Morgunblaðið - 03.09.2013, Blaðsíða 20

20 FRÉTTIRErlent
MORGUNBLAÐIÐ ÞRIÐJUDAGUR 3. SEPTEMBER 2013
Karl Blöndal
kbl@mbl.is
Engin rothögg voru greidd í kapp-
ræðum Angelu Merkel, kanslara
Þýskalands, og Peers Steinbrücks,
kanslaraefnis sósíaldemókrata, á
sunnudag. Merkel lagði áherslu á að
sér hefði tekist að stýra þýsku efna-
hagslífi af öryggi í gegnum kreppuna
á evrusvæðinu. Steinbrück ítrekaði
að hann hygðist auka félagslegt rétt-
læti í Þýskalandi og efla samstöðuna
í Evrópu.
Aðeins þrjár vikur eru í kosning-
ar. Samkvæmt skoðanakönnunum
hefur Merkel mikið forskot á Stein-
brück og munu keppinautarnir ekki
leiða saman hesta sína í kappræðum
í sjónvarpi aftur fyrir kosningarnar.
Merkel vísaði í kappræðunum til
hagvaxtar í Þýskalandi og lítils at-
vinnuleysis og leitaðist við að sann-
færa kjósendur um að Þýskaland
yrði áfram í öruggum höndum næði
hún endurkjöri.
„Þýskaland er aflvaki vaxtar og
akkeri stöðugleika,“ sagði hún. „Við
höfum sýnt hvers við erum megnug á
erfiðum tímum.“
Merkel lagði einnig áherslu á að
stjórn sín hefði dregið úr skuldum
ríkisins og harðlínustefna hennar um
að krefjast umbóta í þeim evrulönd-
um, sem fengu neyðarlán, væri nú að
skila árangri.
Steinbrück gagnrýndi Merkel
einkum fyrir aðgerðaleysi, stjórn
hennar kysi fremur að bíða og sjá til,
en að taka af skarið. Það hefði sést
bæði þegar ákveðið var að segja skil-
ið við kjarnorku og leggja áherslu á
endurnýjanlega orkugjafa og þegar
gera átti grein fyrir hneykslinu
vegna netnjósna Bandaríkjamanna.
Merkel hefði „lamað“ forustu lands-
ins.
„Ég framkvæmi ekki fyrst og
hugsa svo,“ svaraði Merkel og vísaði
þar til þess að Steinbrück, sem
kveðst tala hreint út, hefur ítrekað
talað af sér í kosningabaráttunni.
„Ég geri hið gagnstæða: Ég hugsa,
síðan ákveð ég mig og svo fram-
kvæmi ég.“
Steinbrück sagði að bilið milli
ríkra og fátækra hefði breikkað í
Þýskalandi og krafðist þess að lág-
markslaun yrðu hækkuð í landinu.
Sömuleiðis þyrfti að efla aðra hjálp
Jafnar kansl-
arakappræður
 Merkel og Steinbrück tókust á
Hólmfríður Gísladóttir
holmfridur@mbl.is
Það var stjórnarher forsetans sýr-
lenska, Bashar al-Assad, sem stóð
að baki efnavopnaárásinni í höfuð-
borginni Damaskus 21. ágúst síðast-
liðinn og varð a.m.k. 281 að bana,
segir í skjölum frönsku leyniþjón-
ustunnar sem birt voru í gær.
Fréttastofa AFP hefur eftir heim-
ildarmanni að samkvæmt skjölunum
hafi umfang árásarinnar verið gríð-
arlegt en áætlaður fjöldi látinna
talsvert minni en að sögn banda-
rísku leyniþjónustunnar, sem telur
1.400 hafa fallið.
Assad sagði í viðtali við franska
dagblaðið Le Figaro í gær að hern-
aðaraðgerðir vestrænna ríkja gegn
Sýrlandi gætu leitt til stríðsástands
í Mið-Austurlöndum og hótaði því að
Frakkar myndu gjalda fyrir þátt-
töku í slíkum aðgerðum. „Allir munu
missa stjórn á ástandinu þegar púð-
urtunnan springur. Ringulreið og
öfgahyggja munu breiðast út. Það er
hætta á svæðisbundnu stríði,“ sagði
hann meðal annars.
Forsætisráðherra Frakka, Jean-
Marc Ayrault, sagði í gær að ekki
yrði efnt til atkvæðagreiðslu þegar
franska þingið kemur saman til að
ræða málefni Sýrlands á morgun.
Hann sagði engan vafa á því að Ass-
ad bæri ábyrgð á árásinni og að
Francois Hollande, Frakklandsfor-
seti, ynni að því að mynda bandalag
um aðgerðir.
Öldungadeildin auðveldari
John Kerry, utanríkisráðherra
Bandaríkjanna, og Chuck Hagel,
varnarmálaráðherra, munu sitja fyr-
ir svörum hjá utanríkismálanefnd
öldungadeildar bandaríska þingsins
í dag en forsetinn, Barack Obama,
tilkynnti á laugardag að hann myndi
leita eftir umboði hjá þinginu til
hernaðaraðgerða gegn Sýrlands-
stjórn.
