Morgunblaðið - 10.07.2014, Síða 30

30 MENNING
MORGUNBLAÐIÐ FIMMTUDAGUR 10. JÚLÍ 2014
Helgi Snær Sigurðsson
helgisnaer@mbl.is
42 hljómsveitir koma fram á tónlist-
arhátíðinni Eistnaflug, sem hefst í
dag og stendur til og með 12. júlí og
má þar finna allt frá indísveitum til
svartmálmssveita og kröftugt rokk
verður sem fyrr í öndvegi. Hátíðin
var fyrst haldin árið 2005 og er hátíð-
in í ár því sú tíunda í röðinni.
„Ég er á því að hátíðin í ár sé rosa-
lega mögnuð. Við náðum öllum stóru,
íslensku bönd-
unum sem eru í
boði þannig að
þetta verður al-
veg gjörsamlega
brjálað,“ segir
Stefán Magnús-
son, stofnandi
Eistnaflugs og
framkvæmda-
stjóri. Eistna-
flugshátíðin var
fyrstu árin helguð
þungu rokki, dauðarokkssveitir og
vinir þeirra tróðu upp að sögn Stef-
áns og segir hann að hátíðin hafi ver-
ið algjör gaddavírshátíð. Léttari
hljómsveitir hafi á seinni árum sóst
eftir því að spila og verið meira en
velkomnar. „Það er frábært að hafa
þetta svolítið fjölbreytt,“ segir hann.
– Þetta er fyrst og fremst hátíð
með íslenskri tónlist, ekki satt?
„Fyrst og fremst íslenskt rokk og
ról og svo bætum við alltaf ofan á
þetta einhverri snilld frá útlöndum,“
svarar Stefán. Nóg verður af þungu,
íslensku rokki í ár sem endranær,
hljómsveitir á borð við Angist og Be-
neath á dagskrá (sem finna má á
eistnaflug.is) og segir Stefán að létt
verði á þyngslunum með þremur ís-
lenskum sveitum: Reykjavíkur-
dætrum, Jónasi Sigurðssyni og Rit-
vélum framtíðarinnar og Retro
Stefson.
Spurður að því hvort mæting á há-
tíðina hafi ekki verið góð í áranna rás
segir Stefán svo vera. „Eins og stað-
an er í dag eru alla vega 1.600 manns
að mæta á svæðið,“ segir Stefán.
Sænskur metalcore-risi
Erlendar hljómsveitir sem troða
upp á hátíðinni í ár eru ekki af verri
endanum: At the Gates, Havok, Zato-
krev, Bölzer og The Monolith Death-
cult. „At the Gates, sem leikur á
fimmtudagskvöldi, er tíu ára
afmælisgjöfin. Hún er sænskur me-
talcore-risi, algjör brautryðjandi í
þessari tónlist og headline band úti
um allan heim þar sem hún er að
spila. Þetta er algjör skepna og að fá
þá í Egilsbúð – fyrir þá sem hafa
komið þar inn og vita hvernig tón-
leikar eru þar inni – þá toppar það
ekkert. Það er alveg sama hvað þú
reynir að röfla, það er ekki séns. Þú
ert bara uppi við sviðið, gjörsamlega
með punginn á þeim framan í þér og
þú nærð ekki þessari stemningu ann-
ars staðar, ekki á höfuðborgarsvæð-
inu alla vega,“ segir Stefán og viður-
kennir að hann sé kominn með
verulegan fiðring.
Jarðýta inn í stofu
– Svo er það þrasssveitin Havok …
„Já, já, Havok er bandarískur fant-
ur. Þeir eru búnir að vera að túra um
allan heim í marga mánuði, eru á Evr-
óputúr núna og að koma til okkar. Þeir
eru í þvílíku formi,“ segir Stefán. Sa-
tokrev hin svissneska er svo „sludge-
skrímsli“, að sögn Stefáns. „Þetta er
tiltölulega hægt og þungt, eins og að
fá jarðýtu inn í stofu í hægagangi sem
tekur svo aðeins á því inn á milli. Þetta
er rosalega mikill kraftur, eins kraft-
mikið og það verður. Ef þú ert t.d.
með nýrnasteina þá geturðu komið
þér fyrir við magnarana og þeir molna
og þú mígur þeim svo í rólegheitum
eftir gigg,“ segir Stefán kíminn.
Hollenska dauðarokksbandið The
Monolith Deathcult treður upp á
laugardagskvöldinu kl. 23.25. „Þetta
er death metall en samt svona partí
death metall, þeir eru mjög flottir.
Þetta er Rammstein á sterum, svolít-
ið kraftmeira en sami húmorinn,“
segir Stefán.
