Morgunblaðið - 18.08.2014, Blaðsíða 4
Morgunblaðið/Árni Sæberg
Tignarlegt Það var engin smásmíði, skipið sem sigldi inn í Reykjavíkurhöfn í gær eftir 12.200 sjómílna ferðalag frá Kína. Lagarfoss tekur 875 gámaeiningar og er 140,7 metrar á lengd.
SVIÐSLJÓS
Andri Steinn Hilmarsson
ash@mbl.is
Margmenni var á miðbakka í
Reykjavíkurhöfn í gær þegar Lag-
arfoss, nýjasta skip Eimskipafélags-
ins, kom til heimahafnar í fyrsta
skipti. Lúðrasveit Reykjavíkur lék
lagið Ísland ögrum skorið þegar
Guðmundur Haraldsson, skipstjóri
Lagarfoss, gekk frá borði en tæp-
lega þrír mánuðir eru liðnir frá því
að hann hélt utan til Kína að sækja
skipið. Eftir að séra Pálmi Matt-
híasson, sóknarprestur í Bústaða-
kirkju, hafði blessað skipið var kom-
ið að Hildi Hauksdóttur að nefna
skipið.
„Ég nefni þig Lagarfoss, megi
gæfan fylgja þér og áhöfn þinni, yfir
hafið og heim,“ sagði Hildur og
brotnaði flaskan á skipinu nokkrum
sekúndum síðar. Eiginmaður Hild-
ar, Gylfi Sigfússon, forstjóri Eim-
skipafélagsins, flutti þá ávarp þar
sem hann sagði m.a. að með tilkomu
skipsins væri betur búið að helstu
útflutningsvegum þjóðarinnar.
„Með því að tryggja meiri hraða, ör-
yggi og áreiðanleika í því að koma
afurðum Íslendinga örugglega á
markað,“ sagði Gylfi.
Lagarfoss mun leysa Selfoss af á
gulu leiðinni milli Grundartanga,
Reykjavíkur og Vestmannaeyja,
Þórshafnar í Færeyjum, Imm-
ingham í Bretlandi, Hamborgar og
Rotterdam. Gylfi segir skipið henta
vel til siglinga á þessari leið. „Mikill
fiskur, bæði laxinn í Færeyjum og
ferskur fiskur hér heima. Það skipt-
ir öllu máli að við getum verið með
aflmiklar vélar. Skipið gengur hrað-
ar og getur borið meira. Áreið-
anleiki þjónustunnar verður því enn
meiri en hann hefur verið,“ segir
Gylfi um Lagarfoss sem er sjöunda
skipið í sögu Eimskipafélagsins sem
ber nafnið. Hann segir nafngiftina
ekki úr lausu lofti gripna.
„Lagarfoss var þriðja skipið sem
Eimskip eignaðist og mest notaða
nafnið í sögunni,“ segir Gylfi og
bætir við að hjátrúin sé einnig sterk
þegar kemur að nafngiftum.
„Lagarfoss hefur verið farsæll og
þetta er þjált fyrir menn í sigling-
unni,“ segir Gylfi og ber fram Lag-
arfoss með erlendum hreim. Í kjöl-
farið bregður hann á leik og gerir
heiðarlega tilraun til þess að bera
fram Eyjafjallajökull með sama
hreim, sem að vonum gekk ekki eins
vel, til þess að undirstrika það.
Lagarfoss I var í eigu Eimskipa-
félagsins frá 1917 til 1949.
Eimskip rekur 51 starfsstöð í 19
löndum og er með 16 skip í rekstri,
þar af eru 12 skip í eigu félagsins en
fjögur eru leiguskip.
„Þetta var fyrsta skrefið í end-
urnýjun flota okkar og við erum
með annað eins skip núna í smíðum í
Kína,“ segir Gylfi en það skip er
væntanlegt í lok næsta árs.
Vígvarið hluta leiðarinnar
Þegar talið berst að ferðalaginu
frá Kína til Íslands, en leiðin var
12.200 sjómílur að lengd, segir Gylfi
að það megi fyrst núna brosa yfir
því að þegar Lagarfoss sigldi í gegn-
um Súesskurðinn var viðbúnaður
nokkuð mikill vegna hættu á sjóráni.
„Þegar skipið sigldi í gegnum Sú-
esskurðinn þá fóru um borð örygg-
issveitir og gaddavír var settur á
hliðarnar. Það er ráðist á 250 skip á
þessu svæði á ári þannig að við vor-
um með vopnaða öryggisverði. Þetta
var vígvarið skip á heimleiðinni,“
Lagarfoss er kominn heim
Mun tryggja meiri hraða, öryggi og áreiðanleika í því að koma afurðum Íslendinga á markað
Vopnaðir öryggisverðir og gaddavír á hliðum skipsins fyrir siglinguna í gegnum Súesskurðinn
4 FRÉTTIRInnlent
MORGUNBLAÐIÐ MÁNUDAGUR 18. ÁGÚST 2014
Haust&vetur
2014-2015
Skógarhlíð 18 • Sími 595 1000
www.heimsferdir.is
Bæklingurinn
er kominn út!
