Morgunblaðið - 13.04.2013, Síða 52

52 MENNING
MORGUNBLAÐIÐ LAUGARDAGUR 13. APRÍL 2013
Verið
velkomin
LISTASAFN ÍSLANDS
Tilraun til að beisla ljósið
Leiðsögn
sunnudag 14. apríl kl. 15
Skynjun mín
Erla Stefánsdóttir
Opið 12-17, fim. 12-21, lokað þri.
www.hafnarborg.is
sími 585 5790
Aðgangur ókeypis
ÞJÓÐMINJASAFN ÍSLANDS
Sunnudagur 14. apríl kl. 14-16:
Áttu forngrip í fórum þínum?
Sérfræðingar Þjóðminjasafns meta gripi fyrir gesti.
16. og 18. apríl kl. 12-14:
Geymslur safnsins að Vesturvör 16-20 opnar almenningi
Fjölbreyttar sýningar, ratleikir, safnbúð og kaffihús.
Fylgist með á facebook:
http://www.facebook.com/thjodminjasafn
Þjóðminjasafn Íslands, Suðurgötu 41, s. 530 2200,
www.thjodminjasafn.is, thjodminjasafn@thjodminjasafn.is
Opið alla daga nema mánudaga kl. 11-17
GAMLAR GERSEMAR 9.2. - 5.5. 2013
ERLENDIR ÁHRIFAVALDAR 9.2. - 5.5. 2013
Málþing - Á erlend list heima í íslenskum söfnum?
laugardaginn 13. apríl kl. 11-13. Verið velkomin!
SAFNBÚÐ - Listaverkabækur, gjafakort og listrænar gjafavörur.
KAFFISTOFA - Heit súpa í hádeginu, úrval kaffidrykkja og heimabakað meðlæti.
Fríkirkjuvegi 7, 101 Reykjavík, sími 515 9600. OPIÐ daglega kl. 11-17, lokað mán.
SAFN ÁSGRÍMS JÓNSSONAR
Sequnces VI - Temporary Scenery, verk eftir Fiete Stolte. Opið lau.-sun. kl. 11-17
UMHVERFIS LANDIÐ Á FÁEINUM ÁRATUGUM og FORNMENN
Bergstaðastræti 74, sími 515 9625. www.listasafn.is
LISTASAFN SIGURJÓNS ÓLAFSSONAR
Laugarnestanga 70, sími 553 2906, www.lso.is
ÁFANGAR - NOKKUR LYKILVERK EFTIR SIGURJÓN ÓLAFSSON 8.2. - 14.4. 2013
SÍÐASTA SÝNINGARHELGI!
Opið lau. og sun. kl. 14:00 - 17:00. Kaffistofan er opin á sama tíma.
Söfn • Setur • Sýningar
Leiðsögn um sýningarnar
sunnudaginn kl. 14
NORDIC DESIGN TODAY
(13.3.-26.5.2013)
Innlit í Glit (8.2. – 26.5.)
Opið 12–17, lokað mánud..
Garðatorg 1, Garðabær
www.honnunarsafn.is
Listasafn Reykjanesbæjar
Byggingarfræði og þyngdarafl
Engineering Gravity
Þrívíddarverk Hallsteins
Sigurðssonar
16. mars – 1. maí
Bátasafn Gríms Karlssonar
Byggðasafn Reykjanesbæjar
Opið virka daga 12-17, helgar 13-17.
Aðgangur ókeypis
reykjanesbaer.is/listasafn
Á erlend list heima í íslenskum söfn-
um? er yfirskrift málþings sem hald-
ið verður í dag kl. 11-13 í fyrir-
lestrasal Listasafns Íslands. Á því
verður varpað fram spurningum um
hlutverk erlendrar myndlistar á Ís-
landi og hvort erlend myndlist eigi
heima í íslenskum söfnum og svara
leitað við þeim. Frummælendur eru
Jón B.K. Ransu, myndlistarmaður
og listgagnrýnandi, Anna Jóhanns-
dóttir, myndlistarmaður og -gagn-
rýnandi, og Halldór Björn Runólfs-
son, safnstjóri Listasafns Íslands.
Fundarstjóri er Rakel Pétursdóttir
safnafræðingur. Málþingið er haldið
í tengslum við sýningarnar Gamlar
gersemar og Erlendir áhrifavaldar
sem nú standa yfir í safninu.
Erlend list
í íslenskum
söfnum
Vangaveltur Jón B.K. Ransu er
einn frummælenda málþingsins.
Helgi Snær Sigurðsson
helgisnaer@mbl.is
Leikarinn Guðmundur Ingi Þorvaldsson mun
fara með aðalhlutverkið í sjálfstæðri, breskri
kvikmynd sem ber titilinn Chasing Robert
Barker. Leikstjóri myndarinnar er Daniel
Floréncio en hann á að baki stutt- og heimild-
armyndir og hlaut m.a. verðlaun fyrir stutt-
mynd sína Awfully Deep á alþjóðlegu kvik-
mynda- og myndbandahátíðinni Athens fyrir
tveimur árum.