Víst þykir að auðveldara verði
fyrir Obama að safna stuðningi í öld-
ungadeildinni, þar sem demókratar
eru í meirihluta, en í fulltrúadeild-
inni ráða repúblikanar lögum og lof-
um og þar sitja margir íhaldssamir
þingmenn sem hafa sett sig á móti
svo til öllum málum sem forsetinn
hefur reynt að koma í gegn.
Obama fundaði í gær með öld-
ungadeildarþingmönnunum John
McCain og Lindsey Graham, sem
hafa hvatt forsetann til að grípa til
víðtækari aðgerða í Sýrlandi en
þeirra takmörkuðu og hnitmiðuðu
árása sem stefnt er að. Báðir eru
áhrifamiklir repúblikanar og gæti
stuðningur þeirra skipt Obama
sköpum.
Enginn fundur Vina Sýrlands
Bresk stjórnvöld sögðu í gær að
engar áætlanir væru uppi um aðra
atkvæðagreiðslu í breska þinginu
um hernaðaríhlutun í Sýrlandi en að
sú staða kynni að verða endurskoð-
uð ef aðstæður breyttust „umtals-
vert“.
Aðgerðir aftur á við
 Frakkar segja
Assad ábyrgan
 Obama safnar
stuðningi
Deilur Sýrlenskir innflytj-
endur í Búlgaríu hrópa slag-
orð gegn sýrlenskum stjórn-
völdum. Rússar tilkynntu í
gær að þeir myndu senda
sendinefnd til Bandaríkjanna
til að ræða við þingmenn um
málefni Sýrlands.
Hinn litríki Kim Dotcom, stofnandi skráaskiptasíðnanna
Megaupload og Mega, tilkynnti í gær að hann hygðist
stofna nýtt stjórnmálaafl og bjóða fram í þingkosning-
unum á Nýja-Sjálandi á næsta ári. Á stefnuskrá flokks-
ins verður m.a. endurbætt netlöggjöf og lægri netkostn-
aður en hreyfingin, sem á eftir að hljóta nafn, verður
stofnuð formlega hinn 20. janúar næstkomandi, þegar
tvö ár verða liðin frá því að lögregla réðst inn á heimili
Dotcom í Auckland og netjöfurinn í kjölfarið ákærður
fyrir brot á lögum um höfundarrétt.
Í viðtali við vefsíðuna torrentfreak.com sagði Dotcom að einhver þyrfti
að leiða Nýja-Sjáland inn í framtíðina en sitjandi forsætisráðherra, John
Key, sagði um almannatengslabrellu að ræða og lagði til að Dotcom skýrði
stjórnmálahreyfingu sína „Vonlausa flokkinn“.
NÝJA-SJÁLAND
Stofnandi Megaupload og Mega hyggst
bjóða fram í þingkosningum á næsta ári
Mál taívanskrar
ekkju sem átti yf-
ir höfði sér 298
ára fangelsisdóm
fyrir að hafa átt í
ástarsambandi
við giftan mann,
hefur vakið deil-
ur um taívönsku
löggjöfina gegn
framhjáhaldi. Konan, sem er 56 ára,
var sjálf ógift þegar sambandið stóð
yfir en yfirvöld mátu að parið hefði
átt 894 ástarfundi og samkvæmt
gildandi lögum eru viðurlögin fyrir
hvert skipti allt að fjögurra mánaða
fangelsi. Konan var á endanum
dæmd til að greiða jafnvirði 24.300
Bandaríkjadollara í sekt eða sæta
tveggja ára fangelsi en maðurinn
slapp án refsingar eftir að kona hans
ákvað að fyrirgefa honum og dró til
baka ákæruna á hendur honum.
Lin Mei-hsun, aðstoðarfram-
kvæmdastjóri Modern Women’s
Foundation, segir Taívan eitt fárra
Asíulanda þar sem framhjáhald er
enn ólöglegt og gagnrýnir að kon-
unni hafi verið refsað en manninum
ekki. Hún segir að konur eigi að
geta valið hvern þær elska og eigi í
kynferðissambandi við. Yfirvöld
benda hins vegar á að löggjöfin njóti
víðtæks stuðnings en kannanir sýna
að um 80% taívönsku þjóðarinnar
eru á móti því að lögin verði felld úr
gildi.
TAÍVAN
Átti yfir höfði sér
298 ára fangelsi
Stjórnvöld á Spáni, undir forystu
forsætisráðherrans Mariano Rajoy,
hyggjast fella úr gildi löggjöf frá
2010 sem heimilar fóstureyðingar
fram á 14. viku og taka aftur upp
löggjöf frá 1985, sem leyfði fóstur-
eyðingar aðeins í þeim tilfellum
þegar um nauðgun var að ræða,
fóstrið vanskapað eða líf eða sálar-
heill móðurinnar í hættu.
Nýja löggjöfin verður lögð fram
í október en dómsmálaráðherrann
Alberto Ruiz Gallardo segir hana
munu verða í takt við skuldbind-
ingar ríkisstjórnarinnar og viðmið
stjórnarskrárdómstólsins sem
hafði fullgilt lögin frá 1985 en
ekki þau frá 2010. Ráðherrann
hefur sjálfur lýst því yfir að það
eigi ekki að nota líf móðurinnar
sem átyllu til að standa ekki vörð
um líf barnsins.
SPÁNN
Sækja í eldri lög um
fóstureyðingar
AFP
Breytingar Gallardo segir að nýja
löggjöfin verði kynnt í október.