt of dýr. Taki veiðin ekki við sér
sé ljóst að laxveiðibransinn á Íslandi
verði í uppnámi.
„Það er alveg ljóst að ef veiðin
minnkar til frambúðar þá minnkar
áhugi veiðimanna. Þá lækkar verð
veiðileyfa og það hefur í för með sér
keðjuverkun frá veiðimönnunum,
veiðifélögunum og allt til bænda,“
segir Bjarni.
Umræðan orðum aukin
Að sögn Óðins Sigþórssonar, for-
manns Landssambands veiðifélaga,
telja vísindamenn að köldum að-
stæðum í sjó sumarið 2011 og langt
fram á haust hafi verið um að kenna
hversu slæm veiðin var nú í sumar.
Mjög sterkt samhengi sé á milli
vaxtarhraða seiða í sjó og endur-
heimtuhlutfalls í ánum. Hann segir
þó áhyggjur veiðimanna af stöðunni
orðum auknar.
„Alltaf þegar veiðin er minni en
menn bjuggust við þá fer þessi um-
ræða á kreik um að það hafi áhrif á
aðsókn í árnar, þetta verði viðvar-
andi ástand og hafi áhrif á mark-
aðinn. Sjálfsagt er það rétt að ein-
hverju leyti en umræðan gengur
alltaf lengra en efni og ástæður eru
til. Það kunna að vera einstaka ár
sem minni aðsóknar gætir en þær
eru færri en fleiri,“ segir Óðinn.
Ekki ástæða til að ætla
annað en að veiði batni
Morgunblaðið/Einar Falur
Veiði Illa gekk í laxveiði í sumar og
hafar ýmsir áhyggjur af næsta ári.
 Áhyggjur veiði-
manna af laxveiði
á næsta ári
Niðursveifla
» Samkvæmt tölum Veiði-
málastofnunar dróst laxveiði
saman um 39% í sumar frá
árinu 2011. Samdrátturinn frá
2010, sem þótti afar gott ár, er
um 60%.
» Vefkönnun vefsíðunnar flug-
ur.is í haust bendir til þess að
meirihluti veiðimanna ætli að
verja minna fé í veiðileyfi á
næsta ári.