Morgunblaðið - 10.07.2014, Side 36

FIMMTUDAGUR 10. JÚLÍ 191. DAGUR ÁRSINS 2014
VEÐUR » 8 www.mbl.is
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
Í LAUSASÖLU 425 ÁSKRIFT 4680 HELGARÁSKRIFT 2900 PDF Á MBL.IS 4470 I-PAD ÁSKRIFT 4470
1. Pilturinn sem lést á Spáni
2. Fjölskyldan gaf skýrslu í morgun
3. Var í garðinum er banaslysið varð
4. Fyrir mér var þetta versta tækið
»MEST LESIÐ Á mbl.is
FÓLK Í FRÉTTUM
 Dagblaðið The Sunday Times hefur
birt lista yfir 25 bestu glæpasögur og
25 bestu spennusögur síðustu fimm
ára og er Harðskafi eftir Arnald Ind-
riðason, Hypothermia á ensku, í 11.
sæti á lista glæpasagna. Tveimur
sætum neðar á listanum er bók Yrsu
Sigurðardóttur, Horfðu á mig, eða
Someone to Watch Over Me eins og
hún heitir í enskri þýðingu.
Ljósmynd/Alfredo Garofano
Harðskafi í 11. sæti
 París norðurs-
ins, kvikmynd
Hafsteins Gunn-
ars Sigurðssonar,
var frumsýnd á
kvikmyndahátíð-
inni Karlovy Vary í
fyrradag og hafa
kvikmyndavefir
Screen Daily og
Hollywood Reporter birt jákvæða
dóma um hana. Í gagnrýni Screen
Daily segir m.a. að myndin sé mein-
fyndin og Hafsteinn sé einn af bestu
leikstjórum Evrópu af þeim sem séu
að hasla sér völl í listinni.
París norðursins hlýt-
ur mikið lof í Screen
 Hið heimsfræga leikhús Shake-
speare’s Globe Theatre í London sýn-
ir Hamlet í Hörpu þriðjudaginn 23.
júlí kl. 19.30. Sýningin er hluti af
heimssýningarferðalagi sem hófst
23. apríl sl. þegar 450 ár
voru liðin frá fæðingu
skáldsins. Ráðgert
er að sýna í öllum
löndum heims á
næstu tveimur ár-
um.
Hamlet í Hörpu
sem liður í heimstúr
Á föstudag Austan 5-13 m/s og rigning, einkum SA-lands. Suð-
lægari og víða skúrir síðdegis, en úrkomulítið á N-landi.
Á laugardag Austan 3-8 m/s, en norðaustan 5-10 á Vestfjörðum.
Dálítil rigning SA-lands, annars skýjað með köflum.
SPÁ KL. 12.00 Í DAG Vaxandi suðaustan- og austanátt síðdegis,
8-18 m/s í kvöld, hvassast SV-til. Rigning, fyrst SV-lands.
VEÐUR
Þjóðverjar mæta Argentínu-
mönnum í úrslitum heims-
meistaramótsins í knatt-
spyrnu á sunnudag, en
þetta var ljóst eftir að Arg-
entína hafði betur gegn Hol-
landi eftir framlengdan leik
og vítaspyrnukeppni í síðari
undanúrslitaleik mótsins í
gærkvöldi. Það er spenn-
andi úrslitahelgi fram-
undan sem markar
endalok HM í Brasilíu.
»3
Argentína í úrslit
eftir vítakeppni
Kári Steinn Karlsson hefur ákveðið
að fylgja hópnum sem tekur þátt í
heimsmeistaramótinu í frjáls-
íþróttum 19 ára og yngri til
Bandaríkjanna á mánu-
dag og vera við æfingar
og undirbúning fyrir
maraþonhlaupið sem
hann þreytir svo á
Evrópumótinu í
frjálsíþróttum í
Zürich í Sviss í
ágúst. Þá getur
hann æft undir hand-
leiðslu Gunnars Páls
Jóakimssonar, þjálfara
síns, sem einnig er
þjálfari Anítu Hinriks-
dóttur sem verður í ís-
lenska hópnum á HM.
» 4
Kári Steinn æfir í
Bandaríkjunum
Flest bendir til þess að ákvörðun Al-
þjóðaandknattleikssambandsins, IHF,
um að afturkalla þátttökurétt Ástrala
á HM í handknattleik og veita Þjóð-
verjum farseðilinn á mótið í staðinn
frekar en Íslendingum, verði ekki
hnikað. Ástralar eru vonsviknir.
