Morgunblaðið - 04.03.2013, Blaðsíða 24

24 DÆGRADVÖL
MORGUNBLAÐIÐ MÁNUDAGUR 4. MARS 2013
Stjörnuspá
21. mars - 19. apríl 
Hrútur Deilur um það hvernig eyða skuli
peningum kunna að rísa upp. Reyndar kem-
ur uppspretta hennar á óvart. Vertu því ekki
að eyða miklum tíma í smáatriði.
20. apríl - 20. maí 
Naut Þegar mál geta farið á hvorn veginn
sem er verður maður bara að taka sína
ákvörðun og láta slag standa. Oftast fær
maður réttu viðbrögðin þegar maður reynir
allt til að gleðja.
21. maí - 20. júní 
Tvíburar Áhrifa þinna gætir allt til toppsins
á píramídanum. Gleymdu því ekki að þú
þarft sjálfur að leggja eitthvað af mörkum ef
þú vilt lífga upp á tilveruna.
21. júní - 22. júlí 
Krabbi Í góðu jafnvægi og hamingjusamur
gefur þú frá þér öll réttu skilaboðin. Gakktu
úr skugga um hver staða þín er, hvað þú átt
og hvað þú skuldar.
23. júlí - 22. ágúst 
Ljón Atburðarásin mun taka öll völd úr
höndum þér ef þú ekki stingur við fótum og
nærð stjórn á hlutunum. Gefðu þér meiri
tíma til þess svo vel fari.
23. ágúst - 22. sept. 
Meyja Það tekur tíma að breyta venjulegu
verkefni í eitthvað einstakt. Afleiðing þess er
alger uppstokkun; þú átt eftir að læra ýmis-
legt nýtt á næstu tveimur árum.
23. sept. - 22. okt. 
Vog Þú finnur yfirleitt upp á virkilega hvetj-
andi viðfangsefnum. Vogin er einstaklega
sterk þessa daga og tekst þar af leiðandi
einmitt það sem hún ælar sér.
23. okt. - 21. nóv.
Sporðdreki Óvæntir atburðir á fjár-
málasviðinu koma þér á óvart en þú getur
gefið þér tíma til að gera þér mat úr stöð-
unni. Taktu þeim með opnum huga, maður
veit aldrei hvaðan gott kemur næst.
22. nóv. - 21. des.

Bogmaður Fólk finnur sig knúið til þess að
ganga í augun á þér í dag. Vertu því óhrædd-
ur við að kanna nýjar leiðir og taka einhverja
áhættu.
22. des. - 19. janúar 
Steingeit Sýndu öðrum tillitssemi og um-
burðarlyndi og þú munt fá þá framkomu
endurgoldna. Talaðu skýrt og skorinort.
20. jan. - 18. febr. 
Vatnsberi Þú virðist sigla lygnan sjó þessa
dagana og er sjálfsagt að þú njótir þess.
Hafið hraðar hendur svo leikurinn geti haf-
ist.
19. feb. - 20. mars