Svissneska málmtvíeykið Bölzer
treður upp að kveldi föstudags og
segir Stefán félagana hafa hlaupið í
skarðið fyrir Unun. „Það er bara gít-
ar og trommur og einhver svaðalegur
fítus. Ég veit ekki hvernig ég á að
orða það en þetta er bara algjör
klikkun,“ segir Stefán. „Þú færð alls
konar djöfulgang hérna,“ segir hann
að lokum um Eistnaflug.
Fantur Bandaríska þrasssveitin Havok er í fantaformi og mikill fantur, eins og Stefán Magnússon, framkvæmdastjóri Eistnaflugs, orðar það.
Nýrnasteinar munu molna
 Eistnaflug hefst í dag  At the Gates, Havok, Zatokrev, Bölzer og The Monolith Deathcult eru
erlendar hljómsveitir hátíðarinnar  „Þetta verður alveg gjörsamlega brjálað,“ segir hátíðarstjóri
Vígbúnir Liðsmenn The Monolith Death Cult tilbúnir til átaka.
Stefán
Magnússon
Eftirfarandi hljóm-
sveitir koma fram á
Eistnaflugi:
Agent Fresco
AMFJ
Angist
At The Gates
Azoic
Beneath
Benny Crespo’s Gang
Brain Police
Bölzer
Carpe Noctem
Darknote
Dimma
DJ Töfri
Endless Dark
Gone Postal
Grísalappalísa
HAM
Havok
Hindurvættir
Innvortis
In The Company Of
Men
Jónas Sig. og Ritvélar
framtíðarinnar
Kontinuum
Rotþróin
Saktmóðigur
Severed Crotch
Sign
Skálmöld
Skelkur í Bringu
Skepna
Sólstafir
Strigaskór nr. 42
The Monolith Deathcult
The Vintage Caravan
Zatokrev
Kælan mikla
Malignant Mist
Mammút
Maus
Momentum
Morð
Nevolution
ONI
Ophidian I
Pink Street Boys
Retro Stefson
Reykjavíkurdætur
Frá Agent Fresco til Zatokrev
HLJÓMSVEITIRNAR SEM KOMA FRAM Á EISTNAFLUGI
Angist Ein íslensku sveitanna sem leika á Eistnaflugi.
Ingunn Fjóla Ingþórsdóttir mynd-
listarkona opnar einkasýningu í
Týsgalleríi, Týsgötu 3, í dag,
fimmtudag, klukkan 17. Sýninguna
kallar hún (Ó)stöðugir hlutir / (Un)
steady Objects.
Á sýningum sínum hefur Ingunn
Fjóla einkum fengist við málverk
og innsetningar og eru verk henn-
ar oftast bundin ákveðnu rými þar
sem unnið er með samspil lista-
verkanna við rýmið og rýmis-
skynjun áhorfandans. Tilraunir
með form, lit og línu leika þá lyk-
ilhlutverk og skynjar áhorfandinn
margbreytileika verkanna á ferð
um rýmið.
Að þessu sinni sýnir Ingunn
Fjóla sex ný málverk, minni en hún
hefur iðulega sýnt en þau standa
sem sjálfstæð verk þótt þau taki
jafnframt mið af rými gallerísins
og eigi í samtali við það.
Ingunn Fjóla útskrifaðist með
BA-próf í myndlist frá Listahá-
skóla Íslands árið 2007, en hefur
einnig lokið BA-prófi í listasögu
frá háskólanum í Árósum.
(Ó)stöðugir hlutir
Ingunnar Fjólu
Listakonan Ingunn Fjóla hefur tekið þátt í fjölmörgum sýningum á liðnum árum.
Kammerhópurinn Nordic Affect
býður upp á franska barokkveislu á
Sumartónleikum í Skálholti í kvöld
kl. 20, en tónleikarnir verða endur-
teknir laugardaginn 12. júlí kl. 17.
Á efnisskránni eru verk eftir
nokkra af byltingarsinnum franskr-
ar barokktónlistar, s.s. Leclair, Bla-
vet og Rameau.
Laugardaginn 12. júlí kl. 14
fjallar danska tónskáldið Hanne
Tofte Jespersen um tónsmíð sína
„The Testimony of Melangell“, en
verkið verður flutt kl. 15 sama dag.
Um er að ræða samstarfsverkefni
tónskáldsins við Kammerkór
Suðurlands, tónlistarhópinn Music
for the Mysteries og Maríu Elling-
sen leikkonu. Verkið byggist á
gamalli keltneskri sögu um engil-
inn Melangell. Flutningurinn verð-
ur endurtekinn sunnudaginn 13.
júlí kl. 15. Sama dag kl. 17 fer fram
guðsþjónusta með tónlist frá
Sumartónleikum í Skálholtskirkju.
Frönsk barokkveisla og tónlist um engil
Ljósmynd/David Oldfield
Barokk Nordic Affect leikur tónlist eftir
Leclair, Blavet, Rameau og fleiri.