Morgunblaðið - 18.08.2014, Blaðsíða 11
reynslu af ræktun í heimagarði,“
sagði Steinunn Ásgeirsdóttir, ein af
þeim sem taka þátt í verkefninu.
Hún hefur kynnt sér svokall-
aðan „permakúltúr“, sem útleggst á
íslensku vistrækt. „Ég kynntist vist-
rækt á námskeiði í Alviðru í Gríms-
nesi í vor. Það er kerfi sem lítur til
náttúrunnar sem fyrirmyndar með
það að markmiði að skapa sjálfbært
samfélag,“ sagði Steinunn.
Í vistrækt felst meðal annars
matvælaframleiðsla sem vinnur með
náttúrulegt umhverfi og umhverfis-
væna landnotkun svo fátt eitt sé
nefnt.
„Þetta er í raun gamalt fyrir-
bæri sem var endurvakið af tveimur
Áströlum fyrir nokkrum áratugum.
Þeir höfðu áhyggjur af því að nútíma
ræktun væri að eyðileggja jarðveg-
inn.“
Steinunn bendir á að það sé
nýtt fyrir Íslendingum að rækta
saman og fá sameiginlega uppskeru.
Þegar fólk gangi inn í samfélagið í
garðinum getur það fengið aðstoð og
leiðbeiningar.
Áorkað miklu í sumar
„Það kom mér á óvart hversu
miklu við höfum áorkað í sumar.
Næsta skref er að reyna að fá
íbúana til virkrar þáttöku. Mér
finnst vettvangur vera fyrir þessari
hugmyndafræði. Það er mikil vakn-
ing meðal fólks um þessa hluti; að
taka ábyrgð á því sem það borðar.
Þegar þú ræktar matinn þinn sjálfur
veistu nákvæmlega hvað hann inni-
heldur. Þetta er tækifæri til að taka
ábyrgð. Þetta er ekki stórt í sniðum
en verður það vonandi,“ sagði Stein-
unn að lokum og benti á að allir
gætu ræktað og ekki þyrfti endilega
mikið landrými til þess.
Á sunnudaginn síðastliðinn hélt
Seljagarður Garðlistaveislu. Þar var
ókeypis námskeið í vatnslitun og
víðivefnaði og auk þess boðið upp á
súpu. Fjöldi manns lagði leið sína í
garðinn til að kynna sér starfsemina.
Hægt er að kynna sér Seljagarð bet-
ur á vefsíðunni www.seljagardur.is
Skilaboð Gestir garðsins geta lesið nánar um starfsemina á skilti. Fólk er
hvatt til að kynna sér nánar starfsemina ef það hefur áhuga.
Morgunblaðið/Eva Björk
Garðlistaveisla Aðstandendur voru kampakátir með veisluna en margir lögðu leið sína í Seljagarða.
DAGLEGT LÍF 11
MORGUNBLAÐIÐ MÁNUDAGUR 18. ÁGÚST 2014
Fuglinn skjór, sem er af hröfn-
ungaætt, er hræddur við glitrandi
hluti. Þetta kemur fram í nýrri rann-
sókn vísindamanna í háskólanum í
Exeter á atferli fuglsins, BBC greinir
frá. Samkvæmt vel þekktri evrópskri
þjóðtrú þá er fuglinn þekktur fyrir að
vera glysgjarn og sagður sækja í
glitrandi hluti og koma þeim fyrir í
hreiðri sínu.
Hins vegar bendir rannsóknin til
hins gagnstæða, fuglinn er sagður
óttast slíka hluti.
Rannsakendur komu fyrir hrúgu af
glitrandi hlutum nálægt staðnum
sem fuglunum var gefið að éta á. Í
tveimur af 64 skiptum tóku fuglarnir
upp glingur. Í hin skiptin fengu þeir
sér að éta og hröðuðu sér eftir það í
burtu. Oftar en ekki borðuðu þeir
minna þegar glingrið var nálægt og
hröðuðu sér á brott.
