Morgunblaðið - Sunnudagur - 02.12.2012, Side 8

8 MORGUNBLAÐIÐ SUNNUDAGUR 2.12. 2012
Ríkisstjórnin er fallin. Flestum er það lönguljóst. Fyrsta hreina vinstristjórnin virðisthins vegar ekki horfast í augu við þá stað-
reynd frekar en aðrar sem við blasa. Hún skilur
ekki ákall almennings um nýja stjórnarhætti. Ákall
um ný vinnubrögð og nýjar leiðir til að sækja fram í
stað þess að spóla í stöðugt dýpri hjólförum skatta-
hækkana, afturhalds og niðurrifs.
Hún skilur heldur ekki ákall fjölskyldna og at-
vinnulífs um stöðugleika og svíkur jafnharðan þá
samninga sem gerðir eru, hvort sem er við samtök
launþega, atvinnurekenda eða tilteknar atvinnu-
greinar. Og ekki skilur hún hverja könnunina á eft-
ir annarri sem sýnir fram á að almenningur ber
ekki traust til hennar.
Stundum hefur það verið haft í flimtingum að
forsvarsmenn ríkisstjórnarinnar eigi erfitt með að
skilja ensku, en ég hallast helst að því að skilnings-
leysi þeirra á íslensku sé enn verra. Íslenskur al-
menningur kallar á breytingar og krefst þess að
ríkisstjórnin skipti um kúrs. Það ákall skilst ekki í
stjórnarráðinu. Hugsanlega skilur norræna vel-
ferðarstjórnin dönskuna betur og þá er kannski
eins gott að hrópa hátt og snjallt: Farvel!
Nú er svo komið að ríkisstjórnin nýtur ekki
meirihlutastuðnings á Alþingi í sínu mikilvægasta
máli, sem er sjálft fjárlagafrumvarpið. Þegar þetta
er skrifað eru í gangi sérkennilegar þreifingar þar
sem ríkisstjórnin reynir að vinna á sitt band meiri-
hluta þingmanna til að styðja fjárlagafrumvarpið.
Ástæðan fyrir ágreiningi um frumvarpið er einföld.
Ríkisstjórnin sér engar aðrar lausnir en enn frekari
skattahækkanir, enn frekari álögur á almenning og
atvinnulíf og nú skal ráðist á ferðaþjónustuna sem
er ein af þeim fáu atvinnugreinum sem enn sýna
eitthvert lífsmark.
Að auki hefur nú verið kynnt viðbót við frum-
varpið, þar sem upplýst er að til standi að hækka
bensíngjöld, útvarpsgjöld, tóbaksgjöld, vörugjöld á
bílaleigubíla, gistináttagjöld, almenn trygg-
ingagjöld, auk þess að framlengja raforkuskatt og
festa kolefnisgjald og gjöld á sölu á heitu vatni.
Skyldi nokkurn undra að fáir fagni eða erfiðlega
gangi að ná sátt eða samstöðu?
Enn eru 148 dagar eftir af kjörtímabili fyrstu
hreinu vinstristjórnarinnar. Ríkisstjórnin er óstarf-
hæf. Við þurfum nýja sem skilur skilaboð almenn-
ings og nýtur umboðs og stuðnings. Við þurfum rík-
isstjórn sem vill sækja fram og skapa ný og
fjölbreytt tækifæri í íslensku samfélagi. Þau tæki-
færi fást aðeins með frelsi, vali og svigrúmi ein-
staklinganna sjálfra.
Stærsta jólagjöfin í ár væri að ríkisstjórnin pakk-
aði saman og viðurkenndi að þau meðul sem beitt
hefði verið væru ekki að lækna meinið. Skatta-
hækkanir verði dregnar til baka og fram að kosn-
ingum vinni þingmenn saman að þeim málum sem
brýnust eru í þágu almennings og fyrirtækja. Ein-
ungis þannig getur á ný skapast sátt og sá sókn-
arhugur sem við þurfum til að halda á vit nýrra
tíma. Og með þá von í brjósti leyfi ég mér að segja;
Farvel!
Farvel
* Við þurfum ríkisstjórnsem vill sækja fram ogskapa ný og fjölbreytt tæki-
færi í íslensku samfélagi.
