Morgunblaðið - Sunnudagur - 05.01.2014, Page 50

F
ólk faðmast á Stóra sviði Borg-
arleikhússins. Líkt og „strákarnir
okkar“ fyrir mikilvægan kappleik.
Leiklist er líka hópíþrótt og nauð-
synlegt að þétta raðirnar fyrir stór-
leiki. Síðustu æfingu ársins 2013 á Hamlet
Shakespeares er lokið og menn á leið í stutt
en kærkomið áramótafrí. Ég er þarna staddur
í fylgd með Hamlet sjálfum, Ólafi Darra
Ólafssyni, og finn til smæðar minnar and-
spænis leikmynd Ilmar Stefánsdóttur – fimm
tonnum af járni. Eins gott að þetta virki sé
sæmilega fest. Ég er fullvissaður um það. Af
sviðinu leggjum við Ólafur Darri leið okkar
fram í forsal leikhússins til að ræða saman.
Hann býður upp á tópas og sódavatn. Fínt
saman. Ófelía, Hildur Berglind Arndal, þarf af
hafa fataskipti áður en hún slæst í hópinn.
„Þetta er mjög spennandi,“ segir Ólafur
Darri, þegar við höfum komið okkur fyrir í
leðrinu, spurður um þetta hlutverk allra hlut-
verka í leikhúsinu. „Sérstaklega í ljósi þess að
ég gerði aldrei ráð fyrir því að leika Hamlet.
Hélt ekki að ég væri týpan í það. Þegar mér
var boðið að leika Lenný í Músum og mönn-
um hér í Borgarleikhúsinu í fyrra kom það
mér ekki sérstaklega mikið á óvart. Við erum
ekki svo margir hér á landi, stóru leikararnir,
sem pössum í það hlutverk. Öðru máli gegnir
um Hamlet, maður sér ýmsa fyrir sér í hlut-
verki hans.“
Orðinn of gamall?
En Ólafur Darri varð fyrir valinu að þessu
sinni og fljótt leysti eftirvæntingin undrunina
af hólmi. „Ég hafði ekki lesið Hamlet síðan ég
var í leiklistarskólanum fyrir fimmtán árum
og það var mjög spennandi að nálgast verkið
aftur núna á þessum forsendum. Til að byrja
með velti ég því aðeins fyrir mér hvort ég
væri orðinn of gamall í hlutverkið en ef ég á
að vera alveg hreinskilinn er ég feginn að
hafa ekki verið boðið það fyrr. Það er gott að
búa að fimmtán ára reynslu þegar maður
tekst á við Hamlet. Mér finnst ég hafa meira
að segja núna. Þetta er nógu erfitt þótt mað-
ur sé orðinn fertugur,“ segir hann og brosir.
Það er þó alls ekki algilt. „Hilmir Snær
[Guðnason] var ekki búinn að vera útskrifaður
lengi þegar hann lék Hamlet í Þjóðleikhúsinu
1997 en gerði það með glæsibrag. Kannski er
ég bara svona seinþroska?“
Hann skellir upp úr.
Spurður hvort hann sé þá hvergi banginn
hleypir Ólafur Darri brúnum. „Jú, jú, bless-
aður vertu. Ég er skíthræddur. „Að vera eða
ekki vera.“ Maður er búinn að heyra þann
mónólóg svo ofboðslega oft. Ég notaði hann
meira að segja til að hita mig upp þegar ég
var í leiklistarskólanum og sýndi honum
mátulega mikla virðingu. Núna er það að bíta
mig í rassinn.“
Sjarmatröll Íslands
Hildur Berglind er nú sest hjá okkur og er þá
spurð hvort valið á Ólafi Darra í aðalhlutverk
sýningarinnar hafi komið henni í opna skjöldu.
„Nei, alls ekki,“ svarar hún. „Það er hjartað
í Hamlet sem skiptir mestu máli – ekki útlitið.
Þess utan er Darri mjög myndarlegur maður.
Það er búið að titla hann sjarmatröll Íslands.“
Hún gjóar augunum á meðleikara sinn. Í
þeim renna saman virðing og stríðni.
„Nú jæja, er það orðið opinbert?“ segir
Ólafur Darri mæðulega.
Hildur Berglind er á sínu fyrsta leikári í
Borgarleikhúsinu, brautskráðist frá Listahá-
skóla Íslands síðastliðið vor. Leikhúsgestir
hafa þegar séð hana í Húsi Bernhörðu Alba,
þar sem hún leikur yngstu dótturina, og fram-
undan eru hlutverk í Ferjunni eftir Kristínu
Marju Baldursdóttur og Baldri eftir Skálmöld.
Dágott á fyrsta ári.
„Ég tek öllum þessum verkefnum fagnandi.
Hús Bernhörðu Alba var mikil áskorun og
það á við um Hamlet líka. Ófelía er stórbrotin
persóna og ég skil hvernig henni líður í þess-
um erfiðu aðstæðum og hvers vegna hún gríp-
ur til slíkra örþrifaráða,“ segir Hildur Berg-
lind.
