Morgunblaðið - 18.08.2014, Blaðsíða 9
Undanfarin ár hefur verið unnið að
því að setja upp og taka í notkun
eignarskrárhluta Orra, fjárhags-
og mannauðskerfis ríkisins, sam-
kvæmt því sem fram kemur í rík-
isreikningi Fjársýslu ríkisins fyrir
árið 2013.
Í séryfirliti ríkisreikningsins yfir
A-hluta eignaskrár ríkisins kemur
fram að húsgögn í eigu ríkisins voru
5,8 milljarða króna virði í fyrra,
lækningatæki í eigu ríkisins voru 4,9
milljarða króna virði, skip í eigu rík-
isins voru 15,4 milljarða virði og flug-
vélar 13,9 milljarða virði.
Í skýringum Fjársýslunnar segir
að því sé ekki að neita að verkinu að
taka Orra í notkun hafi ekki miðað í
samræmi við væntingar og
„alveg ljóst að það hefur almennt
lítinn forgang hjá A-hluta aðilum.
Þá hafa miklar breytingar á ráðu-
neytum og stofnunum á síðustu
árum tafið verkið og gert það
flóknara í framkvæmd. Við þetta
bætist að nokkrar ríkisstofnanir
nýta ekki fjárhagskerfi Orra heldur
önnur kerfi og hefur aðeins ein
þeirra skilað umbeðnum gögnum í
þessu samhengi,“ segir m.a. í skýr-
ingum með eignaskránni. Því telur
Fjársýslan að enn taki nokkur ár að
þróa heildstæða eignaskrá fyrir A-
hluta ríkissjóðs.
Yfirlitið sýnir stöðu eignaskrár-
innar miðað við þá 127 ríkisaðila
í A-hluta sem eru með fullnægj-
andi eignaskrá í Orra í árslok 2013,
samkvæmt skýringum Fjársýslunn-
ar. Í skýringunum kemur fram að
eignaskráin sé ekki tæmandi, þar
sem upplýsingar skorti frá
ákveðnum stofnunum sem eigi um-
talsverðar eignir, svo sem Háskóla
Íslands og Hafrannsóknastofnun.
agnes@mbl.is
Ríkið á húsgögn
fyrir 5,8 milljarða
Breytingar á
ráðuneytum og stofn-
unum hafa tafið fyrir
Morgunblaðið/Jim Smart
Morgunblaðið/Sigurður Ægisson
Gestir í hvalaskoðunar- og sjó-
stangaveiðiferðum Níelsar Jóns-
sonar EA 106 frá Hauganesi hafa
verið heppnir í sumar. Þeir hafa
veitt óvenju marga rígaþorska. Sá
lengsti mældist 130 sentímetrar og
hefur því verið um 22 kg að þyngd
og annar var 127,5 cm, eða um 20
kíló.
Þorskurinn sem Svíinn Kaveh
Teimori veiddi um miðja seinustu
viku var alveg nógu stór fyrir hann,
108 sentímetrar á lengd og á að
giska 12-14 kg að þyngd. Hann
þurfti að hafa sig allan við að draga
hann inn og halda á honum við
myndatöku. Annar stærri veiddist
síðar um kvöldið.
Garðar Níelsson skipstjóri segir
að sumarið hafi verið óvenjulegt að
þessu leyti. Fiskarnir taki vel í og
því reyni á veiðimennina. Fiskarnir
séu goggaðir við skipshlið til að ná
þeim inn fyrir borðstokkinn. Gest-
irnir séu síðan hamingjusamir þeg-
ar allt er yfir staðið.
Þorskur getur orðið allt að tveir
metrar að lengd. Lengsta þorsk
sem veiðst hefur hér við land og er
skráður hjá Hafrannsóknastofnun
veiddu skipverjar á Hrafni GK í
botnvörpu á Reykjanesgrunni í
mars 1998.
Hamingjusamir veiðimenn
með rígaþorskinn
Hvalaskoðunar- og sjóstangaveiðiferðir Níelsar Jónssonar EA 106
FRÉTTIR 9Innlent
MORGUNBLAÐIÐ MÁNUDAGUR 18. ÁGÚST 2014
Ingileif Friðriksdóttir
if@mbl.is
„Þetta er svokölluð einkabílaleiga
þar sem almenningi gefst kostur á að
leigja bílana sína út til bæði ferða-
manna og annarra Íslendinga,“ segir
Vignir Már Lýðsson, en hann er einn
upphafsmanna heimasíðunnar Cari-
tas.is.