ÚR ÓLÍKUM ÁTTUM
Hanna Birna
Kristjánsdóttir
hanna.birna.kristjansdottir@reykjavik.is
Vínylplötur í sókn
Vínylplöturnar eru
í sókn eins og ís-
lenski plötumark-
aðurinn í Kexinu
um síðustu helgi
ber vitni. Vín-
ylplötur rata ef til vill í einhverja
jólapakka. Örn Úlfar Sævarsson
langar a.m.k. í plötur: „Smá upplýs-
ingar fyrir þá sem eru að leita að
jólagjöf handa mér: Var að kaupa
mér plötuspilara.“
Jólaskemmtun
Á aðventunni er
ýmislegt í gangi,
eins og jólapeysu-
keppnir. Hanna
Katrín Frið-
riksson auglýsti
eftir slíkri á Facebook: „Býr ein-
hver svo vel að eiga „áhugaverða“
jólapeysu til að lána mér fyrir
föstudaginn? Vinnukeppni skiljiði
:)“ Bragi Valdimar Skúlason
Baggalútur er ef til vill farinn að
velta fyrir sér jólamyndunum í ár, ef
marka má Facebook. „Ef ég verð
fyrir hobbiti, fæ ég þá líka hobbi-
taæði?“ Hobbitamynd Peters Jack-
sons verður frumsýnd um jólin.
Í hvað fara peningarnir
Eva H. Bald-
ursdóttir ræddi
um málefni Íbúða-
lánasjóðs. „Nú spyr
ég – mér skilst að
110% leiðin hafi
kostað ÍLS 7 milljarða – hvert fóru
þeir 7 sem eftir stóðu? Ef 14 millj-
arðar eru ekki nýttir til fulls í þær
forsendur sem voru gefnar – má þá
bara nota hinn helminginn að vild?
Á meðan stjórnvöld og þingmenn
sparsla í sprungur vonlausrar lána-
stofnunar þar sem allt er í einum
hrærigraut – eru þeir 7 milljarðar
sem voru ætlaðir í skuldaafskriftir
almennings ekki nýttir. Nærtækt
væri að klára þá vegferð sem
stjórnvöld hófu með 110% leiðinni
í stað þess að skilja unga skuldara
þessa lands eftir með misþunga
bakpoka, eftir handstýrða ójöfn-
uðaraðgerð.“
AF NETINU
Eivør Pálsdóttir ferðast vítt um breitt um Nor-
eg þessa vikurnar og hefur spilað fyrir ótal
áhorfendur á stærri og smærri tónleikum en
söngkonan nýtur mikilla vinsælda hjá Norð-
mönnum.
Eivøru brá talsvert á tónleikum sínum í
Haugesund þegar tveir áhorfendur af sjöhundr-
uð féllu í yfirlið á nákvæmlega sama augnabliki.
Söngkonan var þá einmitt að flytja tilfinn-
ingaþrungið og rólegt lag. Hlé var gert á tón-
leikunum meðan hugað var að áhorfendum en
Eivør sjálf var þó eftir á viss um að þetta væri
tilviljun en ekki í ætt við þau áhrif sem Bítlarnir
og Elvis Presley höfðu og hafa á aðdáendur.
Aðdáendur Eivørar
Pálsdóttur féllu í yfirlið
á sömu mínútu.
Morgunblaðið/Eggert
Áhorfendur féllu í yfirlið
Í óveðrinu sem geisaði í byrjun nóvember fór
ýmislegt á hliðina á landinu og á höfuðborg-
arsvæðinu fuku þakplötur og tré rifnuðu upp
með rótum.
Söngkonan Hafdís Huld var ein þeirra sem
þurftu að huga að skemmdum eftir óveðrið.
Hún býr í áberandi fallegu bleiku húsi í Mos-
fellsbæ en hún og sambýlismaður hennar, Al-
isdair Wright, festu kaup á húsinu þegar þau
fluttust til Íslands árið 2009.
Skemmst er frá því að segja að klæðningin
fauk af allri framhlið bleika hússins en engin
slys urðu á fólki. Söngkonan sagði í samtali
við Morgunblaðið að faðir hennar og sam-
býlismaður hefðu hafist handa við að laga
skemmdirnar, enda væri skemmtilegra að
skella aftur upp klæðningunni áður en jóla-
serían færi upp.
Hugar að
húsinu
Hafdís Huld flutti til Íslands fyrir um þremur ár-
um og festi kaup á bleiku húsi í Mosfellsbæ.
Morgunblaðið/Árni Sæberg