Fiskar Þú færist nær markmiði þínu eftir því
sem líður á árið. Ef eitthvað er ekki gaman,
skaltu sleppa því. Tékkaðu af staðreyndir
málsins áður en þú lætur til skarar skríða.
Ég þurfti að hitta lækni minn áLandspítala í vikunni og þá
rifjuðust upp Ferskeytlur Jóhann-
esar úr Kötlum, sem við Ari Jós-
efsson fórum oft með á mennta-
skólaárunum en Sjödægra var
mikil uppáhaldsbók hjá okkur:
Rennur gegnum hjarta mitt
blóðsins heita elfur:
upp í strauminn bylta sér
kaldir sorgarfiskar.
Út um tálknin japla þeir
þungum svörtum kvörnum
þar til eins og kolabotn
undir niðri verður.
Sat ég við hið rauða fljót
– stari niðrí djúpið
þar sem Gleði dóttir mín
liggur nár í myrkri.
Í Egilsbók, sem hefur að geyma
vísur og kvæði eftir Egil Jónasson á
Húsavík, er vikið að þessu ljóði og
sagt, að Agli hafi þótt skörin tekin
að færast upp í bekkinn, þegar Jó-
hannes úr Kötlum, sá rímhagi mað-
ur, tæki upp á því rígfullorðinn að
yrkja órímað. En um það sagði Jó-
hannes í bréfi til Steingríms í Nesi:
„En það verð ég að játa að ég, þessi
gamli rímberserkur, hef á seinni
árum átt ákaflega erfitt með að tjá
mig í rímuðu máli, svo að mér hafi
líkað: gamla hefðin er orðin mér
með einhverjum hætti fjötur um
fót, þegar túlka skal innri hrær-
ingar þess nýja og gerbreytta
tíma...“
Egill Jónasson gat ekki stillt sig
um að gera bragarbót:
Blóðið heitt frá hjarta mér
hleypur sínar götur.
Upp í flauminn flýta sér
frosnar sorgarskötur.
Út um tálknin æla þær
ótal svörtum kvörnum,
þar til lífsins lindin tær
líkist forartjörnum.
Sit ég við það soraflóð,
sinnulaus og hryggur.
Ljóðadís, mín dóttir góð,
dauð á botni liggur.
Hér er hestavísa eftir Jóhannes
úr Kötlum:
Blakkar frýsa og teygja tá,
tunglið lýsir hvolfin blá,
knapar rísa og kveðast á.
kvikna vísur til og frá.
Halldór Blöndal
halldorblondal@simnet.is
Vísnahorn
Ferskeytlur
Jóhannesar úr Kötlum
Í klípu eftir Mike Baldwin eftir Jim Unger
„FREKAR EN AÐ FÁ 40.000 KRÓNA LAUNA-
HÆKKUN, HVERNIG LÍST ÞÉR Á AÐ VERA
MILLISTJÓRNANDI Í SKJALADEILD?“
Hermann
Ferdinand
Hrólfur hræðilegi
Grettir
... skilyrðislaus.
VERSLA
NIR OG
FYRIRT
ÆKI
ÞÚ ERT
EKKI HÉR!
HVAR ERTU
ÞÁ EIGIN-
LEGA?
VISSIR ÞÚ AÐ LÍSA ER
DÝRALÆKNIR?
Í ALVÖRU?
MIG
VERKJAR
Í HNÉÐ!
JÓN?
HANN HRÓLFUR MINN ER
SVOKALLAÐUR NÁTTHRAFN.
ÞEGAR HANN HRÝTUR Á NÓTTUNNI
HLJÓMAR ÞAÐ EINS OG HRAFNAÞING!
Það er gott að búa á Íslandi. Hér erhreint loft, hreint vatn, öruggt
umhverfi til að ala upp börn, frelsi til
að vera eins og maður er, náttúra sem
fólk í öðrum löndum dreymir um að
heimsækja og síðast en ekki síst, eng-
inn her.
x x x
Víkverji telur að Íslendingum hættitil að vanmeta hversu gott það er
fyrir Ísland að hafa engan her, og að
margir lifi í þeirri villu að halda að það
sé sjálfsagt og eðlilegt ástand.
Víkverji hefur heyrt margar sögur
af því hvernig herseta Breta og
Bandaríkjamanna kom íslenskum
efnahag á koppinn í seinna stríði og
hversu heppin við vorum að þeir voru
á undan Þjóðverjum eða Rússum að
hernema þennan hernaðarlega mik-
ilvæga blett í úthafinu.
Staðsetning Íslands skiptir enn máli
í þessu samhengi, en í dögun grænnar
aldar gætu hrein orka og aðrir kostir
landsins haft sitt að segja líka. Við vit-
um til dæmis að Bretar renna hýru
auga til íslenskrar raforku. Hversu
langt verða þeir til í að ganga í fram-
tíðinni til að hafa aðgang að henni?
x x x
Og fyrst minnst er á Breta. Nýlegasagði þarlendur varnarmála-
ráðherra að niðurskurður til hersins
væri óhugsandi. Nær væri að skera
niður í velferðarkerfinu.
Þar sem starfræktir eru herir eru
þeir baggi á efnahagnum.
Gert er ráð fyrir að herrekstur
Breta kosti þá um 8.660 milljarða
króna í ár. Sem bliknar auðvitað í sam-
anburði við 112.355 milljarða sem
Bandaríkjamenn borga í ár fyrir sinn
her. Það er um 50% útgjalda sem fer í
allt heilbrigðis- og velferðarkerfið þar í
landi í ár.
Sé þessum tölum snúið yfir á Ísland
sést að velferðarráðuneytinu eru
skammtaðir 235,9 milljarðar í fjár-
lögum fyrir þetta ár. Fengi íslenskur
her sem næmi helmingi þess væri
upphæðin um 118 milljarðar.
Það gæti að vísu fjármagnað um
1.500 manna fastalið og álíka stórt
varalið, miðað við tölur frá Bandaríkj-
unum. Alls um 3.000 manns. Það er
merkileg tilviljun að það er um það bil
fjöldi virkra sjálfboðaliða í björg-
unarsveitum á Íslandi. víkverji@mbl.is
Víkverji
Lofsöngur Maríu Og María sagði:
Önd mín miklar Drottin og andi
minn gleðst í Guði, frelsara mínum.
(Lúkasarguðspjall 1:46-47)