Morgunblaðið - Sunnudagur - 07.07.2013, Blaðsíða 19

AFP
7.7. 2013 MORGUNBLAÐIÐ SUNNUDAGUR 19
Í ljósaskiptunum er ekki úr vegi að
fá sér drykk fyrir matinn og horfa
yfir borgina í leiðinni, sjá hana glitra
þegar skyggja tekur. Þá er gaman
að kíkja á barinn PH-D sem er á
efstu hæð hótelsins Dream Down-
town í Meatpacking-hverfinu. Þar
mætir unga og flotta fólkið í stríð-
um straumum til að spjalla úti á
svölum, en útsýnið þar er stórkost-
legt og sparar manni ferð í Empire
State þar sem biðraðir eru enda-
lausar.
DRYKKUR Á DRAUMI
Mörg börn dunda sér löngum stundum við að byggja úr legókubbum. Yfirleitt
minnkar áhuginn þegar unglingsárin taka við, en einn listamaður í New York hefur
aldrei vaxið upp úr því. Hann hefur gengið lengra en flestir aðrir, en hann notar
eingöngu legókubba í verkin sín, sem eru mörg hver gríðarlega stór. Sýning hans,
The Art of the Brick, var nýlega opnuð á Discovery Times Square í New York-
borg og verður opin fram á næsta ár og því tilvalið fyrir íslenska ferðalanga að sjá
hana. Listamaðurinn, Nathan Sawaya, er mislengi með verkin, en sum hefur tekið
margar vikur að byggja.
LEGÓLIST
Ef ykkur kitlar í fæturna er tilvalið
að skella sér í Central Park en
þar er dansaður tangó alla laug-
ardaga milli sex og níu, frá júní og
fram í lok ágúst, sama hvernig viðr-
ar. Þar koma saman dansunnendur
sem taka sporið úti undir berum
himni og auka matarlystina fyrir
kvöldmatinn. Fyrir byrjendur er
boðið upp á ókeypis kennslu klukk-
an 19.30.
ALLIR Í TANGÓ
Í suðupotti eins og New York er ógrynni af
veitingastöðum og erfitt að velja á milli.
Panna II í East Village býður upp á ógleyma-
legt kvöld, en fyrir utan ódýran og góðan ind-
verskan mat er það ekki síður umhverfið sem
vekur athygli. Staðurinn er lítill, dimmur og
þröngur en úr loftinu hanga þúsundir sería af
hverskyns ljósum, bæði jólaljósum og chilipip-
arljósum. Hávaxnir þurfa jafnvel að beygja sig
til að komast fram hjá þessum ljósafrumskógi
og hentar sennilega ekki fólki með
innilokunarkennd. Þar er þétt setið og þar
sem ekkert er vínveitingaleyfið mætir fólk
með sínar eigin flöskur sem þjónarnir opna
með glöðu geði.
CHILIPIPAR MÆTIR JÓLALJÓSUM