Morgunblaðið - 10.07.2014, Blaðsíða 14

14
MORGUNBLAÐIÐ FIMMTUDAGUR 10. JÚLÍ 2014
Páll Fannar Einarsson
pfe@mbl.is
Næstkomandi laugardag fer Laugavegs-
hlaupið fram í 18. sinn. Frá upphafi hefur
hlaupið verið haldið af Reykjavíkur-
maraþoni en alls eru 357 hlauparar skráð-
ir til keppni í ár. Þar af eru 105 konur og
252 karlar. Aldrei hafa fleiri verið skráðir
til þátttöku í Laugavegshlaupinu en nú.
Íslenskir þátttakendur eru 216 talsins
og frá öðrum löndum kemur 141. Þátttak-
endur í hlaupinu eru frá 29 mismunandi
þjóðlöndum en þar eru Bandaríkjamenn
fjölmennastir eða 29 talsins. Á eftir
Bandaríkjamönnum koma Þjóðverjar
með 17 þátttakendur. Þá fylgja Kanada-
menn fast á hæla Þjóðverja með 16 þátt-
takendur.
Tekur venjulega fjóra daga
Eins og margir vita er Laugavegurinn
ein fjölfarnasta og vinsælasta gönguleiðin
um íslensk öræfi. Venjan er að ganga leið-
ina á fjórum dögum en methlauptími á
þessari 55 km leið í Laugavegshlaupi er
fjórar klukkustundir og 19 mínútur í
karlaflokki og fimm klukkustundir í
kvennaflokki.
Hlaupið hefst við skála Ferðafélags Ís-
lands í Landmannalaugum klukkan níu
um morguninn og lýkur við skála Far-
fugla í Húsadal í Þórsmörk. Tímamörk
eru í hlaupinu og þurfa hlauparar að vera
komnir í Álftavatn (22 km) á innan við
fjórum klukkustundum og í Emstrur (34
km) á innan við sex klukkustundum. Það
er því aðeins fyrir vel æfða hlaupara að
taka þátt í þessari miklu þolraun.
Íslenskt sumarveður
Hlauparar þurfa ekki aðeins að berjast
við kílómetrana 55 og þá miklu hækkun
sem er á leiðinni heldur einnig náttúru-
öflin. Í tilkynningu frá skipuleggjendum
hlaupsins segir að búast megi við öllu af
íslenska sumarveðrinu sem hefur verið
kalt í ár. Vitað er að það er mikill snjór í
Hrafntinnuskeri og nágrenni og að árnar
sem fara þarf yfir geta verið vatnsmiklar
eftir rigningu og leysingar síðustu daga.
Margir hlaupa Laugavegshlaupið ár
eftir ár. Í 18 ára sögu hlaupsins hafa níu
einstaklingar lokið 10 eða fleiri hlaupum
og um 70 hafa lokið fimm eða fleiri hlaup-
um.
Aldrei fleiri verið með
 Laugavegshlaupið
fer fram um helgina Fyrirsögn hérLaugavegshlaupið 2014
Landmannalaugar
Upphaf hlaups
Skráning
WC
Hrafntinnusker
10 km
Drykkjarstöð
WC
Álftavatn
22 km
Talning
Tímamörk 4 klst
WCBláfjallakvísl
Auka farangur
Innri Emstruá
30 km
Drykkjarstöð
Ljósá - Kápa
Drykkjarstöð
Þröngá
50 km
Húsadalur
55 km
Endamark
Emstruskáli
34 km
Talning
Tímamörk 6 klst
Drykkjarstöð
WC
Frostastaðavatn
Torfajökull
Tindfjallajökull
Mýrdalsjökull
Eyjafjallajökull
Grunnkort/Loftmyndir ehf.
Morgunblaðið/Eva Björk
Í óbyggðum Laugavegurinn er ekki alltaf auðveldur yfirferðar.
Sæluhelgi á Suðureyri verður hald-
in dagana 11.-13. júlí en hátíðin
hefst á föstudegi með þorpsgöngu
og matarferð. Þar verður öllum
gestum boðið í kynnisferð um eyr-
ina þar sem saga þorpsins og húsa
er rakin. Eftir gönguna verður há-
tíðin svo formlega sett í Bryggju-
koti. Þar verður kynning á Sælu-
helgarlaginu Heima, sameiginlegt
grill og viðurkenningar veittar.
Dagskráin hefst snemma á laug-
ardeginum í fjósinu í Botni en þar
verður hátíðargestum boðið upp á
kaffi og hjónabandssælu. Seinna
um daginn verður boðið upp á
skothólsgöngu barna, ratleik, fjall-
göngu og margt fleira. Um kvöldið
verður barnaball ásamt óvissu- og
ævintýraferð en dagskráin endar
með diskói og karaókí í FSÚ.
Dagskráin verður stutt og lag-
góð á sunnudeginum en þar má
nefna söngvakeppni og tónleika
með drengjahljómsveitinni
Rythmatik.
Ljósmynd/Páll Önundarson
Hátíð Þéttsetin dagskrá verður í boði fyrir gesti og gangandi.
Óvissuferð og diskóball
Hvert liggur leiðin?
Rauðagerði 25 · 108 Reykjavík · Sími 440 1800 · kaelitaekni.is
Okkar þekking nýtist þéri i
Alvöru blandarar
fyrir veitingastaðinn
kaffihúsið, ísbúðina
& booztbarinn
Ýmsir ánægðir viðskiptavinir
• World Class & flestir líkamsræktarstaðir íslands
• Kaffi Tár & Te & Kaffi
• Heilsuhúsið & Lifandi Markaður
• Ýmsir veitingastaðir s.s. Vox, Perlan, Ruby Tuesday ofl.
Vagnhöfða 11, 110 Reykjavík | S. 577-5177 | linuborun@linuborun.is | www.linuborun.is
Af hverju grafa þegar hægt er að bora?
Reynsla - þekking - við komum og metum
Við notum stýranlegan jarðbor
sem borar undir götur, hús, ár
og vötn.
Umhverfisvænt - ekkert jarðrask•
Meira öryggi á svæðinu•
Sparar bæði tíma og peninga.•
Borum fyrir nýjum síma-, vatns-, rafmagns-
og ljósleiðaralögnum.