Morgunblaðið - 07.08.2014, Síða 4

4 FRÉTTIRInnlent
MORGUNBLAÐIÐ FIMMTUDAGUR 7. ÁGÚST 2014
Agnes Bragadóttir
agnes@mbl.is
Enn eitt metið var slegið í júlí í
fjölda farþega sem fóru um Kefla-
víkurflugvöll, en þeir voru nú í
fyrsta skipti yfir 500 þúsund í ein-
um mánuði, eða nánar tiltekið
546.749. Aukningin er 17,8% miðað
við júlí 2013, samkvæmt frétt frá
Isavia. Þar kemur jafnframt fram
að í sumar stunda 20 flugfélög
áætlunarflug á milli Keflavík-
urflugvallar og 60 áfangastaða.
Friðþór Eydal, upplýsingafulltrúi
Isavia, sagði í samtali við Morg-
unblaðið í gær, að þetta væri ekki
eina metið sem hefði verið slegið,
því Flugstjórnarmiðstöðin í Reykja-
vík hefði í gær gefið það út að júlí
var metmánuður, þar sem 14.548
flugvélar hefðu flogið um íslenska
flugstjórnarsvæðið á einum mánuði.
Fækkun árin 2008 og 2009
Í júlí árið 2005 fóru 301.939 far-
þegar um Leifsstöð, árið 2006 voru
þeir 319.224, 2007 347.823 en í júlí
2008, aðeins þremur mánuðum fyrir
bankahrun, voru farþegar sem fóru
um Leifstöð 327.720 og hafði fækk-
að um rúm 20 þúsund frá í júlí
2007.
Í júlí 2009 fækkaði farþegum aft-
ur verulega og voru 282.757 eða
tæplega 45 þúsundum færri en í
júlí 2008. Í júlí 2010 hafði farþegum
aftur tekið að fjölga umtalsvert, en
þann mánuð reyndust þeir vera
333.244. Ári síðar, í júlí 2011, var
farþegafjöldinn um Leifsstöð kom-
inn í 401.955, í júlí 2012 voru far-
þegarnir 424.752 og í júlímánuði í
fyrra fóru 464.323 farþegar um
Leifsstöð. Eins og áður segir var
fjöldinn í Leifsstöð í júlí 2014
546.749 og hafði aukist um 82.426
frá því í júlí í fyrra.
Þaulskipulagt hjá öllum
Friðþór Eydal sagði að þessi
fjölgun farþega í Leifsstöð væri í
samræmi við það sem áætlanir
hefðu gert ráð fyrir. „Því voru
gerðar þær ráðstafanir sem þurfti
að gera, svo við værum í stakk búin
að taka á móti svo mikilli fjölgun.
Þetta er náttúrlega þaulskipulagt
hjá öllum aðilum sem koma að
þessu, með mikla reynslu.
Vitanlega er það svo, með-
an mestu topparnir ganga
yfir, að menn sjá vart út úr
álaginu, en allt hefst þetta
einhvern veginn með hag-
ræðingu og samstilltu átaki,“
sagði Friðþór.
Hann segir að gríðarlega mik-
ið hafi verið gert til þess að
liðka fyrir því á und-
anförnum þremur til fjór-
um árum að innritun
gengi hratt og snurðu-
laust fyrir sig. „Uppsetning sjálfs-
afgreiðslustöðva við innritun hefur
mjög mikið að segja. Eins hefur
innritun á netinu færst mikið í vöxt,
þannig að fólk þarf ekki að gera
neitt nema að skila af sér töskum
sínum. Það hefur bætt flæðið geysi-
lega mikið. Svo var suðurbyggingin
tekin öll í gegn í fyrra, þannig að
þar er orðin mjög góð aðstaða fyrir
skiptifarþegana, þá sem eru bara
að millilenda á Íslandi og svo hefur
nýting á öllum innviðum til hins
ýtrasta hjálpað okkur við að takast
á við stóraukið álag,“ sagði Friðþór.
Miklar endurbætur gerðar
– Farþegum um Leifsstöð frá því
í júlímánuði 2005 til sama mánaðar
í ár hefur fjölgað um 244.810. Hefði
einhver séð þessa fjölgun fyrir?
„Þetta er vitanlega gífurleg
aukning, en það má ekki gleyma
því að það er búið að stækka flug-
stöðina talsvert frá því fyrir tíu ár-
um. Segja má að rýmið hafi dugað
hingað til, þar sem sú stækkun sem
þá var ráðist í, hefur gert það að
verkum, að þetta hefur verið við-
ráðanlegt.
