Morgunblaðið - 18.08.2014, Blaðsíða 24
24 DÆGRADVÖL
MORGUNBLAÐIÐ MÁNUDAGUR 18. ÁGÚST 2014
Stjörnuspá
21. mars - 19. apríl
Hrútur Ekki reyna að neyða einhvern til þess
að samsinna þér í dag. Ekki neyða hlutina í
það far sem þú álítur best, þú gætir misst af
einhverju enn betra en þú hafðir séð fyrir
þér.
20. apríl - 20. maí
Naut Stundum ertu uppfullur af hugmyndum
og vinnur verkið létt. Stundum er besta
ákvörðunin sú að ákveða ekki neitt. En
mundu að ekki eru allir viðhlæjendur vinir.
21. maí - 20. júní
Tvíburar Vertu þolinmóður við samstarfs-
menn þína. Fólk hefur tekið eftir því hvað þú
hefur lagt hart að þér að undanförnu. Ekki
missa móðinn.
21. júní - 22. júlí
Krabbi Það eru mörg tilboðin sem streyma
að okkur úr öllum áttum og það þarf sterk
bein til þess að láta flest þeirra lönd og leið.
Með aðstoð góðra vina tekst þér að létta af
þér áhyggjunum.
23. júlí - 22. ágúst
Ljón Talaðu um ást og talaðu um peninga, en
gættu þess að tala skýrt og segja ekki fleira
en þú getur staðið við. Frelsaðu andann með
því að ákveða að gera alls ekki neitt.
23. ágúst - 22. sept.
Meyja Skrifaðu niður skuldbindingar þínar
gagnvart öðrum, og hvettu aðra til hins
sama. Gættu þess bara að ofmetnast ekki
þegar vel gengur því dramb er falli næst.
23. sept. - 22. okt.
Vog Í stað þess að einblína á trén sérðu loks
skóginn. Alheimurinn skilur þetta vel – sendi-
förin skiptir þig öllu máli. Líttu á þetta sem
fyrsta þáttinn af þremur í leikriti.
23. okt. - 21. nóv.
Sporðdreki Þú verður að hafa augun opin
fyrir þeim möguleikum, sem felast í lífinu.
Mundu að lítið bros getur dimmu í dagsljós
breytt.
22. nóv. - 21. des.
Bogmaður Það er nokkuð í fari vogarinnar
sem bara örfáir vita. Oft virkar það betur að
vera opinskár og láta tilfinningar sínar í ljós.
22. des. - 19. janúar
Steingeit Þú verður að skipuleggja hlutina
betur, hvort sem um er að ræða einkalíf þitt
eða atvinnu. Reyndu að fá að vera í einrúmi
part úr degi.
20. jan. - 18. febr.
Vatnsberi Nú reynir verulega á hæfni þína í
vandasömu verkefni. Fylgdu reglunum, líka
þeim sem þú myndir vanalega ekki fylgja.
19. feb. - 20. mars
Fiskar Það er nauðsynlegt að gefa sér tíma
af og til og rækta þau sambönd sem skipta
einhverju máli. Mundu að eitt lítið bros getur
dimmu í dagsljós breytt.
Sólskin á Suðurlandi og rigningfyrir norðan
Davíð Hjálmar Haraldsson hafði
orð á því á Leirnum á þriðjudag, að
í allt sumar hefðu Sunnlendingar
barmað sér vegna vætu og sól-
arleysis. – „þeir eiga því sannarlega
skilið góðviðrið í gær og dag“:
Í sumar þótti syðra kalt og blautt,
úr sólarleysi fólkið næstum dautt
í pirringi í pollum mátti sulla,
því rigni lengi rennur því í skap
við ramma svitalykt og gleðitap.
Þá grasserar og gyllinæð og drulla.
Nú sólin loks á Sunnlendinga skín
og sælu færir þeim og vítamín
og fólkið brosir, náfölt eins og næpa.
Og blessuð sólin bætir dapra lund
og bjargar þeim sem éta óðan hund.
Nú gleymd er bæði gyllinæð og ræpa.
Sigrún Haraldsdóttir var fljót til
svars. – „Satt segir þú, Davíð
Hjálmar,“ sagði hún og síðan:
Gjöful sunna vermir völl,
vanga og augnalokin.
Nú er gömul ólund öll
úr mér burtu rokin.
Fía á Sandi tekur undir, að nú sé
góða veðrið farið suður og þeir sem
eru góðu vanir, verða fúlir og vilja
framhald á sælunni. „Svo ég setti
upp gleraugun,“ segir hún, „ að gá
hvernig heimilið liti út, eftir sum-
arhótelreksturinn“:
Í morgun var ég eitthvað svo
ergileg í framan.
Ákvað loks að þrífa og þvo
og það var bara gaman.
Og enn skrifar þann hinn sama
dag Ágúst Marinósson í Leirinn:
Eftir vonda vætutörn
veðráttan er orðin slík.
Vermir sólin borgarbörn
berstrípuð í Nauthólsvík.
Árla næsta dag lét Skírnir Garð-
arsson í sér heyra:
Á Suðurlandi sólbrúnt fólkið
sjaldan verður.
Þar er rigning, rok og læti
rembingur og fátt ágæti.