Caritas er ný bílaleigumiðlun þar
sem bifreiðaeigendur eiga kost á því
að láta bílinn sinn vinna fyrir sig, og
að sögn Vignis geta Íslendingar nú
loks leigt bílana sína út á öruggan og
löglegan hátt. „Markmiðið með
þessu er að fólk geti samnýtt bílana
sína betur,“ segir Vignir. „Við vitum
að einkabíllinn stendur óhreyfður í
22 tíma á sólarhring en með því að
koma honum í leigu er verið að auka
nýtinguna á bílnum.“
Langur aðdragandi
Caritas er nýjasta afurð hugbún-
aðarfyrirtækisins Integral Turing,
sem starfar fyrst og fremst á mark-
aði fyrir sölukerfi, en Vignir vann að
þróun vefsíðunnar ásamt Janusi Arn
Guðmundssyni, Þengli Björnssyni,
Þórði Hermannssyni og Matthíasi
Páli Gissurarsyni, starfsmönnum
fyrirtækisins. Hugmyndin að þjón-
ustunni kviknaði í fyrra, en fram-
kvæmdin fór að mestu fram í sumar.
„Það er búinn að vera langur aðdrag-
andi að þessu en það var bara núna í
sumar sem við fórum á fullt með
þetta,“ segir Vignir. Verkefnið er
byggt á erlendri fyrirmynd, en sams-
konar fyrirtæki hafa rutt sér til rúms
í Kaliforníu í Bandaríkjunum og ver-
ið mjög vinsæl. Vignir segir hug-
myndina vera í anda Airbnb þar sem
fólk getur leigt út íbúðirnar sínar, en
hjá Caritas leigi það út bílana sína í
staðinn.
„Ferlið er þannig að fólk sem á bíl
getur skráð sig inn á síðuna, sent inn
upplýsingar um bílinn sinn og þá er
hann skráður. Þá geta ferðamenn,
eða aðrir sem eru að leita sé að bíla-
leigubíl, farið inn á síðuna, fundið bíl-
ana og leigt þá af einstaklingunum,“
segir hann, en félagarnir bjóða upp á
bókunarkerfi á síðunni þar sem eig-
endur bílanna geta séð allar pantanir
sem hafa komið inn til þeirra og haft
yfirlit yfir leigurnar. „Upplifunin er
að þetta er bílaleiga,“ segir Vignir.
Samvinna
Verkefnið er gert í samvinnu við
Samgöngustofu og öll trygginga-
félögin. „Við erum með bílaleiguleyfi
og tryggjum alla bíla hjá viðeigandi
tryggingafélagi. Bíllinn er skráður
sem bílaleigubíll meðan á leigunni
stendur svo þetta er allt lögum sam-
kvæmt, sem er gríðarlega mik-
ilvægt,“ segir Vignir. „Við erum
einnig í samstarfi við Kolvið, fyr-
irtæki sem sér um kolefnisjöfnun, og
við gróðursetjum eitt tré fyrir hverja
leigu sem fer fram,“ bætir hann við,
og segir mikið lagt upp úr því að fyr-
irtækið sé umhverfisvænt.
Félagarnir eru bjartsýnir um
framhaldið. „Það eru yfir 300.000
bílar skráðir á Íslandi, og ef við fáum
þótt ekki sé nema 1% af þeim þá er
þetta orðin stærsta bílaleiga lands-
ins,“ segir Vignir. „Nú erum við bara
að miða inn á það að fá Íslendinga til
að skrá bílana sína. Það er mikilvægt
til að svona verkefni gangi upp,“
bætir hann við, og segist viss um að
Íslendingar muni taka vel í Caritas.
Gera fólki kleift að leigja út einkabílinn
Auka nýtingu á heimilisbílnum með
því að koma honum í almenna leigu
Morgunblaðið/Styrmir Kári
Caritas.is Bílaleiga Caritas er nýjasta afurð hugbúnaðarfyrirtækisins Integral Turing.
Húsaleigukostnaður ríkisins á þessu
ári er tæpir 8,4 milljarðar króna,
samkvæmt séryfirliti Fjársýslu rík-
isins um skuldbindandi langtíma-
samninga ríkisins. Reiknað er með
því að leigukostnaður ríkisins á
næsta ári verði 8,1 milljarður króna,
á árinu 2016 7,9 milljarðar og á
árinu 2017 7,7 milljarðar króna.
Húsleigukostnaður ríkisins vegna
Sendiráða Íslands erlendis er
stærsti einstaki kostnaðarliðurinn
en í ár eru greiddar vegna þeirra
683 milljónir króna og gert ráð fyrir
sömu upphæð næstu þrjú árin.
Húsaleigukostnaður vegna
heilsugæslustöðva á höfuðborg-
arsvæðinu er 398 milljónir króna í
ár og áætlaður svipaður næstu þrjú
árin; Alþingi greiðir 180 milljónir í
húsaleigu í ár, en leigukostnaður
fyrir árið 2017 er áætlaður 45 millj-
ónir króna; Háskóli Íslands greiðir í
ár 141 milljón króna og sama fjár-
hæð er áætluð á ári, næstu þrjú ár-
in.
Sinfóníuhljómsveit Íslands greið-
ir 162 milljónir króna í leigu í ár og
sama fjárhæð er áætluð í leigu
næstu þrjú árin. agnes@mbl.is
Borgar 8,4 milljarða
í leigu á þessu ári