Morgunblaðið - 03.08.2013, Side 12

STANGVEIÐI
Einar Falur Ingólfsson
efi@mbl.is
Áfram er mjög góð laxveiði víða um
land. Flestum löxum hefur verið
landað í Norðurá, 2.450 á mið-
vikudagskvöldið, en í liðinni viku
veiddust 235 laxar í ánni. Það er
heldur minna en í vikunni þar á
undan þegar rúmlega 350 veiddust.
Engu að síður afar fín veiði en nú
hafa veiðst rúmlega þrisvar sinnum
fleiri laxar en voru komnir á land á
sama tíma á niðursveiflusumrinu í
fyrra. Þá er aflinn um 500 löxum
meiri í Norðurá nú en á sama tíma
sumrin 2011 og 2010.
Orri Vigfússon, formaður Vernd-
arsjóðs villtra laxastofna, fagnar
þessum góða gangi og segir útlit
fyrir að laxveiðin í sumar verði
„gríðarlega góð. Veiðin í sumar er
þannig um þriðjungi betri en hún
hefur verið að meðaltali á þessum
tímapunkti síðustu átta ár.“ Hann
segir að á miðvikudag hafi verið bú-
ið að veiða um 21.000 laxa í viðmið-
unarám Landssambands veiðifélaga
en meðaltalið er um 15.500 laxar.
Aðeins einu sinni á síðustu átta ár-
um hefur veiðin verið betri í þeim
25 ám sem Landssambandið miðar
við, en það var metárið 2010.
Síðasta vika gaf 250 laxa
Ein af þeim mörgu ám þar sem
umskiptin eru mikil síðan í fyrra, er
Þverá-Kjarrá, þar sem 2.107 laxar
höfðu veiðst á miðvikudag og eru
það um þrefalt fleiri fiskar en
veiddust í allt fyrrasumar. Síðasta
vika gaf 250 laxa á veiðisvæðinu og
var veiðin víst einkum góð á fjall-
inu, í Kjarrá. Þar veiddust hátt í 60
laxar á miðvikudag. Á sama tíma
fyrir tveimur árum höfðu veiðst
1.272 laxar í Þverá-Kjarrá en hins-
vegar um 2.600 árið 2010, þegar
veiðin var frábær og lokatölur
3.760. Ljómandi gott vatn mun enn
vera í ánum en það jókst í þrumu-
veðrinu á sunnudaginn var.
Góður gangur er í Elliðaánum og
veiðin jöfn og góð, að sögn Ólafs
Jóhannessonar, formanns árnefnd-
ar Elliðaánna. „Á miðvikudagskvöld
höfðu veiðst 792 og það er um 150
löxum betra en á sama tíma í fyrra.
Við erum ánægðir. Nú hefur aðeins
dregið úr göngum en flugusvæðið í
uppánni er mjög sterkt, það er fisk-
ur í hverjum hyl, að heita má.
Menn eru mislagnir að fá fisk, eins
og gengur, en heilt yfir er þetta
gott.“
Morgnarnir eru sterkari en eft-
irmiðdagurinn og þegar blaðamaður
leit í veiðibókina við Elliðaárnar í
vikunni mátti sjá að rúmlega tugur
fiska hafði veiðst daglega á morgn-
ana en nokkru færri á kvöldin.
„Kvótinn er tveir laxar á stöng á
vakt og margir eru að fá kvótann.
Svo halda menn áfram og veiða og
sleppa,“ segir Ólafur.
Vöxtur í Húnaþingi
Rangárnar hafa verið heldur
hægari í gang þetta sumarið en
stundum áður en ljóst er að nú
sækja þær í sig veðrið, eins og
venjulega á þessum tíma. Þannig
veiddust yfir 100 laxar í þeim báð-
um á miðvikudag, síðasta dag júl-
ímánaðar. Og tölurnar munu án efa
halda áfram að stíga næstu vikur.
Laxar húnvesku ánna voru ekki
jafn fljótir úr startblokkunum og
þeir á Vesturlandi en dagsveiðin er
stígandi í þeim öllum. Veiðin í
Blöndu hefur verið framúrskarandi,
eins og fram hefur komið und-
anfarnar vikur; nálgast 2.000 laxa
og langflestir á neðsta svæðinu.
Samkvæmt upplýsingum frá Þresti
Elliðassyni, leigutaka Hrútafjarð-
arár, er veiðin þar þegar komin
fram úr lokatölum í fyrra, sem voru
180 laxar. „Ef fram fer sem horfir
gæti nýtt met orðið í ánni, en það
eru 642 laxar árið 2009. Vanir
Hrútuveiðimenn tala um að þeir
hafi aldrei séð svona mikið af laxi í
ánni áður. Nánast fiskur um alla á
og vatnið frábært og verður spenn-
andi að fylgjast með næstu vikum
því ekkert lát er á göngum í ánna,“
skrifar hann í fréttabréf sitt.
Á sex dögum í vikunni veiddust
31 lax í Svartá í Húnavatnssýslu,
sem er alla jafna góð síðsumarsá,
og var einn 20 punda. Er laxinn
sagður orðinn dreifður um alla á. Í
Víðidalsá hafa þegar veiðst fleiri
laxar en allt sumarið í fyrra, eða
370, og eru það fleiri en á sama
tíma árið 2011. Í Vatnsdalsá er síð-
an frábær gangur, 494 höfðu veiðst
á miðvikudag og þar af gaf liðin
vika 154. Er það sambærileg veiði
og sumrin 2009 og 2010.
Útlit fyrir „gríðarlega góða“ laxveiði
Morgunblaðið/Kristinn
Veitt í Elliðaánum Friðleifur Stefánsson tannlæknir veiðir í Höfuðhyl, efst í Elliðaánum. Flugusvæðið í uppánni hefur verið mjög sterkt.
Aflahæstu árnar
Heimild: www.angling.is
Norðurá (15)
Þverá-Kjarrá (14)
Blanda (14)
Miðfjarðará (10)
Langá (12)
Haffjarðará (6)
Ytri-Rangá & Hólsá, V. (20)
Eystri-Rangá (18)
Grímsá og Tunguá (8)
Elliðaárnar (6)
Selá í Vopnafirði (7)
Flókadalsá (3)
Laxá á Ásum (2)
Laxá í Kjós (10)
Laxá í Leirársveit (7)
Veiðivatn (Stangafjöldi) Veiði
Á sama
tíma í fyrra
715
482
707
715
559
775
1392
1451
274
675
888
133
224
238
168
Staðan 31. júlí 2013
2450
2107
1929
1552
1392
1370
1317
1170
864
792
597
585
561
560
526
 Aðeins einu sinni á síðustu átta árum hefur laxveiðin verið betri  Þrefalt fleiri laxar veiddir
þegar í Þverá-Kjarrá en allt sumarið í fyrra  Jöfn og góð veiði hefur verið í Elliðaánum
12 FRÉTTIRInnlent
MORGUNBLAÐIÐ LAUGARDAGUR 3. ÁGÚST 2013
Smiðjuvegi 2 (við hliðina á Bónus) • Kópavogi • sími 544 2121
Opið virka daga frá kl. 10-18 og laugardaga kl. 11-16 • www.rumgott.is
Rúmgott er eini aðilinn á
Íslandi sem býður upp
á legugreiningu.
ÍS
LE
N
SK GÆ
I60
ÁR
ÞÉR ER BOÐIÐ Í FRÍA
LEGUGREININGU
20-50%
afsl. af öllum
heilsurúmum