Morgunblaðið - 18.03.2014, Blaðsíða 2

2 FRÉTTIRInnlent
MORGUNBLAÐIÐ ÞRIÐJUDAGUR 18. MARS 2014
Gr
eið
slu
mi
ðlu
n
Alskil hf • Sími: 515 7900 • alskil@alskil.is • www.alskil.is
Ka
nnaðu Málið!alskil.is
Þeir sem nýta sér
greiðslumiðlun Alskila fá
viðskiptakröfur greiddar
hraðar en áður!
Vissir þú að . . .
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson, ritstjorn@mbl.is Viðskipti Agnes Bragadóttir, vidskipti@mbl.is Menning Einar Falur Ingólfsson menning@mbl.is Íþróttir
Víðir Sigurðsson sport@mbl.is mbl.is Guðrún Hálfdánardóttir, Sunna Ósk Logadóttir netfrett@mbl.is, Smartland Marta María Jónasdóttir, smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Kynntu slitastjórn stöðuna
 Fulltrúar ríkisstjórnarinnar á fundi með kröfuhöfum og slitastjórn Kaupþings
 Farið yfir sjónarmið ríkisins og stöðu efnahagsmála auk áhættuþátta
Viðar Guðjónsson
vidar@mbl.is
Fulltrúar frá ríkisstjórninni sóttu
fund slitastjórnar Kaupþings og
kröfuhafa í gær þar sem þeir
kynntu stöðu efnahagsmála og
áhættuþætti sem geta haft áhrif á
stöðugleika efnahagslífsins.
Þeir Benedikt Gíslason og Tómas
Brynjólfsson voru fulltrúar fjár-
málaráðuneytisins á fundinum. Þeir
voru boðaðir til fundarins að beiðni
slitastjórnar. Vildi hún með því fá
betri skilning á stöðu mála þegar
kemur að nauðasamningsumleitun-
um með kröfur bankans. Á fund-
inum voru fulltrúar kröfuhafaráða
Glitnis og Kaupþings ásamt fulltrú-
um ríkis- og slitastjórnar. Jóhannes
Rúnar Jóhannsson, sem situr í
slitastjórn Kaupþings, segir að
beiðni hafi verið send til fjármála-
og efnahagsráðuneytisins til að
draga fram sjónarmið ríkisins. Í því
hafi falist að fá fram sýn ríkisins á
ákveðnar hagstærðir og þróun.
„Þeir fóru yfir opinberar tölur um
stöðu þjóðarbúsins,“ segir Jóhannes
en vill að öðru leyti ekki tjá sig um
efni fundarins. „Það skiptir okkur
miklu máli að hafa sem bestar og
áreiðanlegastar upplýsingar. Þess
vegna fengum við þá á fundinn,“
segir Jóhannes. Hann segir að slita-
stjórnin fundi oft með óformlegum
kröfuhafaráðum bankanna. „Við
reynum að funda með þeim með
ákveðnu millibili,“ segir Jóhannes.
Kröfuhafaráð voru sett á fót árið
2008. Í því sitja fulltrúar kröfuhafa.
Að sögn Jóhannesar sitja 25-30
manns á fundum og þar af séu
gjarnan um 20 aðilar frá kröfu-
höfum.
Morgunblaðið/Sverrir
Kaupþing Slitastjórn boðaði full-
trúa ríkisstjórnarinnar til fundar.
Gert er ráð fyrir því að tap af rekstri RÚV verði 357 millj-
ónir króna á yfirstandandi rekstrarári. Þetta kom fram í
tilkynningu frá stjórn RÚV til Kauphallar Íslands í gær-
kvöldi. Þar kemur jafnframt fram að niðurstaðan sé mikil
vonbrigði og að gerð verði óháð úttekt á fjármálum stofn-
unarinnar. „Ljóst er að frávikið frá þeim áætlunum sem
áður höfðu verið lagðar fram er umtalsvert og útlit er fyrir
að tapið af rekstrinum muni hafa veruleg áhrif á eigið fé
Ríkisútvarpsins, en það var við lok síðasta rekstrarárs 653
milljónir króna,“ segir í tilkynningunni.
Því sé ljóst að hlutfall eiginfjár Ríkisútvarpsins fari und-
ir 8% mörkin sem skilgreind eru í lánasamningum sem það
hefur gert.