Auk þess hafa alls konar end-
urbætur verið gerðar á húsnæðinu,
innritunarsalirnir voru end-
urskipulagðir í vor og það er stöð-
ugt verið að laga og breyta og auka
möguleikana á því að taka við þessu
aukna flæði,“ sagði Friðþór Eydal.
Hálf milljón farþega í fyrsta sinn
 Farþegar í Leifsstöð 245 þúsundum fleiri í júlí nú en fyrir áratug  20 flugfélög stunda áætlunar-
flug á milli Keflavíkur og 60 áfangastaða „Hagræðing og samstillt átak,“ segir Friðþór Eydal
Farþegafjöldi í Leifsstöð frá júlí 2005 til 2014
600.000
500.000
400.000
300.000
200.000
100.000
0
Heimild: Keflavíkurflugvöllur
2005
30
1.
93
9
2006
31
9.
22
4
2007
34
7.8
23
2008
32
7.7
20
2009
28
2.
75
7
2010
33
3.
24
4
2011
40
1.
95
5
2012
42
4.
75
2
2013
46
4.
32
3
2014
54
6.
74
9
.Það sem af er ári hafa hátt í 2,2
milljónir farþega farið um Leifs-
stöð, sem er aukning um 20,2%
miðað við sama tímabil árið
2013.
„Þessari miklu farþegaaukn-
ingu undanfarin ár fylgir aukið
álag á innviði flugstöðvarinnar
og hefur Isavia ráðist í ýmsar
framkvæmdir undanfarið til
þess að takast á við það,“ segir
í frétt frá Isavia.
Nýverið var lokið við tvöföld-
un á afkastagetu farang-
ursflokkunarkerfisins og um
þessar mundir er verið að
steypa sökkul að 5.000 fer-
metra viðbyggingu við suð-
urhluta flugstöðvarinnar
sem gert er ráð fyrir að
taka í notk-
un árið
2016.
2,2 milljónir
á þessu ári
FARÞEGAR Í LEIFSSTÖÐ
Friðþór Eydal
Baldur Arnarson
Sunna Sæmundsdóttir
Tryggvi Gunnarsson, umboðsmaður Alþingis, hefur rit-
að Sigmundi Davíð Gunnlaugssyni forsætisráðherra og
Hönnu Birnu Kristjánsdóttur innanríkisráðherra bréf
þar sem óskað er svara við tilteknum spurningum.
Efni bréfsins til forsætisráðherra varðar siðareglur
ráðherra sem Jóhanna Sigurðardóttir, þáverandi for-
sætisráðherra, staðfesti í mars 2011.
Siðareglurnar eru í átta greinum og varða í þessari röð
störf ráðherra, hagsmunatengsl og hagsmunaárekstra,
fjármál og launagreiðslur, háttsemi og framgöngu, sam-
skipti ráðherra við starfslið ráðuneytis, upplýsingagjöf
og samskipti við almenning, ábyrgð og loks „samhæfing-
arnefnd um siðferðileg viðmið fyrir stjórnsýsluna“.
Efli traust á stjórnsýslunni
Fram kom í tilkynningu frá þáverandi forsætisráð-
herra vegna reglnanna að þær væru settar „í því skyni
að efla traust á stjórnsýslunni“. „Siðareglurnar veita
leiðsögn um það hvers konar framganga hæfir svo veiga-
miklu embætti en jafnframt gefa þær almenningi færi á
að bera hegðun ráðherra saman við skráðar og útgefnar
reglur,“ sagði m.a. í tilkynningu frá Jóhönnu í mars 2011.
Í bréfi umboðsmanns til forsætisráðherra er þess
óskað að umboðsmaður verði upplýstur um hvort núver-
andi ríkisstjórn hafi samþykkt siðareglur fyrir ráðherra.
„Hafi slíkar reglur verið samþykktar er óskað eftir afriti
af þeim,“ segir í bréfinu. „Hafi ríkisstjórn yðar, hr. for-
sætisráðherra, ekki samþykkt siðareglur fyrir ráðherra
er í öðru lagi óskað eftir afstöðu yðar til þess hvort siða-
reglur ráðherra […] gildi um störf ráðherra í ríkisstjórn
yðar,“ segir í bréfi umboðsmanns og er jafnframt bent á
að á heimasíðu forsætisráðuneytisins sé að finna hlekk,
„Siðareglur ráðherra“, sem vísi á umræddar reglur.
Óskar eftir gögnum um fundi með ráðherra
Í bréfi umboðsmanns til innanríkisráðherra er óskað
eftir gögnum um fjóra fundi sem ráðherra átti með Stef-
áni Eiríkssyni, fv. lögreglustjóra á höfuðborgarsvæðinu,
og vikið er að í bréfi ráðherra til umboðsmanns 1. ágúst
sl. Þá er óskað upplýsinga um „hver boðaði lögreglu-
stjóra til fundanna af hálfu ráðuneytisins/ráðherra“.
