Morgunblaðið - 11.04.2013, Blaðsíða 29

reyna endalaust að búa til ein-
hverjar kjánalegar brautir, t.d. í fjöl-
brautaskólum. Umfram allt þarf að
stofna nýjan skóla með nýrri hugs-
un, sem lýkur þannig að stoltir nem-
endur fá skírteini í hendur til að
sýna það svart á hvítu að þeir hafi
lokið ákveðnu framhaldsnámi. Og
haldið ykkur nú fast. Náminu á að
ljúka með útskrift eftir aðeins eitt
ár.
Námsgreinar yrðu valdar í sam-
vinnu við atvinnurekendur og skulu
hér settar fram nokkrar hugmyndir:
1. Grunnatriði bókhalds. Fyrst
farið í handfært bókhald og síðan
unnið í bókhaldsforriti.
2. Útreikningar og uppsetning í
töflureikni, t.d. Excel. Ekki ímynda
ykkur eitt augnablik að nemendur
kunni mikið í Excel við lok grunn-
skólans.
3. Uppsetningar auglýsinga og
kynningar á fundum, t.d. í Power po-
int og Word. – Vönduð íslenska og
gætt að því að leyfi séu á hreinu, t.d.
vegna myndnotkunar.
4. Siðfræði í samskiptum manna á
meðal. Farið vel í samskipti í tölvu-
pósti, á Facebook og síðast en ekki
síst í athugasemdum við fréttir.
Gæta þess að það sem þú hefur sett
inn á vefinn getur hæglega orðið þér
að falli er þú sækir um vinnu.
5. Notkun nýrra tækja sem sífellt
breytast, s.s. tölva, síma og þeirra
fjölnota tækja sem nú streyma á
markað. Nemendur þjálfaðir í að
greina hvað varðandi þau er bara
nýjungagirni og peningasóun og
hvað er í raun bráðnauðsynleg fram-
för.
6. Fjallað um nauðsyn hreyfingar
og holls mataræðis. Nemendur fari
minnst tvisvar í viku í íþróttir að eig-
in vali, t.d. sund, blak, badminton
o.s.frv.
Síðast en ekki síst verður að verð-
launa nemendur fyrir góða frammi-
stöðu. Það yrði gert þannig að nem-
endur með um eða yfir 90% mætingu
fengju námsgögn endurgreidd að
fullu.
Auðvitað væri sjálfsagt og eðlilegt
að reyna þetta aðeins á tveimur
stöðum fyrsta árið og eðlilegt að
byrja þar sem atvinnuleysið er mest.
Síðan færu viðkomandi nemendur út
á vinnumarkað en mundi bjóðast
framhaldsnám að fimm árum liðn-
um.
Að lokum er best að geta þess að
ég á ekki von á því að margir fram-
bjóðendur láti í sér heyra vegna
þessa máls, en hins vegar býst ég við
því að formenn ýmissa stéttarfélaga
muni leggja til að háskólanám verði
lengt ennþá meira enda tæpast vit í
því að fólk sé með minna en 6 ár að
baki í háskóla, ef það ætlar að kenna
krökkum að þekkja A frá B.
»Hvernig vilja
frambjóðendur
aðstoða ungt fólk sem
er atvinnulaust og
skortir kjark og mennt-
un til að halda í langt
nám í framhaldsskóla?
Höfundur hefur starfað sem skóla-
stjóri á landsbyggðinni og í Reykjavík.
UMRÆÐAN 29
MORGUNBLAÐIÐ FIMMTUDAGUR 11. APRÍL 2013
FERSKLEIKI • GÆÐI • ÞJÓNUSTA
FORRÉTTUR
Hvítlauksristaðir humarhalar
með brauði og hvítlaukssmjöri
AÐALRÉTTUR
Lamba primesteik með ristuðu grænmeti,
rósmarín, hunangi og bakaðri kartöflu
EFTIRRÉTTUR
Frönsk súkkulaðikaka með þeyttum rjóma
og ferskum berjum
BRUNCH
Heilsu Brunch: Brauð, ostur, soðið egg, tómatur, gúrka,
ávextir, sulta, kjúklingaskinka og íslenskt smjör
Lúxus Brunch: Spæld egg, beikon, ostasneiðar, spægi-
pylsa, brauð, kartöflur, ferskt tómatsalat, smoothie,
ávextir, sulta, smjör og amerískar pönnukökur með sírópi
Ármúla 5 • 108 Reykjavík • Sími 544 8181
Heimasíðan okkar er uppfærð daglega og þar
má finna allar upplýsingar um vörurnar okkar,
sérpantanir, hvað er væntanlegt
ásamt spennandi tilboðum
Við sendum frítt heim
í öll sveitarfélög á Íslandi!