Handknattleikssamband Evrópu seg-
ir málið ekki vera á sinni könnu og
engin svör fást frá IHF. » 4
Ákvörðun IHF verður
vart hnikað héðan af
ÍÞRÓTTIR
Skannaðu
kóðann með
símanum þínum
og fylgstu með
veðrinu á
Anna Lilja Þórisdóttir
annalilja@mbl.is
„Ég hef spilað síðan ég man eftir
mér. Fyrst borðspil og síðan tóku við
tölvuspil þegar ég komst í tölvuna
hans pabba,“ segir Sigursteinn
Gunnarsson, sem leggur stund á há-
skólanám í leikjahönnun við Tisch
School of the Arts í New York í
Bandaríkjunum. Við skólann er vel
metin kvikmyndadeild þar sem ekki
ómerkari menn en Coen-bræður og
Martin Scorsese stunduðu nám.
Leikjahönnunarnámið er aftur á
móti tiltölulega nýtt í skólanum og
þar er m.a. lögð áhersla á listfræðina
á bak við tölvuleiki og borðspil.
„Það er nokkuð önnur nálgun en í
mörgum öðrum skólum, sem sumir
leggja áherslu á að framleiða starfs-
menn fyrir stóru leikjaframleiðend-
urna,“ segir Sigursteinn. „Hjá okkur
er lögð áhersla á að búa til góða leiki,
hversu stórir sem þeir eru í sniðum.“
Hann segir að í náminu sé hægt að
fara mismunandi leiðir eftir því
hvert hugur manna stefni, en bæði
sé hægt að læra um tölvuleiki og
borðspil. Sjálfur segist hann hafa
áhuga á báðum tegundum spila, en
líklega sé nokkru auðveldara að fá
starf við hönnun tölvuleikja.
Hefur hannað tvo leiki
Gjarnan er talað um dálæti
drengja og ungra karlmanna á tölvu-
leikjum. Þar sem Sigursteinn er
ungur að árum, 25 ára gamall, væri
með ágætum rökum hægt að halda
því fram að hann væri kominn í
draumanám margs ungs manns.
„Þetta var a.m.k. draumanámið mitt.
En líklega finnst mörgum
þetta áhugavert,“ segir
hann.
Um er að ræða
tveggja ára nám og
Sigursteinn er bú-
inn með fyrra árið.
Í náminu hefur
hann m.a. hannað tvo leiki sem hann
hyggst halda áfram að þróa, annar
þeirra er borðspil og hinn tölvu-
leikur. Á síðara námsárinu verður
megináherslan lögð á stórt loka-
verkefni sem Sigursteinn er þegar
farinn að leggja drög að í samráði
við tvo skólafélaga sína, en þar prófa
þeir sig áfram með mörkin á milli
borðspila og tölvuleikja.
– Hvernig er gott spil eða tölvu-
leikur að mati leikjahönnunar-
nemans? „Það má ekki taka of lang-
an tíma. Það má heldur ekki vera
þannig að einn leikmaður detti út
snemma. Góður leikur er þannig að
allir geta skemmt sér. Eða eins og
frægur leikjahönnuður sagði: Leik-
ur er röð af áhugaverðum ákvörð-
unum.“
Í draumanáminu í New York
 Námið er leikur
einn – í bókstaf-
legri merkingu
Morgunblaðið/Þórður
Leikjahönnuður Sigursteinn hefur alla tíð spilað mikið, bæði borðspil og tölvuleiki. Hann hefur starfað hjá verslun-
inni Spilavinum þar sem myndin er tekin og hefur þar m.a. kennt spil. Hann segir það hjálpa sér mikið í náminu.
Tölvuleikjaiðnaðurinn hefur verið
nokkuð gagnrýndur fyrir að höfða
ekki nægilega mikið til kvenna og
ungra stúlkna. Sigursteinn segir
meirihluta skólasystkina sinna
karlkyns og mikil áhersla sé lögð
á það í náminu að tölvuleikir
höfði til beggja kynja. „Það er
lögð mikil áhersla á hvað
hægt sé að gera til
að vekja áhuga
stelpna á
tölvu-
leikjum. Við erum hvött til að
hugsa út frá femínísku sjónar-
horni og verkefnin okkar eru mik-
ið gagnrýnd ef þau þykja ekki
sanngjörn í garð beggja kynja,“
segir Sigursteinn.
Þá segir hann að í leikjafræði-
hluta námsins sé talsverð áhersla
á hvernig minnihlutahópar komi
fram í tölvuleikjum og öðrum
spilum. „Þetta er eitt af því sem
er mjög mikilvægt fyrir góðan
hönnuð að hafa í huga.“
Vilja vekja athygli stelpna
GÓÐUR LEIKJAHÖNNUÐUR ÞARF AÐ HUGA AÐ MÖRGU