Morgunblaðið - Sunnudagur - 29.12.2013, Qupperneq 48

48 MORGUNBLAÐIÐ SUNNUDAGUR 29.12. 2013
Vinur við veginn
Olís hefur opnað metanafgreiðslu á þjónustustöð
Olís í Mjóddinni, á mótum Reykjanesbrautar og
Álfabakka. Metanið er vistvænt íslenskt eldsneyti,
unnið úr hauggasi frá lífrænum úrgangi.
Taktu grænu skrefin með Olís!
PI
PA
R\
TB
W
A
·
SÍ
A
·
13
18
24
Metan í Mjódd
ritstýra skólablaðinu héðan frá Spáni, gegnum Skype. Það er
frekar erfitt. Síðan er ég bæði í rapp- og pönkhljómsveit þótt
ég kunni ekkert á hljóðfæri. Pönksveitin heitir Prostitute of
Liberty og við æfum á vinnustofunni hjá mömmu.“
Þess utan er Salka liðtækur hönnuður og eitt af næstu
verkefnum hennar verður að hanna leikskrá vegna sýningar
sem foreldrar hennar eru að undirbúa. Meira um þá sýningu
hér á eftir.
Með námi og öllum þessum áhugamálum hefur Salka unn-
ið í sjoppunni og á barnum í Borgarleikhúsinu í hálft þriðja
ár. Faðir hennar bendir á, að verslunarstörf útheimti gjarn-
an jafnaðargeð og séu fyrir vikið góður skóli.
Allt um það. Þá er Salka rokin í tattú. „Ég ætla að fá mér
Línu langsokk. Líklega á ökklann.“
Þetta er ungt og leikur sér.
Elskar að leika
Þá er komið að feðgunum. Byrjum á Gretti.
„Ég er að gera margt og mikið,“ segir hann. „Ég leik eitt
aðalhlutverkið í Mary Poppins í Borgarleikhúsinu. Við skipt-
um því tveir á milli okkar og ætli ég sé ekki búinn að leika í
um sextíu sýningum núna. Það hefur verið æðislega gaman.
Síðan er ég í Óvitunum með Grímu systur minni. Það er ekki
eins stórt hlutverk en rosalega skemmtilegt. Það eru fleiri
krakkar í Óvitunum og stemningin góð í hópnum.“
Grettir steig fyrst á svið í Óliver Twist fyrir fjórum árum
og hefur þegar leikið í sex stórum sýningum. Þær þrjár sem
ekki hafa verið nefndar eru Galdrakarlinn í Oz, Allir synir
mínir og Dýrin í Hálsaskógi. Þess utan hefur hann talað inn
á fjölda teiknimynda.
„Ég elska þetta og ætla að verða leikari. Get eiginlega
ekki beðið. Mér finnst miklu skemmtilegra að leika en að
vera í skólanum,“ segir Grettir og bætir við að
ekki sé alltaf auðvelt að halda aftur af sér. „Ég er
alltaf að syngja og hoppa upp á stóla.“
Er með mjög góðan kennara
Spurður hvernig því sé almennt tekið í Vest-
urbæjarskólanum svarar Grettir því til að hann sé
með mjög góðan kennara. „Hún heitir Erna Guð-
ríður Kjartansdóttir og hefur reynst mér mjög
vel. Við höfum gert með okkur samkomulag sem
felst í því að leysi ég ákveðin verkefni í náminu
fái ég smá frelsi.“
Enda þótt stefnan sé skýr veit Grettir að hann
þarf að standa sig vel í skólanum. Annars kemst
hann ekki í leiklistarnám. „Pabbi er mjög dugleg-
ur að minna mig á þetta,“ segir hann brosandi.
Gretti þykir skemmtilegra að leika á sviði en í
kvikmyndum, þar keyrir orkan hann áfram. „Það
er alltaf jafngaman að stíga á svið og það hressir
mig alltaf við.“
Þrátt fyrir alla orkuna segir Valur Freyr son
sinn mjög agaðan í leikhúsinu. Þeir feðgar leika
einmitt saman í Mary Poppins. „Þetta er meiri
vinna fyrir krakka en fólk gerir sér grein fyrir.
Sérstaklega í eins stórri sýningu og Mary Popp-
ins,“ segir Valur Freyr.
Besti mælikvarðinn
Eldri bróðirinn, Ísak, er á allt annarri leið í lífinu. Hefur
aldrei staðið á leiksviði og hefur engin áform um það. „Ég
hef samt hafnað nokkrum hlutverkum,“ segir hann sposkur á
svip.
Ísak er ekki alfarið að spauga en í fyrra kom til
tals að hann færi í prufu vegna kvikmyndarinnar
Noah, myndi þá reyna sig við aðalsöguhetjuna unga.
Það vantaði sumsé ungan Russell Crowe. Ísak fór
ekki í prufuna, hafði ekki nógu mikinn áhuga.
„Ég kann betur við mig í hlutverki áhorfandans,“
segir hann.
Ilmur segir Ísak mjög þjálfaðan í því hlutverki og
fjölskyldumeðlimir leiti ósjaldan til hans eftir gagn-
rýni. „Í þessari fjölskyldu er Ísak besti mælikvarð-
inn á gæði sýninga,“ segir hún.
Og hann er ekki bara áhorfandi. Ísak byrjaði í
sumar að vinna í sjoppunni í Borgarleikhúsinu með
Sölku systur sinni og líkar vel.
Námið á hug Ísaks allan en hann er á öðru ári í
Verzlunarskóla Íslands. Byrjaði raunar í MR en
skipti yfir eftir fyrsta árið og sér ekki eftir því.
„Versló á mun betur við mig, bæði hvað varðar nám
og félagslíf.“
„Svo eru stelpurnar líka sætari,“ skýtur faðir
hans inn í.
Þeir hlæja.
„Segðu okkur hvað kærastan þín heitir!“ segir
Grettir og hamrar járnið.
Ísak lætur sér hvergi bregða við þetta áreiti og
gefur nafnið fúslega upp. Birna Borg Gunnarsdóttir.
Borg er auðvitað mjög leikhúslegt nafn en Birna
er ekki komin af leikurum, heldur flugmönnum.
Fer það ekki ágætlega saman?
Raungreinar eru í mestu uppáhaldi og Ísak er nokkuð viss
um að hann eigi eftir að feta þá braut. Hvert fagið verður
liggur þó ekki fyrir enn. „Það kemur með tímanum.“
Frá gjörningi Ilmar í Hafnarborg síðastliðið haust.
Ljósmynd/Jón Páll Eyjólfsson
Teikning Hugleiks
Dagssonar af Ilmi og
Grímu í leikskránni
vegna Forðist okkur!
Valur Freyr í verðlaunaleikriti sínu Tengdó.