Þekking • Þjónustawww.innlit.is
Í augum þeirra sem
standa að umsókn Ís-
lands um inngöngu
Evrópusambandið
kann andstaða við að-
ild að sýnast vanda-
mál. Almennt er gert
ráð fyrir að á ein-
hverju stigi verði
þjóðaratkvæðagreiðsla
og það kann að virð-
ast erfitt að koma
málinu í gegn ef flestir eru á móti.
Þetta vandamál er þó alls ekki
eins stórt og virðast kann. Ef rétt-
um aðferðum er beitt er hægt að
komast inn þótt fylgi við það sé
nær öllum stundum vel innan við
helming.
En hverjar eru þessar réttu að-
ferðir?
Það þarf auðvitað að byrja á að
sækja um. Ef fólk vill ekki sækja
um er allt í lagi að kalla umsókn-
ina eitthvað annað: jólatrés-
skemmtun, bjölluat, könn-
unarviðræður eða bara hvað sem
er. Aðalatriðið er að skila fullgildri
umsókn, ekki hvað hún er kölluð.
Þetta er raunar búið að gera og
ekkert meira um það að segja.
Næst þarf að búa svo um hnúta að
hægt sé að afgreiða umsóknina í
flýti en hún geti samt beðið nokk-
urn veginn hvað lengi sem er. Til
að tryggja það fyrra þarf að
breyta stjórnarskránni eitthvað
smávegis. Þótt það hafi ekki geng-
ið alveg eins greiðlega og til stóð
tekst það sjálfsagt á næstu árum.
Þetta síðara, að umsóknin geti
staðið opin í ótiltekinn tíma, virðist
næstum í höfn. Samt þarf áfram
að passa að enginn geti knúið á
um að málið verði klárað og þann-
ig eyðilagt allt saman. Það er
ágætt að láta við og við í veðri
vaka að það sé verið að opna ein-
hverja kafla eða kíkja í einhverja
pakka eða semja um eitthvað – en
umfram allt ekki gera neitt sem
getur orðið til þess að
það verði rokið í þjóð-
aratkvæðagreiðslu um
aðild á kolvitlausum
tíma. Málið er að láta
fullgilda umsókn
standa opna. Svo er
bara að bíða.
Meðan er beðið sak-
ar ekki að segja við
og við eitthvað fallegt
um sambandið. Svo er
fínt að gefa þeim sem
helst hafa áhrif á
skoðanir fólks og ráða
einhverju slatta af peningum. Það
eru fáir svo heillum horfnir að
fjármunir hafi ekki einhver góð
áhrif á þá. Það má líka reyna að
kjafta Ísland svolítið niður. Þegar
krónan er lágt skráð er til dæmis
hægt tala um ónýtan gjaldmiðil og
þegar gengi krónunnar hækkar má
alveg segja eitthvað um hátt mat-
vælaverð hér á landi. En það borg-
ar sig ekki að vera að ræða svona
mál í þaula eða segja neitt ákveðið
um hvað er í öllum köflunum og
pökkunum. Aðalatriðið er að bíða.
Á næstu áratugum koma vísast
kollsteypur, alls konar hryðjuverk,
ógnir og skelfingar, kannski stríð
úti í heimi, nýjar kreppur – eitt-
hvað sem hristir vel upp í fólki svo
almenningsálit sveiflast til í nokkr-
ar vikur, jafnvel mánuði. Ef um-
sóknin stendur munu á endanum
atburðir verða sem valda því að
fylgi við aðild sveiflast aðeins yfir
50% í dálitla stund og þá skiptir
öllu að hægt sé að vinna hratt.
Þegar þar að kemur má sem best
láta svo heita að búið sé að opna
alla kaflana og kíkja í alla pakkana
en það skiptir ekki öllu máli. Bara
að kýla á fjandans þjóðaratkvæða-
greiðsluna og málinu er reddað.
Sé þessari aðferð fylgt sam-
viskusamlega er vel hægt að ganga
í sambandið þótt ríflegur meiri-
hluti sé á móti því 99 mánuði af
hverjum 100 alla þessa öld. Pólitík
er nú einu sinni list þess mögulega
eins og Bismarck sagði. Ef það er
ómögulegt að komast inn í Evr-
ópusambandið í góðri sátt sem
stendur lengri tíma verða þeir sem
ætla þangað hvað sem það kostar
að fara þessa einu leið sem er fær
– enda svo sem ekkert meiri lýð-
ræðishalli á henni en sambandinu
sjálfu.
Hvernig er hægt að komast í
Evrópusambandið þótt flestir
vilji vera fyrir utan það?
Eftir Atla
Harðarson » Það er hægt að kom-
ast inn í Evrópu-
sambandið þótt fylgi við
aðild sé nær öllum
stundum vel innan við
helming.
Atli Harðarson
Höfundur er skólameistari
Fjölbrautaskóla Vesturlands.
- með morgunkaffinu
Aukablað
um bíla fylgir
Morgunblaðinu
alla þriðjudaga