Guðmundur heldur til Lundúna í næstu viku
og hefjast tökur á myndinni á föstudaginn.
Hann segist hafa fallið fyrir handriti mynd-
arinnar sem segi af paparazzi-ljósmyndara
(þ.e.a.s. ljósmyndara sem situr fyrir frægu
fólki og tekur myndir af því) á barmi geðveiki.
En hvernig fékk hann þetta hlutverk? „Kona
sem ég lék með í leikhúsi úti í Bretlandi árið
2010 var að aðstoða leikstjórann við að finna
leikara í þessa mynd og hún sagði honum víst
frá upphafi að ég væri maðurinn sem hann
væri að leita að. Hann var að leita að Breta og
hlustaði ekkert á það í fyrstu, vildi að þetta
væri Breti. Hann prufaði einhverja Breta,
fann engan sem honum leist á og hringdi þá í
mig. Við tókum eina prufu á Skype og svo fór
ég til hans og við spunnum í tvo daga með að-
alleikkonunni. Síðan hringdi hann bara í mig
og bauð mér hlutverkið. Hann breytti í raun-
inni hlutverkinu fyrir mig, nú er þetta orðinn
maður af óræðum uppruna,“ segir Guð-
mundur.
– Hvað geturðu sagt mér um leikstjórann?
„Hann er brasilískur að uppruna, búinn að
búa á Bretlandi í átta ár og menntaði sig að-
allega sem leikstjóri og klippari. Hann fékk
strax vinnu sem klippari og var svo heppinn að
fyrsta verkefnið sem hann vann fékk BAFTA-
verðlaun þannig að hann hefur bara haft það
fínt í því en langar að leikstýra myndum í fullri
lengd og þetta er fyrsta myndin hans í fullri
lengd,“ segir Guðmundur en þeir sem hafa
áhuga á að kynna sér leikstjórann betur geta
farið á vefsíðu hans, danielflorencio.com.
Flottir leikarar
Guðmundur segir kvikmyndina heldur
ódýra í framleiðslu, hún kosti á við íslenska
kvikmynd og hefur fé verið safnað til fram-
leiðslunnar á vefnum kickstarter.com. Spurð-
ur að því hvort myndin verði sýnd í kvik-
myndahúsum segist Guðmundur halda það og
að hún muni fara á einhverjar kvikmyndahá-
tíðir.
Af öðrum leikurum í myndinni nefnir Guð-
mundur tvær leikkonur, Elizabeth Boag og
Hilda Péter en auk þeirra leika í henni Patrick
Baladi og Bojan Krivokapic. Boag hefur leikið
í leikhúsi, kvikmyndum og sjónvarpsþáttum
og m.a. með leikurum á borð við Michael Ga-
mon, Tom Hardy og Benedikt Cumberbatch.
Péter er ungversk-rúmensk og hefur hlotið
fjölda verðlauna, m.a. sem besta leikkonan á
Evrópsku kvikmyndahátíðinni í Brüssel árið
2009. Af hlutverkum hennar má nefna tit-
ilhlutverkið í kvikmyndinni Katalin Varga eft-
ir Peter Strickland. Baladi hefur m.a. leikið í
bresku gamanþáttunum The Office og Kri-
vokapic í serbnesku kvikmyndinni Montevi-
deo: Taste of a Dream. „Þetta eru engar stór-
stjörnur,“ segir Guðmundur um leikarana en
þeir séu samt sem áður mjög flottir.
– Er ekki líklegt að boltinn fari að rúlla hjá
þér í framhaldi af þessu, að þú verðir boðaður í
fleiri prufur úti?
„Jú, jú, ég fer í fullt af prufum meðan ég er
þarna úti, ég geri það nú yfirleitt þegar ég er
úti. Ég lék lítið hlutverk í WikiLeaks-
myndinni um daginn og svo kemur út stutt-
mynd á þessu ári sem ég gerði í fyrra, helvíti
flott, bresk stuttmynd þannig að jú, það ætti
jafnvel að vera kominn einhver slagkraftur í
þetta úti með þessu.“
Guðmundur fór í fyrra í prufur fyrir sjón-
varpsþættina Game of Thrones og segist hann
vonandi á leið aftur í prufur fyrir fjórðu þátta-
röðina sem tökur hefjast á í sumar. „Það er
bara „no comment“, best að hafa sem fæst orð
um það,“ segir Guðmundur og hlær, spurður
að því hvort hann telji líklegt að hann fái hlut-
verk í þáttunum.
Ljósmyndari af óræðum uppruna
 Guðmundur Ingi
hreppti aðalhlutverkið
í breskri kvikmynd,
Chasing Robert Barker
Morgunblaðið/Kristinn
Á siglingu Guðmundur Ingi mun fara með hlutverk paparazzi-ljósmyndara á barmi sturlunar í kvikmyndinni Chasing Robert Barker.
Upplýsingar um Chasing Robert Barker á
Kickstarter: www.kickstarter.com/
projects/489797329/make-chasing-robert-
barker-movie.
Vefsíða Hilda Péter: www.hildapeter.com.
Vefsíða Elizabeth Boag: www.elizabeth-
boag.com/