Fram kom í bréfi innanríkisráðherra 1. ágúst að tilefni
fundanna hefði verið „lögreglurannsókn á því hvort og
þá hvernig trúnaðarupplýsingar um tiltekinn hælisleit-
anda hafi borist úr innanríkisráðuneytinu til fjölmiðla“.
Spurður um tilefni fyrirspurnanna segir Tryggvi
Gunnarsson, umboðsmaður Alþingis, að bréfin tvö til
forsætisráðherra og innanríkisráðherra tali sínu máli.
Þá rifjaði hann upp að nú færi fram forathugun á sam-
skiptum fyrrverandi lögreglustjóra á höfuðborgarsvæð-
inu og innanríkisráðherra. Við þá athugun kynni að
skipta máli hvort umræddar siðareglur hefðu verið í gildi
eður ei. Spurður hvort það sé venja að öll bréf og erindi
umboðsmanns til stjórnvalda séu jafnóðum birt á netinu
segir Tryggvi að bréf sem lúta að forathugun og frum-
kvæðismálum séu gjarnan birt, eins og sjá megi á heima-
síðu embættisins, enda lúti slík mál að almennum starfs-
háttum stjórnvalda. Öðru máli gegni um þau mál sem
umboðsmaður fjalli um vegna kvartana. Upplýsingar um
þau, ef tilefni þykir til, eru þá birtar við lok athugunar,
samkvæmt ákvörðun umboðsmanns.
Inntur eftir þeirri túlkun að umboðsmaður hafi jafnan
skoðað mál að þeim loknum en sé nú að rannsaka þau
meðan þau eru í gangi, bendir Tryggvi á að meintum
samtölum lögreglustjóra og ráðherra sé lokið.
Spyr forsætisráðherra
hvort siðareglur gildi
 Umboðsmaður Alþingis
vísar aðspurður á forathugun
Tryggvi
Gunnarsson
Sigmundur Davíð
Gunnlaugsson
Hanna Birna
Kristjánsdóttir
Blíðviðri var í Keflavík í gærkvöldi
þegar Avro Mk.X Lancaster
sprengjuflugvél úr síðari heims-
styrjöldinni lenti á Keflavíkur-
flugvelli. Vélinni var flogið frá
Kanada til Íslands.
Sigurjón Valsson, formaður Ís-
lenska flugsögufélagsins, segir
ferð Lancaster-vélarinnar yfir
Atlantshafið til Bretlands farna til
að heiðra minningu þeirra fjöl-
mörgu í áhöfnum bresku sprengju-
flugsveitanna sem létu lífið í síðari
heimsstyrjöldinni. Vélin er aðeins
önnur af tveimur vélum af þessari
gerð sem eru í flughæfu ástandi.
„Það sem er merkilegt við þessa
vél er að þessi tegund flugvéla var
notuð í síðari heimsstyrjöldinni til
árása á þriðja ríki Þýskalands. Það
voru smíðuð 7.377 eintök og þar af
töpuðust 3.200 vélar. Þessar flug-
vélar eru mikið tilfinningamál í
Bretlandi. Fólki þykir vænt um
þessar vélar og lítur svo á að þær
hafi átt þátt í að brjóta Þýskaland
nasismans á bak aftur,“ segir hann.
Áætlað er að vélin lendi á
Reykjavíkurflugvelli klukkan 9.15
árdegis í dag og er stefnt að því að
hún verði til sýnis milli 11 og 13.
Stríðshetjur heiðraðar
 Sögufræg her-
flugvél í Keflavík
Á flugi Svona litu vélarnar út.
extra stórar og flottar
Hágæða flísar
frá Ítalíu
Frábært verð
Sérpöntunarvara
Stórhöfða 21 | sími 545 5500 | flis.is
Umboðsmaður Alþingis óskar svara við bréfunum
fyrir 15. ágúst næstkomandi.
„Ég er ánægð með að umboðsmaður sé að vinna
málið svona hratt og óski svo fljótt eftir ítarlegri
upplýsingum,“ sagði Hanna Birna og tók fram að
ráðuneyti hennar myndi veita allar upplýsingar, „því
skýrar sem þessi mál koma í ljós því farsælla sé
það“. Samkvæmt heimildum Morgunblaðsins úr
forsætisráðuneytinu hefur starfandi ríkisstjórn litið
til siðareglna síðustu ríkisstjórnar og farið eftir
þeim eins og þær séu enn í gildi.
Ánægð með hraðann
AFSTAÐA INNANRÍKISRÁÐHERRA