Að sögn Ingva Hrafns Óskarssonar, formanns stjórnar
RÚV, verður ekki gerð frekari krafa um hagræðingar-
aðgerðir eins og gerðar voru fyrr á starfsárinu að svo
stöddu. „Við gerum ráð fyrir því að fyrri aðgerðir eigi eftir
skapa sparnað og skila sér betur inn í reksturinn. Við telj-
um að það séu allar forsendur til þess að ná jafnvægi og
stöðva þennan taprekstur,“ segir Ingvi. Hann viðurkennir
þó að búist hafi verið við því að hagræðingaraðgerðirnar
myndu skila sér hraðar inn í reksturinn. „Þessi úttekt er til
þess gerð að fá betri yfirsýn yfir þessa stöðu og að ná tök-
um á rekstrinum án þess að fara í róttækar niðurskurðar-
aðgerðir,“ segir Ingvi Hrafn. Magnús Geir Þórðarson út-
varpsstjóri hefur boðað til starfsmannafundar í dag. Ekki
náðist í Magnús við vinnslu fréttarinnar. vidar@mbl.is
Vonbrigði með rekstur RÚV
 Tap verði 357 milljónir kr.
 Ekki meiri niðurskurður
Ríkisútvarpið Búist var við því að hagræðingaraðgerð-
irnar myndu skila sér hraðar að sögn formanns stjórnar.
Morgunblaðið/Ómar
Banaslys varð á Ólafsfjarðarvegi á
Hámundarstaðahálsi skammt sunnan
Dalvíkur um kl. 09.14 í gærmorgun.
Kona á fertugsaldri, sem var farþegi í
fólksbifreið, lést er bifreiðin lenti í
árekstri við pallbifreið sem kom úr
gagnstæðri átt. Tildrögin voru þau að
pallbíl var ekið suður þjóðveginn og
hugðist ökumaður hans aka fram úr
vörubíl með snjómoksturstönn sem
var að hreinsa veginn.
Í sömu svifum kom fólksbíll á móti
sem ekið var norður þjóðveginn og
varð harður árekstur. Ökumaður
pallbílsins slasaðist ekki. Ökumaður
fólksbílsins og annar farþegi voru
fluttir á Sjúkrahúsið á Akureyri
talsvert slasaðir.
Ekki er hægt að birta nafn hinnar
látnu að svo stöddu.
Banaslys
nærri Dalvík
Niðurrif Skuggabarsins gamla á baklóð Hótel Borgar í Pósthússtræti var
langt á veg komið í gær, en sú bygging víkur fyrir fjögurra hæða viðbygg-
ingu sem rúmar 43 hótelherbergi. Að sögn Ólafs Ágústs Þorbergssonar
hótelstjóra er stefnt að því að nýju herbergin verði tekin í notkun á næsta
ári. Fyrir eru í húsnæðinu 56 gestaherbergi. Ekki voru allir nágrannar
hótelsins sáttir við framkvæmdirnar þegar þær voru kynntar í fyrra. Var
því haldið fram að nýbyggingin myndi leiða af sér skuggavarp og minna
útsýni í garði Hressingarskálans, á veröndinni hjá Te & Kaffi og útitorgi á
lóð Lækjargötu 4. Borgaryfirvöld sögðu hins vegar að Borgin væri eitt
elsta og virtasta hótel landsins og mikilvægt að hún fengi að dafna.
Skuggabarinn gamli víkur fyrir hótelherbergjum
Morgunblaðið/Kristinn
Landsvirkjun tilkynnti í gær að fyr-
irtækið hefði undirritað raforkusölu-
samning við fyrirtækið PCC Bakki
Silicon hf. Samkvæmt samningnum
mun Landsvirkjun útvega rafmagn
fyrir kísilmálmverksmiðju sem PCC
Bakki Silicon áformar að reisa við
Bakka við Húsavík. Gert er ráð fyrir
að verksmiðjan hefji starfsemi
snemma á árinu 2017 og muni fram-
leiða allt að 36 þúsund tonn af kísil-
málmi og nota 58MW af afli sem
unnið verður með endurnýjanlegum
hætti í jarðvarma- og vatnsaflsvirkj-
unum. Samningurinn er undirrit-
aður með ákveðnum fyrirvörum sem
þurfa að vera uppfylltir síðar á
árinu, þ.m.t. um tilheyrandi leyfis-
veitingar og fjármögnun, auk sam-
þykki stjórna beggja félaganna.
„Síðustu ár hefur PCC Bakki Sili-
con unnið ötullega að því að þróa kís-
ilmálmverkefni okkar á Bakka þar
sem við teljum fyrsta flokks að-
stæður vera fyrir hendi til að byggja
og reka kísilmálmverksmiðju. Sam-
starf okkar við Landsvirkjun hefur
verið faglegt og traust og undirritun
raforkusölusamningsins í dag er
mjög mikilvægur áfangi í verkefni
okkar,“ segir Peter Wenzel, stjórn-
armaður í PCC Bakki Silicon.
Samið um
sölu raforku
Stóriðja Kísilmálmverksmiðjan
verður á Bakka við Húsavík.
 Framleiðsla á
Bakka eftir þrjú ár