Morgunblaðið - 18.08.2014, Blaðsíða 22

22 ÍSLENDINGAR
MORGUNBLAÐIÐ MÁNUDAGUR 18. ÁGÚST 2014
Valentína Björnsdóttir, eigandi Móður náttúru og Krúsku,fagnar fimmtugsafmæli í dag. Valentína ætlar að eyða deginum úti í sveit, en þar finnst henni best að vera. „Ég var
svo heppin að alast upp á Snæfellsnesi og svo er ég mikið náttúru-
barn og finnst best að vera úti í náttúrunni,“ segir hún. Deginum
deili hún með Reykjavíkurborg, en henni hafi alltaf þótt mjög vænt
um borgina þrátt fyrir að vera sveitastelpa.
Valentína stofnaði Móður náttúru með eiginmanni sínum, Karli
Eiríkssyni, fyrir 11 árum, en fyrirtækið sérhæfir sig í framleiðslu á
tilbúnum hollustumáltíðum og réttum. Fyrir fjórum árum keyptu
þau hjónin svo veitingastaðinn Krúsku af Náttúrulækningafélaginu.
Þau selja tilbúna rétti í mötuneyti, skóla og önnur veitingahús og
elda meðal annars fyrir tvo grunnskóla: Landakotsskóla og Ísaks-
skóla. „Við erum svolítið mikið að gefa fólki að borða,“ segir
Valentína og hlær.
Aðspurð segir Valentína eftirminnilegasta afmælisdaginn vera
fyrir 10 árum, þegar hún varð fertug. „Ég bauð 120 manns í stóra
veislu og það var æðislega gaman. Þetta var mjög eftirminnilegt og
ef maður hefur kost á er mjög gaman að halda eina svona risastóra
veislu á lífsleiðinni.“ Hún segir veisluna í ár ekki verða jafnstóra,
þrátt fyrir að um stórafmæli sé að ræða, en henni þyki alltaf jafn-
gaman að eiga afmæli. if@mbl.is
Valentína Björnsdóttir er 50 ára í dag
Ljósmynd/Valentína Björnsdóttir
Afmælisbarn Valentínu þykir alltaf jafngaman að eiga afmæli, en af-
mælisdeginum þetta árið ætlar hún að eyða í sveit með fjölskyldunni.
Eyðir afmælisdeg-
inum úti í sveit
Íslendingar Kjartan Gunnar Kjartansson, islendingar@mbl.is
Ábendingar um brúðkaup, afmæli, barnsfæðingar og önnur tímamót í lífi fólks má
senda á netfangið islendingar@mbl.is. Einnig geta þeir, sem óska eftir því að nafn
þeirra birtist ekki í þessum dálkum, sent beiðni þar að lútandi á sama netfang.
 Unnið í samvinnu við viðmælendur.
Svavar Egilsson og
Berglind Ólafsdóttir
voru gefin saman 18.
ágúst 1995 og eiga
því 19 ára brúðkaups-
afmæli í dag.
Brúðkaupsafmæli
K
jartan fæddist í Reykja-
vík 18.8. 1954, ólst upp í
Njörvasundinu og var í
sveit hjá afa sínum og
ömmu í Fremri-
Langey á Breiðafirði.
Kjartan var í Langholtsskóla, lauk
landsprófi frá Vogaskóla, var eitt ár í
MT en sneri sér þá alfarið að tónlist-
arnámi sem hann stundaði í Tónskóla
Sigursveins þar sem aðalhljóðfæri
hans var gítar.
Kjartan tók að sér tónlistar-
kennslu á Bíldudal árið 1977: „Það
varð afdrifarík ákvörðun því þar
kynntist ég konunni minni, Svanhvíti
Sigurðardóttur. Auk þess varð þetta
upphafið að 22 ára tónlistarkennslu á
landsbyggðinni. Ég var í tvö ár á
Bíldudal, fór þá í Búðardal og tók þar
að mér tónlistarkennslu og skóla-
stjórn við Tónlistarskóla Dalasýslu
og organleik og kórstjórn við Hjarð-
arholtskirkju.
Árin í Dölunum urðu 15. Síðan var
ég skólastjóri og kirkjuorganisti í
Ólafsvík í fimm ár. Við fluttum til
Reykjavíkur 1999 og stofnuðum Tón-
skóla Hörpunnar sem við höfum
starfrækt síðan.“
Kjartan Eggertsson tónlistarkennari – 60 ára
Fjölskyldan Kjartan og Svanhvít úti í garði, ásamt börnunum sínum, tengasonum og barnabörnunum.
Músíkalski eyjajarlinn
Morgunblaðið/Ómar
Kennarinn Kjartan kenndi og stjórnaði tónlistarkennslu á Vesturlandi.
Börn og brúðhjón
Allir þeir sem senda blaðinu mynd af nýjum borgara eða mynd af
brúðhjónum fá fría áskrift að Morgunblaðinu í einn mánuð.
Hægt er að senda mynd og texta af slóðinni mbl.is/islendingar
eða á islendingar@mbl.is
Á opnunni „Íslendingar“ í
Morgunblaðinu er sagt frá
merkum viðburðum í lífi
fólks, svo sem stórafmælum,
hjónavígslum, barnsfæðingum
og öðrum tímamótum.