Morgunblaðið - Sunnudagur - 07.07.2013, Page 18

18 MORGUNBLAÐIÐ SUNNUDAGUR 7.7. 2013
Ferðalög og flakk
EITTHVAÐ FYRIR ALLA
Öðruvísi dagur í
New York
ÍSLENDINGAR HAFA LÖNGUM VERIÐ DUGLEGIR AÐ HEIMSÆKJA NEW YORK-BORG, ENDA
STEMNINGIN ÞAR ENGRI LÍK. BORGIN BÝÐUR UPP Á ENDALAUSA MÖGULEIKA OG ENG-
UM ÞARF AÐ LEIÐAST ÞAR. HELSTA VANDAMÁLIÐ ER AÐ VELJA OG HAFNA. SUMIR LÁTA
SÉR NÆGJA AÐ SKOÐA HELSTU FERÐAMANNASTAÐI EINS OG EMPIRE STATE, GROUND
ZERO, FRELSISSTYTTUNA OG CENTRAL PARK. EN MARGT FLEIRA ER FORVITNILEGT AÐ
GERA OG SJÁ Í ÞESSARI BORG SEM ALDREI SEFUR.
Ásdís Ásgeirsdóttir asdis@mbl.is
Ef finna á frið fyrir ys og
þys stórborgarinnar er
gott að hvíla lúin bein í
Central Park.
Gott er að byrja daginn á rólegum
göngutúr á Háulínu (High Line). Geng-
ið er eftir gömlum lestarteinum sem
liggja hátt yfir götunum, en lestir hættu
að ganga þar árið 1980. Þegar rífa átti
teinana árið 1999 tóku nokkrir um-
hverfissinnar sig til og breyttu tein-
unum í garð, en mikill gróður er á
gönguleiðinni. Þessi skemmtilegi garð-
ur liggur frá Gansevoort-götu í Meat-
packing District til West 34. strætis
milli 10. og 11. Breiðgötu. Þarna gefst
fólki kostur á að skoða borgina á nýjan
hátt og anda að sér ilminum frá gróðr-
inum í leiðinni.
GARÐUR YFIR GÖTUNUM
Fyrir næturhrafna er nóg úrval af börum og klúbbum
og allir ættu að finna eitthvað við sitt hæfi. Flaming
Saddles, kántríbar fyrir samkynhneigða og vini
þeirra, var valinn besti hinsegin bar í New York árið
2012 af New York Magazine. Þar er mikið stuð, en
barþjónar eiga það til að henda sér upp á barborð og
dansa línudans fyrir gestina.
Fyrir þá sem kjósa rólegt og afslappað andrúmsloft
má mæla með Please Don’t Tell, í East Village, en
gengið er inn í gegnum gamlan símaklefa. Þar er vel
hægt að ræða saman yfir glasi af góðu víni eða kokteil.
Og ef hungrið fer að sverfa að eftir langt kvöld má fá
pantaðan mat þangað frá staðnum við hliðina á, sem
selur eðalpylsur sem þykja þær bestu í bænum og kall-
ast The New Yorker.
BORGIN SEM ALDREI SEFUR
Útsýnisflug yfir borgina er stórkostleg
veisla fyrir augað, og ekki laust við að
maður fái smáfiðring í magann þegar
svifið er yfir skýjakljúfana. Fyrirtækið
New York Helicopter býður upp á
þyrluflug, en hægt er að velja 15, 19
eða 25 mínútna ferð og borgar maður
fyrir herlegheitin frá 170 upp í 295
dolara. Einnig geta hinir efnameiri spar-
að sér leigubílaferð á milli flugvalla, en
fyrir tæpa 900 dollara færðu skutl í
þyrlu.
Annar frábær kostur er að sjá borg-
ina úr Staten Island-ferjunni, sem
siglir milli Manhattan og Staten Island.
Ferðin tekur 25 mínútur og er ókeypis
en er einstaklega skemmtileg leið til að
sjá háhýsin á Manhattan, frelsisstyttuna
og Ellis Island frá sjó.
HAF EÐA HIMINN