Breskir vísindamenn rannsaka fuglinn skjó
Skjór Fuglinn, sem er af hröfn-
ungaætt, óttast skínandi glingur.
Skjór er ekki glysgjarn og
óttast glingrið mun frekar
Þrátt fyrir langþráða sólardagaá höfuðborgarsvæðinu síð-astliðna viku þá finnum við
að það styttist í haustið. Fyrir flesta
þýða árstíðaskipti ákveðin kaflaskil
eða breytingar. Annaðhvort hefst
eitthvað nýtt eða gamalkunnur
hversdagsleikinn tekur við. Sumir
kvíða breytingunum sem framundan
eru en aðrir eru fullir tilhlökkunar
og byrjaðir að huga að dagskrá vetr-
arins með fögrum fyrirheitum,
skipulagshugmyndum og spenningi.
Breytingar eru oft erfiðar, hvort
sem eitthvað nýtt bíður eða gamlar
venjur hversdagsins taka við af
kæruleysislegum takti sumarsins.
Árstíðaskipti með yfirvofandi breyt-
ingum eru oft á tíðum frjósamur
jarðvegur streitu og jafnvel kvíða
eða depurðar. Sumir kvíða skamm-
deginu, aðrir kvíða nýju námi eða
starfi og enn aðrir hafa áhyggjur af
kunnuglegum hversdagsleika.
Margir eru óvissir og óöruggir, vita
ekki alveg hvað næsta árstíð hefur í
för með sér, hafa áhyggjur af að
þessi vetur verði erfiður, vita ekki
alveg hver staðan verður, hvar þeir
muni verða staddir.
Það sem mikilvægast er að veita
athygli er að þessar áhyggjur tengj-
ast einhverju sem er ekki komið enn
þá. Sumarið er ekki liðið og haustið
er ekki komið. Hugsanir um það sem
framundan er geta verið gagnlegar
ef þær hvetja okkur til að finna
lausnir, sjá fyrir vandamál og greiða
úr þeim með skynsamlegum hætti
en þess konar hugsanir eru ekki
áhyggjur. Áhyggjur af því sem
hugsanlega getur orðið eru eðlilegar
en ekki hjálplegar. Að sitja fastur í
áhyggjum af því sem gæti orðið er
svipað því að sitja í áralausum báti á
hafi úti, báti sem flýtur stefnulaust
um.
Hvernig væri að staldra við þessa
síðustu sumardaga og njóta þeirra,
óháð því hvað muni taka við þegar
haustið kemur. Raunverulega
staldra við og taka eftir umhverfinu.
Taka eftir gróðrinum sem er enn þá
í blóma, finna lyktina af nýslegnu
grasinu, fylgjast með stórkostlegum
dansi himinsins í ljósaskiptunum,
bragða á ljúffengum berjunum í mó-
unum og ganga berfættur í grasinu.
Staldra við og taka eftir manneskj-
unum í kringum okkur. Hvort sem
við þekkjum þau eða ekki, óháð því
hvaða tilfinningar við berum til
þeirra. Taka eftir því hvernig þær
tala, hlæja, snertast, hafa samskipti.
Taka eftir því hvernig okkur líður,
hvaða augnablika við njótum.
Hvað sem næstu árstíðaskipti
hafa í för með sér, reyndu að staldra
við og taka vel eftir. Þá geturðu
fangað augnablikið og notið þess.
Hvað tekur nú við?
Hvað nú? Margir standa á tímamót-
um í lok sumars þar sem haustið er
ekki formlega gengið í garð.
Heilsupistill
Bryndís Einarsdóttir
heilsustodin@heilsustodin.is
Heilsustöðin sálfræði-og ráðgjafaþjónusta,
Skeifunni 11a, Rvk. www.heilsustodin.is
Hátúni 6a • 105 Rvk • Sími 552 4420 • fonix.is
ELDHÚSTÆKI