Morgunblaðið - 18.08.2014, Blaðsíða 14

Ljósmynd / Wikipedia - Agamitsudo (CC)
Marmari Bygging fjármálaráðuneytisins í Washington. Frá 2012 hefur rík-
issjóður Bandaríkjanna tekið til sín hagnað Fannie Mae og Freddie Mac.
Fjárfestar voru með ólöglegum
hætti hlunnfarnir um hagnað frá
fasteignalánafyrirtækjunum Fannie
Mae og Freddie Mac. Þessu er hald-
ið fram í dómsmáli sem Pershing
Square Capital Managament hefur
höfðað í Washington.
Pershing Square er stjórnað af
Bill Ackman en hann hefur verið
töluvert í fréttum á árinu vegna her-
ferðar sinnar gegn fæðubótarefna-
framleiðandanum Herbalife.
Er björgunin fullgreidd?
Fannie Mae og Freddie Mac eru
fasteignalánafyrirtæki stofnuð af
bandarískum stjórnvöldum en skráð
á hlutabréfamarkað. Bæði fyrirtæk-
in þurftu á björgun að halda árið
2008 þegar bandaríski fasteigna-
markaðurinn hrundi og reiddu
stjórnvöld fram samtals 187,5 millj-
arða dala í þeim tilgangi.
Kæra Preshing Square snýr að því
að árið 2012 tók bandaríska fjár-
málaráðuneytið einhliða ákvörðun
um að halda eftir öllum hagnaði Fan-
nie Mae og Freddie Mac. Bloomberg
greinir frá að fasteignalánafyrirtæk-
in tvö hafi þegar fært bandaríska
fjármálaráðuneytinu hærri upphæð
en veitt var í björgunaraðgerðunum
á sínum tíma.
Í kærunni er vísað til fimmta við-
auka bandarísku stjórnarskrárinnar
sem leggur bann við eignarnámi
stjórnvalda án þess að sanngjörn
greiðsla komi í staðinn.
Pershing Square er stærsti hlut-
hafi Fannie Mae og Freddie Mac,
með um 10% hlut í báðum fyrirtækj-
unum. ai@mbl.is
Pershing Square höfðar mál
vegna Fannie Mae og Freddie Mac
 Fjárfestingafyrirtæki Bill Ackman sakar bandaríska fjármálaráðuneytið um
ólöglegt eignarnám  Ráðuneytið ákvað árið 2012 að taka allan hagnað til sín
14 FRÉTTIRViðskipti | Atvinnulíf
MORGUNBLAÐIÐ MÁNUDAGUR 18. ÁGÚST 2014
POLAROIDPOLAROID
VEIÐIGLERAUGU
GUL, BRÚN OG GRÁ
MEÐ FJÆRSTYRK
TVÍSKIPT
ALVÖRU GLER,
STUTTUR AFGREIÐSLUTÍMI
HAMRABORG 10 | SÍMI: 554 3200 | SOS@EYEWEAR.IS | OPNUNARTÍMI VIRKA DAGA: 9:30-18
Áfram heldur sýndargjaldmiðillinn
Bitcoin að breiða úr sér. Wall
Street Journal greinir frá því að
netverslunarrisinn eBay vinni að
því að geta tekið við Bitcoin-
greiðslum.
Nánar tiltekið er dótturfyrirtæk-
ið Braintree, sem heyrir undir Pay-
Pal-arm eBay, búið að eiga fundi
með fyrirtækjum sem hafa sérhæft
sig í Bitccoin sölulausnum.
Braintree var stofnað árið 2007
og býður upp á sjálfvirkar greiðslu-
lausnir fyrir netverslanir. Nota fyr-
irtæki á borð við Uber og Airbnb
hugbúnað Braintree til að taka við
greiðslum.
Heimildarmenn WSJ segja Bra-
intree þurfa að ná samkomulagi um
samstarf við Bitcoin-greiðslumiðl-
ara og verði þá hægt að bæta sýnd-
argjaldmiðlinum við sem greiðslu-
máta í Braintree-kerfinu. Sömu
heimildarmenn segja að Ebay og
PayPal hyggist ekki byrja að taka
við bitcoin þá þegar, en það sé bara
tímaspursmál.
Einn helsti veikleiki Bitcoin hef-
ur verið skortur á seljendum sem
reiðubúnir eru að bjóða vöru eða
þjónustu í skiptum fyrir rafræna
gjaldmiðilinn. Þurfa handhafar
Bitcoin-eininga því að skipta raf-
peningunum í aðra gjaldmiðla, s.s.
evrur eða bandaríkjadali, með til-
heyrandi skiptkostnaði. Myndi auka
mjög á notagildi Bitcoin ef risar á
borð við eBay tækju við gjaldmiðl-
inum.
Smám saman hafa fleiri fyrirtæki
byrja að taka við Bitcoin-greiðslum.
Fyrr í sumar bættust við þann lista
bandaríska gervihnattasjónvarps-
fyrirtækið Dish TV, tölvuframleið-
andinn Dell, flugfélagið AirBaltic
og blómaverslunin Flowers.com.
Gengi Bitcoin stendur í dag í
494,80 dölum skv. CoinDesk.com. Á
árinu hefur gjaldmiðillin farið hæst
í 951 dal í janúar og lægst niður í
361 dal í apríl. ai@mbl.is
Verður hægt að
borga með
Bitcoin á eBay?
 Þreifingar hjá dótturfyrirtæki sem
býður greiðslulausnir fyrir netverslanir
AFP
Kóði Merkingar við Bitcoin-miðstöð sem opnuð var í París í sumar. Sífellt fjölgar seljendum sem taka við Bitcoin.
Helstu gjaldmiðlar Asíu hækkuðu
gagnvart bandaríkjadollar í liðinni
viku. ADXY vísitalan, sem Bloom-
berg og JPMorgan halda utan um,
styrktist um 0,4% í vikunni og hefur
ekki hækkað svo mikið á einni viku
síðan í mars.
ADXY vísitalan undanskilur jap-
anska jenið og samanstendur af kín-
versku yuan (38%), suður-kóresku
won (13%), Singapúr-dollar (11%),
Hong Kong dollar (9%), indverskri
rúpíu, taiwan-dollar, taílensku baht,
malasísku ringgit, indónesískri rú-
píu og filippínskum pesó.
Mest hækkaði malasíska ringgit-
ið, um 1,7% gagnvart dollar, þá suð-
ur-kóreska wonið sem styrktist um
1,1% og filippínski pesóinn hækkaði
um 1,1%.
Bloomberg rekur hækkunina til
fjárfesta sem veðja á að seðlabanki
Bandaríkjanna muni slá því á frest
að hækka vexti. Lágir seðla-
bankavextir auka svigrúmið fyrir
áhættumeiri fjárfestingar á nýmörk-
uðum. Sýna mælingar Bloomberg að
fjárfestar dældu 1,3 milljörðum dala
inn á asíska hlutabréfamarkaði í vik-
unni.
Einnig þykir hafa hjálpað asísku
gjaldmiðlunum að hagtölur frá
Bandaríkjunum slógu á ótta fjár-
festa við streymi fjármagns frá Asíu
aftur inn á Bandaríkjamarkað, og
eins að dregið hefur úr spennu á
milli Rússlands og Úkraínu.
ai@mbl.is
AFP
Sprettur Frá Kuala Lumpur. Ring-
gitið styrktist um 1,7% gagnvart
Bandaríkjadal í síðustu viku.
Asískir
gjaldmiðlar
taka kipp
 Fjárfestar veðja
á lága stýrivexti