Tíðarfarið telst nú gott
ef túnin þorna,
einhvern tíma í ágústlokin
eru hey þá gjarna fokin.
Búskap manna basl og streð
það bágan tel ég,
hokra menn á hundaþúfum “
harðbýlum og næsta úfum.
– „lánað frá Matta Joch., Gvendi
dúllara og Símoni Dalaskáldi,“ er
lokorð Skírnis.
Halldór Blöndal
halldorblondal@simnet.is
Vísnahorn
Sólskin á Suðurlandi og
rigning fyrir norðan
Grettir
Í klípu
„ÞETTA ER VONANDI EKKI FRÁ LEIÐANDI
FRAMLEIÐANDA. SJÚKRATRYGGINGAR
NIÐURGREIÐA BARA SAMHEITALYF.“
eftir Mike Baldwin eftir Jim Unger
„TÓLF RÓSIR, TAKK.
MEÐ LÖNGUM STILK.“
Hermann
Ferdinand
Hrólfur hræðilegi
... að sjá hann blása á
kertið á fyrstu
afmæliskökunni sinni.
LÍFIÐ Á SÉR
STAÐ ÚTI.
EN HÉR SIT ÉG, ÉT
KLEINUHRINGI OG HORFI
Á TEIKNIMYNDIR.
RAUNVERULEIKINN
ER OFMETINN.
HJÚKRUNARKONAN
SAGÐI AÐ DR. ZOOK
VÆRI Í FRÍI.
NÚ JÁ, EN FRÁBÆRT! OG
HVAÐ ÁTT ÞÚ EIGINLEGA AÐ
GERA ÞAR TIL HANN KEMUR
AFTUR?
HÚN STAKK
UPP Á ÞVÍ AÐ
ÉG SVÆFI
STANDANDI.
SEGÐU ÞAÐ MEÐ
BLÓMUM HANNÁ AFMÆLI Í DAG ...
Gengi íslensku krónunnar um þess-
ar mundir stendur þannig að Ísland
er ódýrt fyrir útlendinga. Þetta er
meginskýring þess að ferðamönnum
sem hingað koma hefur fjölgað svo
mjög á síðustu árum. Fyrir blá-
fátæka þjóð, sem er enn að moka sig
út úr sköflum efnahagskreppu,
hefur sannarlega munað um þetta.
Ferðaþjónustan er atvinnuvegur
sem munar um og skilar æ meiru til
samfélagsins. En nú, þegar útlend-
ingarnir sem til landsins koma á
einu ári nálgast eina milljón, er hins
vegar nauðsynlegt að spyrja spurn-
inga. Eru þolmörkin sprengd? Er
frekari aukning í túristabrasanum
æskileg að óbreyttu?
x x x
Víkverji fór á dögunum, eins og
oft áður, í sunnudagsbíltúr austur á
Þingvelli. Það er margt áhugavert
að sjá og upplifa á þeim kynngi-
magnaða stað. Yfirleitt hefur þar
verið þægilegur fjöldi ferðamanna
er nú brá svo við að öll bílastæði
voru troðfull og í mannhafinu á Hak-
inu og á Lögbergi heyrðist ekki ís-
lenska. Ætla má að á bestu dögum
sumarsins komi þúsundir manns á
staðinn – og sennilegt að senn verði
Kristnihátíðin árið 2000 slegin út,
hvað aðsókn víðvíkur. Satt að segja
minnti stemningin á Þingvöllum
hinn víðförla Víkverja svolítið á að
vera kominn til Taj Mahal á Ind-
landi, sitja í flughöfninni á Heathrow
í Lundúnum eða vera í mauraþúfu
mannlífsins í fjarlægum borgum
eins og Delí á Indlandi eða Saigon í
Víetnam.
x x x
Enginn skyldi taka orðum Vík-
verja sem svo að útlendingar séu
ekki aufúsugestir á Íslandi. Spreng-
ing í gestafjölda leiðir hins vegar af
sér að strax þarf að gera ferða-
mönnum fleiri áhugaverða staði að-
gengilega og þar er af nægu að taka.
Álagið þarf að dreifast betur heilt
yfir landið. Eins og staðan er núna
stefnir í óefni og að blaðran springi.
Og það er, í hreinskilni sagt, frekar
ónotalegt að á Þingvöllum, á fleka-
skilunum frægu og staðnum þar sem
hjarta Íslands slær, finnist Íslend-
ingum þeir vera aðskotadýr og hálf-
gerðar boðflennur. víkverji@mbl.is
Víkverji
Drottinn er nálægur þeim sem hafa
sundurmarið hjarta, hann hjálpar
þeim sem hafa sundurkraminn anda.
(Sálmarnir 34:19)
4Viðhaldsfrítt yfirborð
4Dregur ekkert í sig
4Mjög slitsterkt
48, 12, 20 & 30mm þykkt
Viðarhöfða 1, 110 Reykjavík | Sími 566 7878 | www.rein.is
UTANHÚSKLÆÐNING ® BORÐPLÖTUR ® SÓLBEKKIR ® GÓLFEFNI
þolir 800°C hita og er frostþolið
Nýtt efni frá
BORÐPLÖTUR
Renndu við og skoðaðu úrvalið