Allt að
15.000
kr.
bókuna
rafslátt
ur
til 26. á
gúst 20
14
Ingvar Smári Birgisson
isb@mbl.is
Viðræður milli samtaka á almenna
vinnumarkaðinum hefjast um næstu
mánaðamót, en núgildandi kjara-
samningar renna úr gildi í febrúar á
næsta ári. Í desember sl. var undir-
ritaður kjarasamningur til eins árs,
sem kvað á um 2,8% launahækkun.
Þá var ákveðið að komið yrði á fót
viðræðuáætlun sem unnið yrði eftir
með tímasettum markmiðum um
framvindu við gerð nýs langtíma
kjarasamnings.
Aðildarsamtök ASÍ lögðu upp með
samningnum að halda verðbólgu
niðri og tryggja stöðugleika. Ýmsir
leiðtogar verkalýðshreyfingarinnar
telja eins og fram hefur komið að
kjarasamningar kennara hafi grafið
undan samkomulaginu, sem að þeirra
mati krefst þátttöku allra atvinnu-
stétta.
Býst við mikilli ólgu í vetur
„Í ljós kom að ekki væri sátt á
vinnumarkaði um að halda verðbólgu
niðri. Gerðir voru samningar, t.d.
kjarasamningar kennara, sem eru í
verulegum atriðum með öðrum hætti
en sú stefna í kjaraviðræðum sem
ASÍ lagði upp með. Við sáum meiri
ólgu á vinnumarkaði í ár en við höfum
séð í áratugi og ólgan mun ekkert
minnka í vetur,“ segir Gylfi Arn-
björnsson, forseti ASÍ.
Þá gagnrýnir Gylfi hækkandi laun
æðstu stjórnenda fyrirtækja. „Ef
menn vilja hafa misskiptinguna í fyrir-
rúmi munum við ekki semja um stöð-
ugleika, heldur taka það sem við telj-
um að okkur beri og hvetja
félagsmenn til að beita því afli sem
verkalýðshreyfingin býr yfir. Þá getur
einhver annar haft áhyggjur af stöð-
ugleika. Meira er til skiptanna en hef-
ur verið látið í veðri vaka og okkar
hlutverk er að sjá til þess að okkar fé-
lagsmenn fái réttmæta hlutdeild í því.“
Ólafía B. Rafnsdóttir, formaður
VR, telur að fjárlagafrumvarpið eigi
eftir að hafa áhrif á viðræðurnar.
„Fjárlagafrumvarpið á eftir að líta
dagsins ljós en við höfum áhyggjur af
því að gjöld og skattar muni hækka,
því einhvers staðar verður ríkið að
finna tekjur til að geta greitt fyrir
kjarasamningana sem það hefur gert
á síðastliðnu ári. Svo þurfa sveitar-
félögin líka að hafa efni á að greiða
þessi hærri laun kennara, en þau eru
umfram þau laun sem samið var um á
hinum almenna markaði. Allt bendir
til þess að samningaviðræðurnar
verði ekki auðveldar.“
Verkalýðshreyfingin býr
sig undir harðan vetur
Forystumenn innan Alþýðusambands Íslands óttast hærri skatta
Lagarfoss tekur 875 gámaein-
ingar og er burðargeta skipsins
12.200 tonn. Það er 140,7 metr-
ar á lengd og 23,2 metrar á
breidd. Tveir 45 tonna gámakr-
anar eru á skipinu sem hentar
vel á markaðssvæði Eimskips á
Norður-Atlantshafi, m.a. í Vest-
mannaeyjum og á Grund-
artanga.
Rekstrarkostnaður á hverja
gámaeiningu er lægri en á Sel-
fossi og Brúarfossi þar sem vél-
in er bæði öflugri og sparneyt-
nari en í gömlu skipunum og
skipið tekur fleiri gáma.
Hver gámur
kostar minna
ÖFLUGRI OG SPARNEYTN-
ARI VÉL Í LAGARFOSSI
Vígvarið Ráðstafanir voru gerðar fyrir siglinguna í gegnum Súesskurðinn.
Morgunblaðið/Árni Sæberg
Athöfn Hildur Hauksdóttir, eiginkona Gylfa Sigfússonar forstjóra, nefndi
skipið Lagarfoss við hátíðlega athöfn á miðbakka í Reykjavíkurhöfn.