Allur skalinn
Í ljósi þess sem Ólafur Darri sagði hér að
framan er hún spurð að því hvort hún hefði
kosið að fá hlutverkið aðeins síðar á ferlinum.
„Ég velti því ekki fyrir mér,“ svarar Hildur
Berglind. „Mér er treyst fyrir þessu núna. Í
leikhúsi tekur maður því sem að höndum
ber.“
Hamlet og Ófelía eru með frægari elsk-
endum leikbókmenntanna. Eigi að síður skar-
ast leiðir þeirra ekki oft í verkinu og Ólafur
Darri bendir á að fyrir vikið sé það stór glíma
fyrir leikarana að sannfæra áhorfendur um að
ástin lifi.
Ekki þarf að fjölyrða um verkið sem slíkt.
Hamlet er eitt mest sýnda leikrit allra tíma.
Ólafur Darri segir það alltaf eiga jafnmikið
erindi, orðið meira en fjögur hundruð ára
gamalt. „Það er allur skalinn í þessu verki.
Hamlet á sokkabuxum með hauskúpu er tákn-
mynd fyrir Shakespeare og þessa tegund af
leikhúsi. Viðfangsefnin eru klassísk: Morð,
sorg, ást og hatur. Og mögulega geðveiki.
Mörkin eru ekki alltaf skýr í þeim efnum.
Verkið er mjög opið til túlkunar. Þess vegna
hafa menn nennt að leika það í fjögur hundr-
uð ár. Því meira sem strengurinn er þaninn
þeim mun meira liggur undir.“
Hildur Berglind tekur undir þessi orð.
Verkið sé hiklaust eins gott og af sé látið.
„Ekki versnar það heldur í meðförum Jóns
Páls Eyjólfssonar leikstjóra. Hann hefur fund-
ið mjög áhugaverða nálgun. Manni líður ekki
eins og þetta sé ævafornt stykki, við gætum
alveg eins verið stödd í nútímanum,“ segir
hún.
Nettklikkaður leikstjóri
Ólafur Darri er sammála þessu en þeir Jón
Páll unnu líka saman í Músum og mönnum.
„Ég hafði leikið með Jóni Páli áður en aldrei
haft hann sem leikstjóra. Ég var himinlifandi
með það samstarf og þetta hefur ekki verið
síðra. Jón Páll er nettklikkaður og hefur
ástríðu fyrir því sem hann er að gera. Það er
lykilatriði í leikhúsi. Leikhúsið á að segja sög-
ur – alla vega skil ég mitt hlutverk þannig –
og Jón Páll er mjög flinkur við það. Við
brennum báðir í skinninu að segja sögur.“
Ýmsir merkir leikarar hafa farið með hlut-
verk Hamlets gegnum aldirnar. Fyrstur var
Richard Burbage í Globe-leikhúsinu í Lund-
únum en síðan Sarah Bernhardt, Edwin Bo-
oth (bróðir Johns Wilkes), John Gielgud,
Laurence Olivier, Richard Burton, Derek Jak-
obi, Kenneth Branagh, Jude Law og margir
fleiri.
Fyrstur Íslendinga til að leika prinsinn var
Lárus Pálsson árið 1949. Gunnar Eyjólfsson
Að hafna höfnuninni
ÞAÐ ER EKKI LÍTIÐ UNDIR HJÁ ÓLAFI DARRA ÓLAFSSYNI OG HILDI BERGLINDI ARNDAL Í
BYRJUN NÝS ÁRS. SJÁLFUR HAMLET, PRINS ALLRA PRINSA, OG HIN ÓMÓTSTÆÐILEGA ÓFELÍA.
ANNAÐ BYGGIR Á REYNSLUNNI EN HITT Á SPRIKLANDI ÆSKUFJÖRI. ÞAÐ GILDIR Í RAUN EINU –
SVO LENGI SEM HJARTAÐ RÆÐUR FÖR. MEISTARAVERK WILLIAMS SHAKESPEARES VERÐUR
FRUMSÝNT Á STÓRA SVIÐI BORGARLEIKHÚSSINS LAUGARDAGINN 11. JANÚAR.
Texti: Orri Páll Ormarsson orri@mbl.is
Mynd: Kristinn Ingvarsson kring@mbl.is
50 MORGUNBLAÐIÐ SUNNUDAGUR 5.1. 2014
Viðtal
PI
PA
R\
TB
W
A
•
SÍ
A
•
13
36
52
Við dobblum*
til að útvega meiri afslátt
Markamunur í sigurleikjum íslenska handboltalandsliðsins á EM stjórnar
afslættinum daginn eftir leik – en við tvöföldum markamuninn.
Dæmi: Ef Ísland vinnur með 5 marka mun verður afslátturinn 10 krónur!
*Sögnin að „dobla“ er skrifuð með einu b skv. íslenskri orðabók. Við höfum ákveðið að dobbla béið líka.